InfoHub Logo

قىزىلوردا وبلىسى، قازالى اۋدانى، قازالى اۋىلى،
№100 ورتا مەكتەبىنىڭ قازاق ءتىلى مەن ادەبيەتى ءپانى ءمۇعالىمى
قامباروۆا ساعيرا لاۋباي قىزى

تاقىرىبى: بىلىكتى مامان، باسپاگەر - ەنسيكلوپەديست، جازۋشى تىلەۋحان جۇماحانوۆتىڭ ءومىرى مەن شىعارماشىلىعى تۋرالى «پاراسات بيىگىنەن كوز جازباعان قالامگەر»

ماقساتى: تىلەۋحان جۇماحانوۆ جازۋشى ءومىرى مەن شىعارماشىلىعى تۋرالى ماعلۇمات بەرۋ، بىلىمدەرىن كەڭەيتۋ، ۇلى تۇلعا شىعارماشىلىعىنا قۇرمەت، ماقتانىش سەزىمدەرىن وياتۋ.
بىلىمدىلىك: جازۋشى شىعارمالارىنىڭ تاقىرىپتارى جانە ولاردىڭ وزىندىك ەرەكشەلىكتەرىن تانىتۋ؛
دامىتۋشىلىق: ءوز بەتىمەن ىزدەنۋگە، وي تۇيۋگە باۋلۋ، ءوز ويلارىن ەركىن، ناقتى جەتكىزە بىلۋگە باۋلۋ، ءتىل بايلىقتارىن قوعامعا دەگەن وزىندىك كوزقاراسىنىڭ قالىپتاسۋىنا ىقپال ەتۋ؛
تاربيەلىك:سويلەۋ مادەنيەتىن جەتىلدىرۋ، شىعارماشىلىق جۇمىس ارقىلى تانىم تۇسىنىكتەرىن دامىتۋ، شىعارمالارىنان جازۋشى ومىرىنەن ۇلگى ونەگە الۋ، ۇلتىن، ەلىن سۇيۋگە جانە تۋعان ەلىنىڭ ازاماتى بولۋعا تاربيەلەۋ.

ءادىسى: ىزدەنۋشىلىك، وي قوزعاۋ سۇراق-جاۋاپ، شىعارماشىلىق تالداۋ
ءتۇرى: كونفەرەنسيا
ءتيپى: ونەگە
كورنەكىلىگى: ينتەراكتيۆتى تاقتا، جازۋشى شىعارمالارى،(دوكلاد) باياندامالار
بارىسى:
1. ۇيىمداستىرۋ كەزەڭى
كونفەرەنسيانىڭ جۇمىس ءتارتىبى
كونفەرەنسياعا قاتىسۋشىلاردىڭ كەلۋى
1.كونفەرەنسياعا قاتىسۋشىلاردى تىركەۋ
2. ءماجىلىستىڭ اشىلۋى
3. پلەنارلىق ءماجىلىس
4.ءۇزىلىس
5. سەكسيالار جۇمىسى
قورىتىندى پلەنارلىق ءماجىلىس، كونفەرەنسيا جۇمىسىنىڭ قورىتىندىسى بويىنشا رەزوليۋسياسىن قابىلداۋ
بايانداما رەگلامەنتى
پلەنارلىق ماجىلىستەگى بايانداما 7-10 مينۋت
سەكسياداعى بايانداما 5-7 مينۋت
ءجارىسسوز 3 مينۋت
پلەنارلىق ءماجىلىس

