ەلباسىمىزعا العىسىمىز شەكسىز
جەر بەتىندە ەلىنىڭ تاۋەلسىزدىگىن، حالقىنىڭ بوستاندىعىن ويلامايتىن جۇرت جوق شىعار. بۇل تاۋەلسىزدىك – ءبىز ءۇشىن باسقا قونعان ب ا ق. باقتى باعالاعان حالىقتى باستايتىن تاق يەسى دە بولۋى ءتيىس. تاۋەلسىزدىكتىڭ العاشقى جەتىستىگى – حالقىمىزدىڭ ءوز تاڭداۋىمەن ەل پرەزيدەنتى ن.ءا.نازاربايەۆتى سايلاعانى. ول ەلىمىزدىڭ تۇڭعىش پرەزيدەنتى.
ن.ءا.نازاربايەۆ 1940-جىلى 6 شىلدەدە الماتى وبلىسى، قاراساي اۋدانىنا قاراستى شامالعان اۋىلىندا قاراپايىم وتباسىندا دۇنيەگە كەلدى. اكەسى ءابىش نازاربايەۆ مىرزابالانىڭ ۇلى 1903-جىلى نازارباي ءبيدىڭ شاڭىراعىندا دۇنيەگە كەلدى. ول 1971 جىلى قايتىس بولادى. اناسى ءالجان 1910-جىلى قاسىق اۋىلىندا مولدانىڭ ۇيىندە دۇنيەگە كەلدى. جارقىن ءجۇزدى ءالجان بالاسىن ۇلكەندى قۇرمەتتەۋگە، سىيلاۋعا باۋلىدى، ونىڭ ۇلتتىق داستۇرلەرگە، ءان-جىرلارعا، سالت-عۇرىپتارعا قۇشتارلىعىن وياتتى. ول 1977-جىلى قايتىس بولادى.
نۇرسۇلتاننىڭ بالالىق شاعى ۇزاققا سوزىلعان جوق. مەكتەپتى ءبىتىرىپ، 18گە تولعان نۇرسۇلتان ءوز قاتارلاستارىنىڭ اراسىندا تەرەڭ بىلىمىمەن، ءوي-ورىسىنىڭ كەڭدىگىمەن ەرەكشە كوزگە ءتۇستى.
تەميرتاۋداعى مەتاللۋرگيا كومبيناتىنىڭ قۇرىلىسىنا كومسومولداردى جيناپ جاقانىن ەستىگەن سوڭ، ول مەتاللۋرگ بولۋعا بەل بۋدى.تەميرتاۋعا كەلگەن سوڭ، بولاشاق مەتاللۋرگ رەتىندە ۋكرايناعا، دنەپرودزەرجينسك قالاسىنداعى دنەپر مەتاللۋرگيا كومبيناتى جانىنداعى كاسىپتىك-تەحنيكالىق ۋچيليششيگە وقۋعا جىبەرىلىپ، 1960 جىلى بىتىرەدى. ەڭبەك جولىن 1960-69 جىلدارى تەميرتاۋ قالاسىنداعى قاراعاندى مەتاللۋرگيا كومبيناتىندا قاتارداعى جۇمىسشى بولىپ باستاپ، دومنا پەشىنىڭ اعا گازداۋشىلىعىنا دەيىنگى جولدان ءوتتى.
1969-1973 ج قاراعاندى وبلىسى، تەميرتاۋ قالاسىنداعى پارتيا-كومسومول جۇمىستارىندا جاۋاپتى قىزمەتتەر اتقاردى. 1973-77ج قارمەت كومبيناتتىڭ پارتكوم حاتشىسى. 1977-79 جقاراعاندى وبلىستىق پارتيا كوميتەتىنىڭ حاتشىسى. 1990-جىلدىڭ ساۋىرىنەن – قازاق كسر پرەزيدەنتى. 1991-جىلى جەلتوقساننىڭ بىرىندە تۇڭعىش رەت
ق ر پرەزيدەنتىنىڭ سايلاۋى ءوتىپ، ن.نازاربايەۆ 98،7 پايىز داۋىسپەن جەڭىسكە جەتتى. 1995-جىلى ءساۋىردىڭ 29ىندا جالپىحالىقتىق رەفەرەندۋم ناتيجەسىندە ق ر پرەزيدەنتى وكىلەتتىلىگى 2000ج دەيىن ۇزارتىلدى. 1999-ج 10 قاڭتاردا وتكەن سايلاۋدىڭ ناتيجەسىندە ن.نازاربايەۆ 79،78 داۋىسپەن ق ر پرەزيدەنتى بولىپ قايتا سايلانادى. 2005 ج 4-جەلتوقساندا 91،5 پايىز داۋىس جيناپ قايتا ق ر پرەزيدەنتى لاۋازىمىن الادى. 2011-جىل 3-ساۋىردە سايلاۋشىلاردىڭ 95،5 پايىزىن الىپ ق ر پرەزيدەنتى بولىپ تاعى دا سايلانادى.
