InfoHub Logo

قىزىلوردا وبلىسى، قازالى اۋدانى،
قازالى اۋىلى №100 مەكتەپ تالىمگەرى
پشانوۆا ايگۇل ابۋباكىر قىزى

ەل تىرەگى - ۇلانبىز،
كوككە سامعار قىرانبىز
ماقساتى: ۇلاندار اراسىندا جاقسى جاعدايلاردى قالىپتاستىرۋ، ويىن مىنەز قۇلقى قابىلەتىن، الەۋمەتتىك ءوزارا ارەكەت داعدىسىن دامىتۋ، بوتەن مادەني توپتىڭ جاڭا قورشاعان ورتاسىمەن، نەگىزگى نورمالارىمەن، قۇندىلىقتارمەن، سەنىمدەرىمەن ادامداردى تەز تانىستىرۋ. توپتا سەنىمدى جانە اشىق اتموسفەرا قۇرۋ.
قارىم – قاتىناستاعى كەڭىستىكتىڭ ماڭىزىن جەتە تۇيسىنۋگە كومەك بەرۋ. دوستىققا، توپتا بىرلەسە ۇيىمشىلدىقپەن جۇمىس جاساي بەرۋگە ۇيرەتۋ.
«مەنىڭ ەلىم – مەنىڭ قازاقستانىم»

بىلىمدىلىك ماقساتى: وقۋشىلارعا ءوز وتانىنىڭ قۇندىلىقتارىن جانە تاۋەلسىزدىگىنىڭ ءمان – ماعىناسى قاسيەتىن ءتۇسىندىرۋ.
تاربيەلىك ماقساتى: مەملەكەتتىك رامىزدەردىڭ تاۋەلسىزدىكتىڭ ءبىزدىڭ جاس ۇرپاققا ارتار جاۋاپكەرشىلىگىن سارالاي وتىرىپ، بالالاردى پاتريوتتىق ۇستانىمدىلىققا تاربيەلەۋ.
دامىتۋشىلىق ماقساتى: ءارتۇرلى تاسىلدەرمەن وقۋشىلار اراسىندا وي سالۋ ارقىلى ولاردىڭ تانىمدىق قابىلەتتەرىن ارتتىرۋ.

ساباق ءتيپى: بەكىتىلگەن بىلىمدەردى پىسىقتاۋ.
ساباق ءتۇرى. ترەنينگ.
ساباق ءادىسى: توپتىق سايىستارى، ديالوگتىق تالداۋلار
مودۋلدىك تەحنولوگيا: ينتەراكتيۆتىلىك جيناق.
ءپانارالىق بايلانىس: تاريح، ادەبيەت، گەوگرافيا، ساياساتتانۋ، مادەنيەتتەنۋ، لوگيكا.

ساباق بارىسى:
ءى. ۇيىمداستىرۋ كەزەڭى:
مەنىڭ ەلىم – مەنىڭ قازاقستانىم

جۇرگىزۋشى ءسوزى:
كىرىسپە مانترا وقىلادى:
ءانۇرانىم – جان ۇرانىم،
ايتار ءانىم – سويلەر ءسوزىم
تۋعان جەرىم ساعىنارىم،
ماڭگى باقي شىرقالادى
رەسپۋبليكا ءانۇرانى.

ەلتاڭباسى ەلىمنىڭ
نەتكەن كوركەم ادەمى
تۇنىعىنداي كوڭىلدىڭ
ورتا اسپان الەمى

وزىڭدىكى - ەلىڭ دە،
وزىڭدىكى - جەرىڭ دە.
وزىڭدىكى - ءوزىڭ ەككەن ب ا ق،
تاۋەلسىزدىك تورىندە!

وزىڭدىكى تۋىڭ دا،
وت پەن اۋا، سۋىڭدا
جاسا قازاقستانىم
بەلدى بەكەم بۋىن دا!

