InfoHub Logo

ءوزىن - ءوزى» تانۋ ۇيىمداستىرىلعان وقۋ ءىس - ارەكەتىنىڭ جوسپارى
ءبىلىم بەرۋ سالاسى: «تانىم»، «دەنساۋلىق»
تاقىرىبى: «دوستىق تاتۋلىقتان باستالادى»
قۇندىلىق: دوستىق، دۇرىس ارەكەت.
قاسيەتتەر: تاتۋلىق، سىيلاستىق
رەسۋرستار: (قۇرالدار، مالىمەتتەر)
ۇيىمداستىرىلعان وقۋ ءىس - ارەكەتىنىڭ ماقساتى:
«دوستىق» قۇندىلىعى تۋرالى تۇسىنىك بەرۋ
مىندەتتەرى:
- دوسىن قادىرلەي بىلۋگە ۇيرەتۋ؛
- دوسىنا ادال بولۋعا تاربيەلەۋ؛
- دوسىنا قيانات جاساماۋعا ۇيرەتۋ.
رەسۋرستار:
تاقىرىپقا بايلانىستى مازمۇندى سۋرەتتەر، جۇرەكشەلەر
ۇيىمداستىرىلعان وقۋ ءىس - ارەكەتىنىڭ بارىسى:

2. ۇيىمداستىرۋ كەزەڭى
- بالالار، وقۋ ءىس - ارەكەتىن باستاماس بۇرىن شەڭبەرگە تۇرىپ، قولىمىزعا جۇرەكشەلەرىمىزدى الىپ، ءبىر - بىرىمىزگە جىلى لەبىزىمىزدى بىلدىرەيىك.
شاتتىق شەڭبەرى
سالەمدەسۋ
ءبىز بالدىرعان تەڭ باسقان!
دوس قۇشاعىن كەڭگە اشقان!
تىلەگىمىز ادىلدىك!
اشىق بولسىن كەڭ اسپان!
دوستىق - ءومىر تىرەگى،
دوستىق - ءار ادامنىڭ تىلەگى.
تاتۋلىق ءدايىم ساقتالسا،
قۋانىشپەن سوعادى ءار ادامنىڭ جۇرەگى.
تىنىشتىق ءساتى.
ا. ەڭسەپوۆ «بالالىق شاق» اۋەنى