ن.نازاربايەۆ تەك پرەزيدەنت بولىپ قانا قويماي سونىمەن قاتار، نۇر وتان پارتياسىنىڭ ءتوراعاسى، جوعارعى سوت كەڭەسىنىڭ ءتوراعاسى، قازاقستان رەسپۋبليكاسىنىڭ باس قولباسشىسى، دۇنيە ءجۇزى قازاقتارى قاۋىمداستىعىنىڭ ءتوراعاسى، ەۆروپاداعى قاۋىپسىزدىك جانە ىنتىماقتاستىق ۇيىمىنىڭ ءتوراعاسى، گيمننىڭ اۆتورى.
بۇل دەگەنىمىز قازاقستان حالقىنىڭ ەلباسىنا دەگەن قۇرمەتى، سەنىمى دەپ ويلايمىن.
ن.نازاربايەۆتىڭ جۇبايى سارا الپىس قىزى – بوبەك قورىنىڭ باسشىسى. ەلباسشىنىڭ 3 قىزى بار. داريعا- ساياسات عىلىمدارىنىڭ دوكتورى، حابار اگەنتتىگىنىڭ ديرەكتورلار كەڭەسىنىڭ ءتورايىمى، ق ر پارلامەنتى ءماجىلىسىنىڭ دەپۋتاتى، بۇگىنگى كۇندە ۆيسە-مينيستر قىزمەتىن اتقارۋدا.
دينارا – ن.نازاربايەۆ اتىنداعى ءبىلىمدى قولداۋ قورىن باسقارادى.
ءاليا – ەليتستروي قۇرىلىس كومپانياسىن باسقارادى. ن.نازاربايەۆتىڭ 7 نەمەرەسى جانە ەكى شوبەرەسى بار.
ەلباسىمىزدىڭ كوپتەگەن كىتاپتارى، ولەڭدەرى مەن دايەكسوزدەرى بار. مىسالى: «قازاق قازاقپەن قازاقشا سويلەسسىن»، «قازاقستاننىڭ بولاشاعى – قازاق تىلىندە»، «بەيبىتشىلىك كىندىگى»، «عاسىرلار توعىسىندا» جانە ت.ب.
ن.نازاربايەۆ بيىل 26-جىل پرەزيدەنت بولىپ كەلەدى. وسى 26-جىلدىڭ ىشىندە كوپتەگەن جەتىستىكتەرگە جەتىپ، قازاق ەلىنىڭ ىشكى جانە سىرتقى ساياساتىن، ەكونوميكاسىن ەداۋىر كوتەردى.
ەڭ باستى جەتىستىكتەرىمىزدىڭ ءبىرى – ەلباسىمىزدىڭ سامميتكە ءتوراعالىق ەتۋى جانە ءبىزدىڭ ەلىمىزدە العاش رەت قىسقى وليمپيادالىق ويىنداردىڭ وتكىزىلۋى بولدى. ەلباسىمىز ۇرپاقتىڭ سانالى، ءبىلىمدى بولىپ، بولاشاقتا ءوز ەلىنە پايداسىن تيگىزۋى ءۇشىن «نازاربايەۆ زياتكەرلىك مەكتەپتەرىن» اشتى.
«ەحرو-2017» كورمەسى دە جاستاردى زەرتتەۋ جۇمىستارىنا جۇمىلدىرىپ، عىلىم سالاسىندا ەلىمىزدىڭ كەڭىنەن قانات جايۋىنا جاقسى مۇمكىندىكتەر اشادى.
نازاربايەۆتىڭ «قازاقستان - 2050» ستراتەگياسى مەملەكەت دامۋىنىڭ باسىم باعىتتارىن ايقىندادى. رەسپۋبليكامىزدا اۋىلداردى، قالالاردى دامىتۋعا، تۇرعىن ءۇي قۇرىلىسىن دامىتۋعا، ەگەر دە ءبىر كاسىپ اشامىن دەسەڭ، بەلگىلى ءبىر تەڭگەدە نەسيە بەرىلىپ، ال ماماندىق يەسى بولامىن دەسەڭ، بەلگىلى ءبىر مەرزىمدە وقۋعا جىبەرۋگە، جانە تاعى سوندايلارعا باعىتتالعان ءىرى الەۋمەتتىك باعدارلامالار ىسكە اسىرىلۋدا.
قىسقا عانا مەرزىم ىشىندە ۇلكەن دارەجەگە جەتكەن قازاقستان حالىقارالىق ىنتىماقتاستىق تۇجىرىمداماسىن قالىپتاستىردى.
