دالادان ەكى تىشقان ماي تاۋىپتى،
شىعىنسىز ەكەۋى دە جاي تاۋىپتى.
جانجالداسىپ بۇل مايدى بولىسە الماي،
مايمىلعا بولدىرۋگە كوڭىلى اۋىپتى.

ءبىلدىردى بۇلار بارىپ مايمىلعا ءوزىن،
ايتىستى اراداعى جانجال ءسوزىن.
«قوش كەلدىڭ، تارازىم بار، ولشەيىن،— دەپ،
جوعالتۋعا ويلاپتى مايدىڭ كوزىن.

ولشەپتى ءبىر جاعىنا مايدى سالىپ،
انجاعى كوتەرىلدى بوسقا قالىپ.
بوس جاعى مەن ماي جاعىن تەڭگەرۋگە
مايمىل تىقتى اۋزىنا مايدان الىپ.

اقىرىن جەپ ءبىتىرىپ مايلى باسىن،
بەزبەننىڭ تەگىستەپتى ەكى باسىن.
بەزبەننىڭ بىردەيلىگىن كوزبەن كەرىپ،
تىشقان كەتتى اعىزىپ كوزدىڭ جاسىن.

سورلىنىڭ جانجالداسقان مايى قايدا:
بەرمەيدى ەشبىر ۋاقىت جانجال پايدا.

ءوز ارا قوسىلماسا ىنتىماعىڭ،
جەم بولدىق كورىنگەنگە ءاربىر جايدا.
ەندىگارى بىرلىكتەن ايرىلماسقا،
تىشقاندار انت ەتىپتى ءبىر كەڭ سايدا.

---