InfoHub Logo

يننوۆاسيالىق-زياتكەرلىك تەxنولوگيالار اكادەمياسىنىڭ باس ديرەكتورى نۇرالى قۇدايبەرگەن ۇلىنىڭ ايتۋىنشا، ەلىمىزدە يننوۆاسيالاردى دامىتۋ ءۇشىن الدىمەن، زياتكەرلىك مەنشىككە باعالاۋ جۇرگىزەتىن مامانداردى كوبىرەك دايىنداۋ قاجەت، دەپ قازاقپارات حابارلايدى.

سول كەزدە ەلىمىزدىڭ وسى سالاداعى ناقتى الەۋەتىن انىقتاۋعا مۇمكىندىك بولادى.

«زياتكەرلىك مەنشىككە باعالاۋ جۇرگىزەتىن ماماندىق جاقىن ارادا ۇلكەن سۇرانىسقا يە بولادى دەپ ويلايمىن. ماسەلەن، جاپونيا، تايۆان سياقتى مەملەكەتتەردى الايىقشى، ولار نەنىڭ ارقاسىندا كۇن كورىپ وتىر؟ ارينە، سان الۋان ونەرتابىس پەن تەxنولوگيالىق جاڭالىقتاردىڭ ارقاسىندا دامىپ كەلەدى. قازىرگى كەزدە ول جەردە ءبىر ادام تىڭ جاڭالىق تاپسا، بىردەن قاتارىنان بىرنەشە دامىعان مەملەكەتتە پاتەنت بەرىلەدى. اقش-تا، جاپونيادا، سينگاپۋردا، تايۆاندا - ءبارى ءبىر ۋاقىتتا سول جاڭالىققا پاتەنتتىڭ الىنعانىن ءبىلىپ وتىرادى. ول ءۇشىن ارنايى قىزمەت تە بار. ءبىر جولى xالىقارالىق جيىنعا قاتىسىپ، ءبىر يدەيام جايىندا ايتىپ ەدىم. سونى ەستىگەن تايۆان ەلىنىڭ پروفەسسورى ەكى اپتادان كەيىن ماعان پاتەنتتى كورسەتىپ تۇر. كوردىڭىز بە، دامىعان ەلدەر وندايدى بىردەن قاعىپ الادى"، - دەيدى نۇرالى قۇدايبەرگەن ۇلى.

وسىندايدا زياتكەرلىك مەنشىكتى شۇعىل باعالاپ، بەلگىلى ءبىر ونەرتابىستىڭ الەم بويىنشا بار-جوعىن بىلە الاتىن مامانداردىڭ تاپشىلىعى بارىنشا سەزىلەدى. بۇگىندە زياتكەرلىك مەنشىكتى باعالاۋمەن اينالىساتىن xالىقارالىق ساراپشىلار بار. دەگەنمەن، ولاردىڭ قىزمەتىنە جۇگىنگەن تىم قىمباتقا تۇسەدى. سول سەبەپتى قازاقستاندا وسى ساناتتاعى مامانداردى دايارلاۋ ماڭىزدى. ونسىز يننوۆاسيالار سالاسىنداعى جوبالاردى ىسكە اسىرعان قيىنعا سوعادى.

"بىزدە ونەرتابىستار مەن تىڭ جاڭالىقتار بويىنشا كوميتەت تە جوق. ونى قىسقارتىپ تاستادى. قازىرگى كەزدە ادىلەت مينيسترلىگى جانىندا اۆتورلىق قۇقىقپەن اينالىساتىن مەكەمە بار. مۋزىكاعا جانە تاعى باسقا پاتەنتتەر بەرىلەدى. الايدا ىرگەلى عىلىمي جوبالارعا قاتىستى جۇمىستار اقساپ تۇر. ءيا، ءبىر قۇجاتتى بەرەدى دە، بولدى. الايدا ونىڭ نەگىزىندە ءبىزدىڭ جاڭالىعىمىز باسقا ەلدە ەنگىزىلسە، قالاماقىنى الۋ قيىن"، - دەيدى اكادەميا باسشىسى.

ايتا كەتەيىك، بيىلعى جولداۋدا پرەزيدەنت اقپاراتتىق تەxنولوگيالار مەن يننوۆاسيالاردى كەڭىنەن دامىتۋدى تاپسىردى. يندۋستريالدى-يننوۆاسيالىق دامۋ باعدارلاماسىنىڭ ەكىنشى بەسجىلدىعى بارىسىندا دا يننوۆاسيالارعا نەگىزگى باسىمدىق بەرىلۋى ءتيىس. وسى ورايدا استانادا وتكەن ءبىر جيىندا «نازاربايەۆ زياتكەرلىك مەكتەپتەرى» اق باسقارما ءتورايىمى كۇلاش ءشامشيدينوۆا "ءبىز بىلمەيتىن" جاڭا ماماندىقتاردىڭ ءتىزىمىن جاريالاعان بولاتىن.

---