جىل سايىن ەلباسىمىز قازاقستان حالقىنا ءوز جولداۋىن جولدايدى. 2015-جىلعى «نۇرلى جول –بولاشاققا باستار جول» اتتى حالىققا جولداعان جولداۋىندا ايتقانىنداي ەلىمىزدىڭ ءار ايماقتارىندا جول جوندەۋ جۇمىستارى دا قارقىندى ءجۇرىپ جاتىر. سونىمەن قاتار قازاق حاندىعىنىڭ قۇرىلعانىنا 550جىل، قازاقستان حالىقتار اسسامبلەياسىنىڭ قۇرىلۋىنا 20 جىل، ق ر كونستيتۋسياسىنا 20 جىل تولۋىنا بايلانىستى كوپتەگەن ءىس-شارالار ۇيىمداستىرىلدى.
ن.نازاربايەۆتىڭ مەملەكەتتى باسقارۋ كەزىندەگى جۇرگىزىپ كەلە جاتقان ساياساتى وزگە مەملەكەتتەرگە قاراعاندا ساپالى جانە ءتيىمدى.
ءۇش عاسىرعا جۋىق ۋاقىت بويى وتارشىلدىقتىڭ تاۋقىمەتىن تارتىپ، ەتنوس رەتىندە شالاجانسار حالگە تۇسكەن قازاق حالقىن ەل ەتىپ، تمد ەلدەرىنىڭ اياسىنداعى ەڭ كوپ ءتىلدى، كوپ كونفەسسيالى قازاقستاننىڭ ەڭسەسىن كوتەرىپ، تاۋەلسىزدىك جولىمەن الىپ ءجۇرۋ مىندەتى نۇرسۇلتان ءابىش ۇلى نازاربايەۆتىڭ ماڭدايىنا جازىلدى. بۇل جولدا دا تاۋەلسىزدىكتى تاۋ ەتەتىن، شىنايى دەموكراتياعا ۇمتىلعان، ۇلتارالىق تۇسىنىستىك پەن دوستىقتى ءومىر سالتى ەتكەن، بولاشاعىنا سەنىممەن قادام باسقان قازاقستان حالقىنىڭ ناعىز كوشباستار كوشباسشىسىنا اينالا ءبىلدى.
بۇگىنگى ۇرپاق – ەرتەڭگى ەل ءۇمىتى. سوندىقتان دا ءبىز ساپالى ءبىلىم الىپ، ەلىمىزدىڭ داۋلەتتى، جەرىمىزدىڭ ساۋلەتتى بولۋى ءۇشىن بەلسەندىلىك تانىتىپ، ەلىمىزدىڭ ودان ءارى گۇلدەنۋىنە ءوز ۇلەسىمىزدى قوسۋىمىز كەرەك.
ءبىز ەلباسىنىڭ ەرەن ەڭبەگىنىڭ ارقاسىندا ەڭ باي مەملەكەتكە اينالدىق، حالقىمىز دا باقىتتى عۇمىر كەشۋدە. كەڭ بايتاق ەلىمىز ەگىسكە تولىپ، ورىسىمىزدەن مال كەتپەيتىن، بەيبىت تە زايىرلى مەملەكەتتىڭ ۇرپاعى بولىپ وتىرمىز.
قازاقستان رەسپۋبليكاسىنىڭ دامۋىنا ۇلەس قوسقان – قازاقستان حالقىنىڭ تۇڭعىش پرەزيدەنتىنە العىسىمىز شەكسىز!
الماتى وبلىسى، ۇيعىر اۋدانى اۆات اۋىلى،
«ي. يسكاندەروۆ اتىنداعى ورتا مەكتەبى
مەكتەپكە دەيىنگى شاعىن ورتالىعىمەن»
كوممۋنالدىق مەملەكەتتىك مەكەمەسىنىڭ
تاريح ءپانى ءمۇعالىمى اكباروۆا سابيريام ساديروۆنا
You Might Also Like
-
كەيدە بالالارىمىزدىڭ ويىن ءتۇسىنۋ قيىنعا سوعىپ، ءارى-سارى كۇيگە ءتۇسىپ، ءتىپتى اشۋ شاقىراتىن كەزدەرىمىز بولادى. سوندىقتان اتا-انا مەن بالانىڭ جەڭىل ءتىل تابىسۋى ءۇشىن، بالانىڭ مىنەز-قۇلقىن، ويىن انىقتاۋع...
-
№17 ي.ي. ترۋبيسىن اتىنداعى ورتا مەكتەپ-گيمنازياسىنىڭ 3 «ج» سىنىپ وقۋشىسى: تيۋفانوۆ ءومار جەتەكشىسى: ۋمارالييەۆا گۋلناز امانگەلدييەۆنا