جۇرگىزۋشى ءسوزى:
ارمىسىزدار قۇرمەتتى قاۋىم! ىرگەلى ەلدىڭ ەڭسەسى تىكتەلگەن زاماندا، مىناۋ ۇلى حالقىم امان تۇرعان كەمەلدى زاماندا بەيبىت كۇنمەن كەلگەن تاۋەلسىزدىگىنە 16 جىل تولعان مەرەكەلەرىڭىز قۇتتى بولسىن اعايىن!
بۇگىن ءبىز وسى ءبىر سوناۋ 1991 جىلى 16 جەلتوقساندا تاۋەلسىزدىك العان كۇننەن بەرى 16 جىل ۋاقىتتى قازاق ەلىنىڭ از عانا ساياسي تاريحىندا قانشاما وقيعالار تىزبەگى ءوتتى دەسەڭشى.
ەندەشە سول زامان توڭىرەگىندەگى بولىپ وتكەن، تاريحقا التىن ارىپپەن جازىلاتىن ءىرى وزگەرىستەرگە قارسى جاتقان ءبىزدىڭ ۇلەسىمىز قانشالىقتى كولەمدە.
ءبىز بۇگىنگى جاس ۇرپاق وتكەنگە كەلەر كۇنگە نە سىيلاي الامىز؟ وسىنداي كەلەلى سۇراقتارعا جاۋاپ تابۋ ماقساتىندا ءبىز سىزدەرگە «مەنىڭ ەلىم – مەنىڭ قازاقستانىم» تاقىرىبىندا تانىمدىق كونكۋرس ساباعىمىزدى باستايمىز.

ءى تۋر: زالمەن رازمينكا «مەنىڭ قازاقستانىم»
1. ق ر ءانۇرانى قانداي سوزبەن باستالادى؟ (التىن كۇن اسپانى)
2. ق ر تۋىندا نە بەلگىلەنگەن؟ (التىن كۇن، قۇس، ويۋ-ورنەك)
3. ق ر ەلتاڭباسىنداعى تۇلپارلاردى قالاي اتايدى؟ (پىراق)
4. ق ر رامىزدەرىن اتا؟ (ەلتاڭبا ،ءانۇران، تۋ)
5. ق ر تۋىنداعى بۇركىت بەينەسى نەنى بىلدىرەدى؟ (حالىقتىڭ باتىرلىق بەينەسى)
6. «لەنينگرادتىق ورەندەرىم» اتتى ولەڭنىڭ اۆتورى؟ (ج.جابايەۆ)
7. كوكشەتاۋ وڭىرىندە دۇنيەگە كەلگەن «قۇلاگەر» ولەڭىنىڭ اۆتورى؟ (اقان سەرى)
8. ق ر العاشقى عارىشكەرى (ت.اۋباكيروۆ.)
9. «التىن ادام » قاي جەردەن تابىلدى؟ (ەسىك قالاسىنان)
10. العاش عالىم، ەتنوگراف، ورتا ازيا مەن شىعىس قازاقستاننىڭ تاريح جانە ونەر سالاسىن زەرتتەۋشى؟ (ش.ءۋاليحانوۆ)
11.العاشقى قازاق اعارتۋشىسى ،قازاق تىلىندە وقۋشىلارعا وقۋلىقتار جازعان ۇستاز (ى.التىنسارين)
12. ق ر سيمۆولى رەتىندە قانداي جانۋاردى العان؟ (بارىس)
13. تاريحتا بەلگىلى ساقتار حانشايىمى (توميريس)
14. قازاقستان قانداي تەڭىزدەرمەن شەكتەسەدى؟ (كاسپيي، ارال)
15. قازاقستاننىڭ مەملەكەتتىك ءتىلى؟ (قازاق ءتىلى)
16. قازاقستاننىڭ قارىم-قاتىناس ءتىلى؟ (ورىس ءتىلى)

ءىى – تۋر
ەكى كوماندا قۇرۋ. اتى، ۇرانى
مۋزىكالىق فون.

ءىىى- تۋر:
ءان بايقاۋى «وتان تۋرالى اندەر»
قاي توپ قازاقستان جايلى كوبىرەك ءان ورىندايدى.

