ەلباسى قورىندا قازاقستاننىڭ ۇزدىك وقۋشىلارى ماراپاتتالدى
بۇگىن نازاربايەۆ ورتالىعىندا ق ر تۇڭعىش پرەزيدەنتى — ەلباسى قورىنىڭ «ەل ءۇمىتى» جوباسىنىڭ بەلسەندى قاتىسۋشىلارى - رەسپۋبليكالىق جانە حالىقارالىق وليمپيادالاردىڭ جەڭىمپازدارىنا قۇرمەت كورسەتىلدى.
«ەل ءۇمىتى» — قازاقستاننىڭ تۇڭعىش پرەزيدەنتى نۇرسۇلتان نازاربايەۆتىڭ باستاماسىمەن قولعا الىنعان قوردىڭ جاڭا جوباسى. جوبا ەلىمىزدىڭ دارىندى بالالارى مەن جاستارىن ىزدەپ-تاۋىپ، ولاردى قولداپ، عىلىمي جانە شىعارماشىلىق بەلسەندىلىگىن ىنتالاندىرۋعا باعىتتالعان.
«ەل ماقتانىشى» سىيلىعى اتالعان كەشەندى جوبانى جۇزەگە اسىرۋداعى اۋقىمدى جۇمىستىڭ ءبىرى بولىپ تابىلادى. ەلىمىزدىڭ ءار وڭىرىنەن ماتەماتيكا، فيزيكا، ينفورماتيكا، بيولوگيا، لينگۆيستيكا، حيميا پاندەرى بويىنشا جوعارى ناتيجەگە قول جەتكىزگەن جاس دارىندار جانە ولاردىڭ تالىمگەرلەرى مەن ۇستازدارى بۇگىن اتالعان سىيلىقتىڭ لاۋرەاتى اتاندى»، دەلىنگەن حابارلامادا.
حالىقارالىق دارەجەدەگى وليمپيادالاردان التىن، كۇمىس جانە قولا مەدال العان وقۋشىلارعا ەلباسى قورىنىڭ اتىنان ديپلومدار مەن اقشالاي سەرتيفيكاتتار تابىستالدى.
«كەشە قازاقستاننىڭ تۇڭعىش پرەزيدەنتى نۇرسۇلتان نازاربايەۆتىڭ قولىنان التىن مەدال يەگەرى — رەسپۋبليكالىق فيزيكا-ماتەماتيكا مەكتەبىنىڭ تۇلەگى (الماتى ق.)، حالىقارالىق اقپاراتتىق تەحنولوگيالار ۋنيۆەرسيتەتىنىڭ ستۋدەنتى باتىر سارداربەكوۆ پەن ونىڭ تالىمگەرى — قازاقستاندىق ۇلتتىق ينفورماتيكا كومانداسىنىڭ جاتتىقتىرۋشىسى تەمىرلان ساتىلحانوۆ 2 ميلليون تەڭگە كولەمىندەگى سەرتيفيكات الدى»، دەلىنگەن حابارلامادا.
كۇمىس سىيلىققا ءارقايسىسى 1 ميلليون تەڭگەدەن، قولا مەدال ءۇشىن 500 مىڭ تەڭگەدەن سەرتيفيكاتتار بەرىلدى.
بۇل مەدالداردىڭ يەگەرلەرىنە سەرتيفيكاتتاردى قازاقستان رەسپۋبليكاسى تۇڭعىش پرەزيدەنتى — ەلباسى قورىنىڭ اتقارۋشى ديرەكتورى اسەت يسەكەشيەۆ تابىستادى.
«ءقازىر تەرەڭ ءبىلىم الىپ، حالىقارالىق جارىستارعا قاتىسۋعا تاماشا مۇمكىندىكتەر وتە كوپ. مۇنداي مۇمكىندىكتەردى پايدالانۋ قاجەت. وسى رەتتە ەلباسى قورى «ەل ءۇمىتى» باستاماسى اياسىندا جاس تالانتتاردى قولدايدى، جاستاردى ىنتالاندىرادى جانە جاڭا بيىكتەردى باعىندىرۋعا كومەكتەسەدى»، — دەدى اسەت يسەكەشيەۆ.
قوردىڭ اتقارۋشى ديرەكتورى جاس تالانتتاردى مۇنىمەن توقتاپ قالماۋعا، بىلىمگە ۇمتىلىپ، جاڭا جەتىستىكتەرگە جەتۋگە شاقىردى. ول ستۋدەنتتەردىڭ بۇگىنگى جەتىستىگى — قازاقستاننىڭ تابىستى بولاشاعىنىڭ كەپىلى ەكەنىن اتاپ ءوتتى.
You Might Also Like
-
ق ر ءبىلىم جانە عىلىم ءمينيسترى اسحات ايماعامبەتوۆ پەداگوگتەردى كاسىپتىك قىزمەتىنە ءتان ەمەس جۇمىسقا تارتۋعا مۇمكىندىك بەرەتىن نورمانى جويۋعا ۋادە بەردى.
-
ءبىر جولى قوجاناسىردىڭ باعىنا ءۇش ۇرى ءتۇسىپتى. ب ا ق ىشىندەگى تاسىر-تۇسىردى ەستىگەن قوجا:
