ديماش قۇدايبەرگەندى شەتەلگە وقۋعا جىبەرۋىمىز مۇمكىن - رەكتور مۇساقوجايەۆا
قازاق ۇلتتىق ونەر ۋنيۆەرسيتەتىنىڭ رەكتورى ايمان مۇساقوجايەۆانىڭ ايتۋىنشا، ءۇشىنشى كۋرستا وقيتىن ديماش قۇدايبەرگەن اقش-تىڭ لوس-اندجەلەس قالاسىنا وقۋعا بارۋى مۇمكىن، دەپ قازاقپارات حابارلايدى.
«قازىرگى كەزدە ءبىز اكادەميالىق ۇتقىرلىق باعدارلاماسى اياسىندا اقش-تىڭ لوس-اندجەلەس قالاسىنداعى Musicians institute (سollege of ContemporaryMusic) مەكەمەسىمەن ديماش كۇدايبەرگەندى وقۋعا قابىلداۋ بويىنشا كەلىسسوزدەر جۇرگىزىپ جاتىرمىز. وقۋدىڭ مەرزىمى - 120 كۇن»، - دەدى مۇساقوجايەۆا.
ونىڭ ايتۋىنشا، ديماشتىڭ داۋىسى ەرەكشە، سان الۋان جانرداعى شىعارمانى ورىنداي الادى. ونىڭ اناسى جوعارى سوپرانونى شەبەر ورىنداسا، اكەسى - ليريكالىق تەنور. ديماشتىڭ ءوزى احمەت جۇبانوۆ اتىنداعى اقتوبە مۋزىكالىق كوللەدجىندە ءبىلىم العان. ال 2014 جىلى قازاق ۇلتتىق ونەر ۋنيۆەرسيتەتىنە ءتۇستى. قازىرگى كەزدە ول «ەسترادا ونەرى» كافەدراسىنىڭ 3-كۋرسىندا وقيدى.
ايتا كەتەيىك، 2010 جىلى ديماش قۇدايبەرگەن «بايقوڭىردىڭ جارقىن داۋىستارى» حالىقارالىق فەستيۆالىندە ءبىرىنشى ورىندى يەلەنگەن. ال اراعا ەكى جىل سالىپ، «جاس قانات» رەسپۋبليكالىق بايقاۋىندا توپ جاردى. سول جىلى «شىعىس بازارى» حالىقارالىق كونكۋرسىندا تاعى دا باس جۇلدەنى قانجىعاسىنا بايلادى. 2015 جىلى «سلاۆيان بازارىندا» گران-پري يەگەرى اتاندى.
قازىرگى كەزدە ديماش قۇدايبەرگەن قىتايدىڭ حۋنان قالاسىندا ءوتىپ جاتقان «I am a singer» حالىقارالىق بايقاۋىنا قاتىسىپ جاتىر. بايقاۋدىڭ 5-كەزەڭىندە ول «Uptown Funk» انىمەن بەسىنشى ورىندى يەلەندى. ونىڭ قىتايلىق جانكۇيەرلەرى انشىگە ارناپ قۇمنان ادەمى بەينە سالۋعا قاتىستى ۆيدەوروليك ءتۇسىردى. ءبىر اپتاعا جەتپەيتىن ۋاقىت ىشىندە ونى 5 ملن-نان استام ادام كورىپ شىقتى.
You Might Also Like
-
مانعىستاۋ وبلىسى، جاڭاوزەن قالاسى №25 "تولاعاي" بالاباقشاسى مكقك-نىڭ № 12 "جۇلدىز" ماد توبىنىڭ تاربيەلەنۋشىسى: شامباي ۇلداي قاسىم قىزى تاربيەشىسى: نۇرمۇحانبەت اقەركە ج...
-
يننوۆاسيالىق-زياتكەرلىك تەxنولوگيالار اكادەمياسىنىڭ باس ديرەكتورى نۇرالى قۇدايبەرگەن ۇلىنىڭ ايتۋىنشا، ەلىمىزدە يننوۆاسيالاردى دامىتۋ ءۇشىن الدىمەن، زياتكەرلىك مەنشىككە باعالاۋ جۇرگىزەتىن مامانداردى ك...