2. وتكەن ماتەريالدى پىسىقتاۋ.
- بالالار، وتكەن وقۋ ءىس - ارەكەتىمىزدە ءبىز قانداي تاقىرىپتا اڭگىمەلەدىك؟
- ول اڭگىمەدەن سەندەر نە تۇسىندىڭدەر؟
- سەندەر دوستارىڭا قالاي كومەكتەسىپ جۇرسىڭدەر؟
3. دايەك ءسوز.
«دوس كوڭىلى شاراينا،
«سىندىرىپ الما ابايلا».
4. اڭگىمەلەۋ (سۇحبات)
- بالالار، بۇگىنگى وقۋ ءىس - ارەكەتىندە ءبىز «دوستىق تاتۋلىقتان باستالادى» تاقىرىبىندا اڭگىمەلەسەمىز.
- بالالار، سەندەردىڭ دوستارىڭ كوپ پە؟
- دوستارىڭمەن تاتۋسىڭدار ما؟
- مەن بۇگىن سەندەرگە ۆ. سۋحوملينسكييدىڭ «اينەك - ادام» اتتى اڭگىمەسىن وقىپ بەرەمىن. مۇقيات تىڭدايىق.
ءبىر بالانىڭ تيتىمدەي دوسى - اينەك – ادامى بولدى. ءوزى ءموپ - ءمولدىر. ءبىر عاجابى؛ قاسيەتتى اينەك – ادام دوسىنىڭ نە ويلاعانىن، نەگە مۇڭايعانىنا دەيىن ءبىلىپ قويادى. بالا اناسىنىڭ ءتىلىن الماي سىرتقا ويناۋعا شىققالى جاتسا، - اينەك – ادام بۇرىنعىداي مولدىرەمەي، ءسال - ءپال كۇڭگىرت تارتىپ:
- ولاي ەتۋگە بولمايدى، اۋەلى ءىسىڭدى تىندىر. ويناۋعا سودان سوڭ شىق،- دەيدى.
بالا ۇيالىپ قالادى. دەرەۋ جۇمىسقا كىرىسەدى. جۇمىسىن بىتىرگەن سوڭ، سىرتقا شىعادى. اينەك - ادام ۇندەمەيدى. ءبىراق قايتادان ءموپ - ءمولدىر تۇسكە ەنەدى.
بىردە بالانىڭ اۋلادا بىرگە وينايتىن جولداسى اۋىرىپ قالدى. ءبىر كۇن ءوتتى، ەكى كۇن ءوتتى. بالا دوسىن ەسىنە المادى. اينەك - ادامىنا كوزى ءتۇسىپ ەدى، جاۋار بۇلتتاي تۇنەرىپ كەتىپتى. كىمگە جامانشىلىق جاساپ قويدىم، قانداي جامان وي ويلاپ قويدىم،- دەپ سۇرادى بالا دەگبىرى قاشىپ...
- ەشكىمگە جامانشىلىق جاساعان جوقسىڭ. جامان وي دا ويلاعان جوقسىڭ... تەك دوسىڭدى ۇمىتقانىڭ بولماسا.
بالانى ۇيات قىستى. دەرەۋ اۋرۋ دوسىنىڭ ۇيىنە تارتتى. وعان اناسى سىيلاعان ءبىر شوق گۇلىن، ۇلكەن - ۇلكەن المالارىن الا باردى.
اينەك – ادام وسىلاي بالانى ناعىز ادام، ناعىز دوس بولىپ وسۋگە باۋلىدى. ول – بالانىڭ ۇيات، ارى ەدى.
- بالالار، بۇل اڭگىمەدەن نە تۇسىندىڭدەر؟
- بالا ويىنعا شىعاردا اينەك – ادام نەگە كۇڭگىرت تارتتى؟
- بالا جۇمىسىن تىندىرعاننان كەيىن اينەك – ادام قانداي تۇسكە ەندى؟
- اينەك - ادامنىڭ ءتۇسى تاعى نەگە بۇزىلدى؟
- ول بالانىڭ ەسىنە نەنى سالدى؟

5. شىعارماشىلىق جۇمىس، توپتىق جۇمىس
- بالالار، جۇمىس داپتەرلەرىڭدى اشىپ، «دوستىق – تاتۋلىقتان باستالادى» دەگەن سۋرەتتى بوياپ، سونان سوڭ سۋرەت بويىنشا اڭگىمەلەپ بەرىڭدەر.

6. توپپەن ءان ايتۋ.
- بالالار، بۇگىنگى وقۋ ءىس - ارەكەتىمىز «دوستىق» تۋرالى بولعاندىقتان، ءبارىمىز بىرگە «دوس بولايىق ءبارىمىز» ءانىن ورىندايىق. ءسوزى: ح. تالعاروۆ ءانى: ي. نۇسىپبايەۆ

7. سوڭعى تىنىشتىق ءساتى.
سەكەن تۇرىسبەكوۆتىڭ «كوڭىل تولقىنى» كۇيى وينالادى.
- بالالار، ەندى كوزىمىزدى جۇمىپ، بۇگىنگى وقۋ ءىس - ارەكەتىن ەسىمىزگە تۇسىرەيىك. بۇگىنگى وقۋ ءىس - ارەكەتىنەن العان قاسيەتتەرىمىزدى جۇرەگىمىزگە جەتكىزىپ، ساقتايىق. ەندى جايلاپ، كوزىمىزدى اشۋعا بولادى.
- بالالار، وقۋ ءىس - ارەكەتىندە بارلىعىڭ دا جاقسى قاتىستىڭدار. سۇراقتارعا دۇرىس جاۋاپ بەردىڭدەر. بۇگىنگى كۇندەرىڭ قۋانىش اكەلسىن!