ءىۇ –تۋر:
كارتوگرافيالىق بايقاۋ.
(ق ر كارتاسى، قالالار اتى جازىلعان كارتوچكالار)

بەرىلگەن قالالاردىڭ اتىن كارتادان تاۋىپ تەز ورنالاستىرۋ كەرەك.
قوستاناي، اقتوبە، اتىراۋ، اقتاۋ، استانا، پاۆلودار، قاراعاندى، وسكەمەن، الماتى، جامبىل، قىزىلوردا، پەتروپاۆل، شىمكەنت، ايتەكە بي كەنتى.

ءۇ - تۋر: «وتانىمنىڭ كەلبەتى»
مۋزىكالىق فون.
ق ر رامىزدەرىنىڭ ءبىرى تۋدىڭ بەلگىسىن تەز جانە دۇرىس بەينەلەپ جاپسىرمالاۋ كەرەك. (5 مينۋت)

ءۇى – تۋر: باتىرلار بايقاۋى «تەمىر ادام»
ەرتەدە تاۋ قوپارعان باتىرلار بولادى دەسەدى. ولار الىپ كۇشتىڭ يەسى، تاۋدى تاۋعا كوشىرىپ باتىرلىق تانىتقان، ال قازىرگى زامانعى باتىرلار سول ەرلىكتى قايتالاي الار ما ەكەن؟
بايقاۋدىڭ شارتى: ءار كوماندادان ەڭ كۇشتى ەر جۇرەك دەگەن باتىر ورتاعا شىعىپ، ورتاداعى ۇلكەن تاۋدى قوپارۋى قاجەت. (ورتادا قۇشاقتارى ايقاسقان ادامدار شەڭبەر قۇرىپ تۇرادى. وڭ اياعى ورتادا، سول اياعى ارتتا تۇرادى) باتىردىڭ تاۋدى قوپارۋعا ءۇش رەت سوعۋ مۇمكىندىگى بار.
مۋزىكالىق فون.

ءۇىى- تۋر:
«ءيا - جوق» كاپيتاندار بايقاۋى
ءار كاپيتانعا 5 سۇراقتان قويىلادى.
جاۋابىن «ءيا» نەمەسە «جوق» دەپ ايتۋ كەرەك.
1. قىزىلوردا وبلىسى امۋداريانى جاعالاي ورنالاسقان (جوق،سىرداريانى)
2. قىزىلوردا وبلىسىندا 7 اۋدان بار؟ (ءيا)
3. سىر وڭىرىندە اتى اڭىزعا اينالعان ەرجۇرەك باتىرعا بىلتىر 430 جىل تولدى، باتىر شايقاسقان جاۋلارىنا ساۋاتسىز شاۋىپ، پالۋان دەنەسىنە كيىم شاق كەلمەي شايقاسقا ءتوسى اشىق تۇسكەن. زاتىنا اتى ساي ەتىپ، ونى تەمىر باتىر اتاعان (جوق، ءجالاڭتوس باتىر)
4. «جەتى جارعىنىڭ » اۆتورى تاۋكە حان (ءيا)
5. قازاقتا قالىڭدىقتىڭ باس كيىمى ساۋكەلە دەپ اتالادى؟ (ءيا)

1. كۇيشى،كورەگەن – قوبىزشى قورقىت (ءيا)
2. قازاق ەرتەگىلەرىنىڭ ايگىلى كەيىپكەرى الدار كوسە (ءيا)
3. قازاقستاننىڭ استاناسى بولعان قالالار ورەنبۋرگ، قىزىلوردا (ءيا)
4. جار-جار – ۇيلەنۋ تويىنىڭ ءانى (ءيا)
5. قاراپايىم جۇمىسشىنى قازاقتار باتراكتار دەگەن (جوق، شارۋا)

ءۇىىى –تۋر:
«الدار كوسە» ستيلىندەگى ەڭ قىزىقتى وقيعانى بەينەلەپ جازۋ. سىزدەرگە تاپسىرما: الدار كوسەنىڭ رولىنە ەنىپ بولماعان وقيعالاردان وتىرىك قۇراستىرىپ ەلدى الداۋ. ەڭ ۇزدىك وتىرىكشى جەڭىسكە جەتەدى.

ءىح –تۋر:
قورىتىندىلاۋ.
ماراپاتتاۋ.

ەل تىرەگى - ۇلانبىز،
كوككە سامعار قىرانبىز