InfoHub Logo

ءبىر جولى قوجاناسىردىڭ باعىنا ءۇش ۇرى ءتۇسىپتى. ب ا ق ىشىندەگى تاسىر-تۇسىردى ەستىگەن قوجا:

— قاتىن-ەي، شام جاق، باققا تۇسكەن كىمدەر ەكەن قارايىق! — دەيدى. قوجايىنداردى كورگەن ۇرىلار تۇرا قاشپاقشى بولعانىمەن كوزگە ءتۇسىپ قالادى. ۇرىلاردىڭ بىرەۋى تەز ارادا ءبىر اعاشقا جابىسادى دا، دەمىن ىشكە تارتىپ، ءۇنسىز تۇرىپ قالادى. ەكىنشىسى شىرىگەن جاپىراقتاردىڭ اراسىنا جاسىرىنادى. ءۇشىنشىسى جول ۇستىنە سۇلاپ تۇسەدى.

اپەندى اعاشقا جابىسىپ تۇرعان ۇرىعا بارىپ:

— سەن كىمسىڭ، مەنىڭ باعىمدا نە ىستەپ ءجۇرسىڭ؟ — دەيدى. ءۇن جوق. ەكىنشى رەت سۇرايدى. ۇرى بايعۇستىڭ قورىققاننان ءتىلى تاڭدايىنا جابىسىپ، ا دەپ اۋزىن اشۋعا شاماسى كەلمەيدى. قوجا ءۇشىنشى رەت سۇرايدى شاقىرىلماعان قوناقتان «نەتكەن جانسىڭ؟» دەپ. اقىرى ەسىن جيعان ۇرى:

— مەن اعاش ۇلۋىمىن، — دەيدى.

— مۇنداي رابايسىز زور ۇلۋدى ءبىرىنشى رەت كورىپ تۇرمىن، —  دەپ كۇلەدى اپەندى.

— بيىل جاۋىن-شاشىن مول بولىپ، سودان سورايىپ ءوسىپ كەتتىم، — دەپ تۇسىندىرەدى ۇرى.

قوجا باسىن شايقاپ، شىرىگەن جاپىراقتاردىڭ اراسىندا جۇرەسىنەن وتىرعان ۇرىعا كەلەدى.

— ال سەن كىمسىڭ، مەنىڭ باعىمدا نەعىپ ءجۇرسىڭ؟ — دەيدى قوجا.

ءۇن جوق. ەكىنشى مارتە سۇرايدى. ۇرى جۇمعان اۋزىن اشپايدى. ءۇشىنشى مارتە قوجا سۇراعىن قاتتىراق ايتادى. ماناعى دان دا كۇلكىلى جاۋاپ ەستيدى.

— مەن ۋلى ساڭىراۋقۇلاقپىن...

— وي، قاتىن-اي! — دەپ ىشەك-سىلەسى قاتادى اپەندىنىڭ. — مىنا زور ساڭىراۋقۇلاقتى قاراشى!

— مەن قارا شىرىك بار جەردە وسەمىن، مىنە، سوندا سورايىپ ءوسىپ كەتتىم.

قوجا «ساڭىراۋقۇلاق» جاققا تۇكىرە بەرگەندە، جول ۇستىندە سۇلاپ جاتقان تاعى بىرەۋدى كورەدى. ول تاعى دا ءۇش مارتە مۇنىڭ كىم ەكەنىن سۇرايدى. ءۇشىنشى مارتە سۇراعاندا عانا جاۋابىن ەستيدى.

— مەن ولىكپىن، — دەيدى ۇرى.

— ولىكتەر سويلەي المايدى عوي، — دەگەندە، ۇرى:

— وزدەرىنىڭ ولىك ەكەنىن ۇمىتقان كەزدە سويلەي باستايدى! —  دەيدى ول. مولدا بۇل سوزدەرگە ىشەك-سىلەسى قاتقانشا كۇلەدى، ءتىپتى شام دا ءسونىپ قالادى. شام سونگەنىن پايدالانىپ ءۇش ۇرى شارباقتان سەكىرىپ تۇرا قاشادى.

— ەي، قاتىن، ءجۇر ۇيىقتايىق، باققا ەشقانداي ۇرى تۇسپەپتى عوي، — دەپتى سوندا اپەندى.

---