قۇتتىقتاۋ ءسوز
قوش، كەلدىڭىزدەر، كونفەرەنسياعا قاتىسۋشىلار!
قۇرمەتتى 10-سىنىپ وقۋشىلارى بۇگىنگى سىر ءوڭىرىنىڭ ازاماتى ويشىل، دارىندى اۋدارماشى باسپاگەر ، كورنەكتى جازۋشى، تىلەۋحان جۇماحانوۆتىڭ ءومىرى مەن شىعارماشىلىعىنا ارنالعان
«پاراسات بيىگىنەن كوز جازباعان قالامگەر» اتتى كونفەرەنسياعا حوش كەلدىڭىزدەر!
«تاريحي سانا ارقىلى ۇلتتىق سانا قالىپتاسادى، ۇلتتىق سانا ارقىلى ۇلتجاندىلىق، وتانشىلدىق، پاتريوتيزم قالىپتاسادى»،- دەدى بۇگىنگى اۆتورىمىز. سىزدەردى بويلارىڭىزدا ۇلتجاندىلىق، وتانشىلدىق سەزىم بولسىن.
بۇگىنگى ايتقالى وتىرعان جازۋشى تىلەۋحان جۇماحانوۆتىڭ ومىرىمەن شىعارماشىلىعى تۋرالى ويلارىڭىز ءساتتى شىقسىن. ىزدەنىس ويلارىڭىزعا ساتتىلىك تىلەيمىن
باياندامالار تاقىرىپتارى
1. تىلەۋحان جۇماحانوۆ قازىرگى زامانعى زيالىلار ورتاسىندا ءوز قاتارلاستارىنان وقشاۋ كوزگە تۇسەتىن دارا تۇلعا.
وقيتىن: قوجاق گۇلدانا
2. تىلەۋحان جۇماحانوۆ كوركەم - ادەبي عىلىمي-تانىمدىق كىتاپتاردىڭ اۆتورى.
مىڭتاي اقمارجان
3. تىلەۋحان جۇماحانوۆ بىلىكتى، دارىندى، ويشىل - ەنسيكلوپەديست «قازاقستان»اتتى كوپ تومدىق ەنسيكلوپەديالىق شىعارمالارى.
قالمىرزا نۇرسۇلۋ
4. «قاسىم حان»تاريحي بايانى - ادەبيەتىمىزدەن ورىن العان شىعارما.
كەڭەس اباي
5. تىلەۋحان جۇماحانوۆ –تالانتتى اۋدارماشى.
روللان نۇرگۇل
قورىتىندى

قۇرمەتتى وقۋشىلار!
كورنەكتى جازۋشى، جۋرناليست، باسپاگەر اتپال ازامات، ۇلى تۇلعا تىلەۋحان جۇماحانوۆ ءومىرى مەن شىعارماشىلىعى وقىرمان قاۋىمعا ۇلگى-ونەگە جازۋشى ادەبيەت، ونەر، تاريح فيلوسوفيا ماسەلەلەرىنە، ءتىپتى جاراتىلىستانۋ عىلىمدارىنا جان-جاقتى ءبىلىمدار بولعان.

ول بارشا كۇش-قايراتىن جۇرت جۇمىسىنا، ۇلت قامىنا ارنادى: رۋحانياتىمىزعا ولجا بولىپ قوسىلعان ءتول ەنسيكلوپەديالارىمىزدى جارىققا شىعاردى جاستارعا كوركەم مۇرا قالدىردى.
وزگەلەردەن پىكىرى بولەك ەدى. وزگەلەر ءوز پىكىرىن قيلى تۇرعىدان، قيلى ەسەپپەن ايتسا، ول ءوز پىكىرىن تەك ۇلتتىق مۇددە تۇرعىسىنان عانا ايتاتىن.

ونىڭ قازاقستان ەنسيكلوپەدياسىنا سىڭىرگەن ەڭبەگى، مادەنيەتتانۋعا، ادەبيەتتانۋعا تاريح سالالارىنا ارنالعان ءتۇرلى انىقتامالىقتارى - وزىندىك ءبىر ۇلتتىق ناقىشىمەن ەرەكشە دۇنيەلەر.
جازۋشى ەرەكشە قاراپايىم كىشىپەيىل اق جارقىن مەيىرىمدى ازامات بولعان. ونى سۇيگەن حالقى، وقىرماندارى ەرەكشە قۇرمەت تۇتادى. ءۇزىلىس

تەڭىز پەرزەنتى.
10-سىنىپ وقۋشىسى قوجاحمەت گۇلىماي
تىلەۋحان جۇماحانوۆ قىزىلوردا وبلىسى، ارال اۋدانى ، ۇيالى اۋىلىندا 1956 جىلى 15مامىردا ومىرگە كەلگەن.
ت.جۇماحانوۆ 1971-1972 وقۋ جىلى بۇرىنعى №420 قازىرگى №70 مەكتەپكە 9-سىنىپتان باستاپ، بۇرىن بەكارىستان بي اۋىلىندا وقىعان. اۋىلدىق جەردەن كەلگەن وقۋشىنىڭ قالادا وقىپ جۇرگەن وقۋشىلارعا قاراعاندا ءوزىنىڭ زەيىندى، ءبىلىمدى، تياناقتىلىعى ارقاسىندا قابىلەتتى بولدى. ول گۋمانيتارلىق ساباقتار تاريح، ادەبيەتكە بەيىم بولدى. از سويلەپ، كوپ تىڭدايتىن، وتە بايسالدى، ءبىر ءسوزدى،تاپسىرمانى دەر كەزىندە بۇلجىتپاي ورىندايتىن، اقىلدى، پاراساتتى وقۋشى ەدى.

ول قاي ساباقتا بولسىن ۇلكەن دايىندىقپەن كەلەتىن، اسىرەسە تاريح، ادەبيەت پاندەرىنەن اسىقپاي سويلەپ، ويلى پىكىرلەر ايتاتىن. ول كىتاپتى كوپ وقىدى. 10-سىنىپتىڭ كومسورگى بولعان. كلاستاستارى ونىڭ كەلەشەگىنە ۇلكەن سەنىممەن قارادى، سول جىلى قازگۋ-دىڭ فيلولوگيا فاكۋلتەتىنە وقۋعا ءتۇستى.
ول جانعا جايلى مىنەزى، دوسقا دەگەن، تۋىسقا دەگەن جاناشىرلىعى، جانۇياسىنا دەگەن بەرىك ماحابباتى كىمگە بولسا دا ۇلگى ەدى...

ادامنىڭ اسىلى ەدى
ومار سىمبات
جازۋشى ءومىرىنىڭ اسپانداتىپ ايتاتىنداي ەشبىر ەرەكشەلىگى جوق. قاتارلاستارىنان قالماي مەكتەپكە بارعان، پارتالاستارىنان وقشاۋلانىپ، كىتاپقۇمار بولعان، شىعارما جازعاندا ادەبيەتشى ۇستازدارىن تامساندىرىپ، نازارىنا ىلىككەن.
وسى قۇشتارلىق ارمانى اسقاق بالاڭ جىگىتتى قازاقتىڭ قارا شاڭىراعى اتانعان ايگىلى قاز گۋ-عا اكەلەدى.
ايماڭداي اكادەميكتەر مەن اق شاشتى پروفەسسور-ۇستازدارى ونىڭ ءورشىل ويلارىن ۇشتاي تۇسەدى. اڭگىمەلەرى رەسپۋبليكالىق گازەت-جۋرنالداردا بىرىنەن كەيىن ءبىرى جاريالانادى.
جازۋشىنى تارالىمى 450 مىڭعا دەيىن كوتەرىلگەن «قازاقستان ايەلدەرى» جۋرنالىنا جۇمىسقا شاقىرادى.

ءسوزى قانداي ورنىقتى بولسا، ءجۇرىسى دە سونداي سالماقتى جازۋشى كوزىلدىرىگىن ءبىر كوتەرىپ قويىپ، باسىلۋعا بەرىلگەن كىتاپتىڭ ءبىر بەتىنە وزگەرىس ەنگىزەدى. كۇندە ءبىر جاڭالىعى، جاقسىلىعىمەن زىمىراپ ءوتىپ جاتقان ۋاقىتتا ويىنا قوزعاۋ سالعان ماتەريال ەنىپ قالسا ەكەن دەگەن شىنايى كوڭىلى جاڭا باسىلىمنان كەدەرگىسىز ورنەك تابادى.
ومىرلىك تاجىريبەسى، باستان كەشكەنى ءبىر بولەك وزىنە جەتەرلىك ازاماتتىڭ ۋاقىتتىڭ ءقادىرىن بىلەتىن، ەلدىڭ ءبارى دە ءوزىم سەكىلدى دەپ ويلايتىن ەرەكشەلىگى دە ءتانتى ەتەتىن ەدى.

ەلىن سۇيگەن ۇل
ءومىرزاقوۆ دىنمۇحامەد
جازۋشى تىلەۋحان جۇماحانوۆتىڭ ءبىلىمدارلىعى مەن بىلىكتىلىگى، رۋحاني بايلىعى مەن وي ء-ورىسى قانداي كەڭ دەسەڭىزشى! ونىڭ عىلىمي دارەجەسى بولمادى.
ءوزىنىڭ بىلىمدىلىگىنە سەنگەندىگىنەن وتە ءپرينسيپشىل بولعان. ءوز پىكىرىنىڭ دۇرىستىعىن عىلىمي دارەجەلى عالىمداردىڭ الدىندا دا دالەلدەپ شىعۋشى ەدى. ونىڭ تاعى ءبىر قاسيەتى-قاراپايىمدىلىعى. جازۋشى قالامىنان قالعان كوركەم تۋىندىلارى، اۋدارمالارى، ءار جىلدارى قاعازعا تۇسكەن، مەرزىمدى باسپاسوزدە جارىق كورگەن وي-تولعامدار جيناعى، ءوزى تىكەلەي ارالاسقان، باسشىلىق جاساعان قانشاما باسىلىمدار، بارلىعى ەندى تۋعان ادەبيەتىمىزدىڭ، تۋعان رۋحانياتىمىزدىڭ ەرتەڭىنە قىزمەت جاسايتىندىعى كوزىمىزگە مەدەۋ.