ەلىمىزدە الەمدىك Johns Hopkins دارىندى بالالار ورتالىعى اشىلماق
نۇر-سۇلتان نەمەسە الماتى قالاسىندا الەمدىك دەڭگەيدەگى دارىندى بالالارعا ارنالعان ورتالىق اشۋ جوسپارلانىپ جاتىر. بۇل تۋرالى «دارىن» رەسپۋبليكالىق عىلىمي-پراكتيكالىق ورتالىعىنىڭ ديرەكتورى ءانۋار ۇنايبەكوۆ ءمالىم ەتتى.
«عىلىمي-زەرتتەۋ باعىتتى دامىتۋ شەڭبەرىندە ءبىز دارىندى وقۋشىلارعا ارنالعان ءبىلىم بەرۋ باعدارلاماسىن ازىرلەيمىز. اتالعان باعدارلامانى جۇزەگە اسىرۋعا مۇمكىندىك بەرەتىن الەمدەگى دارىندى بالالارمەن جۇمىس ىستەيتىن ەڭ ءىرى ورتالىقتاردىڭ ءبىرى Johns Hopkins ۇيىمىمەن مەموراندۋم جاساۋدى جوسپارلاپ وتىرمىز. الدارىڭىزداعى سلايدتان بىرنەشە تانىمال تۇلعالاردى كورىپ وتىرسىزدار. ولار Johns Hopkins ورتالىعىنىڭ تۇلەكتەرى»، - دەدى ءانۋار ۇنايبەكوۆ ق ر وقۋ-اعارتۋ مينيسترلىگىنىڭ اپپارات جينالىسىندا.
ونىڭ ايتۋىنشا، الەمدە 13 «Johns Hopkins» دارىندى بالالار ورتالىعى جۇمىس ىستەيدى. ونىڭ ونى اقش-تا، ال ۇشەۋى گونكونگ، يرلانديا جانە گرەسيادا.
«جاقىن ارادا نۇر-سۇلتان نەمەسە الماتى قالاسىندا 14ء-شى ورتالىق اشۋ تۋرالى باستاما كوتەرۋدى جوسپارلاپ وتىرمىز»، - دەيدى ول.
سونداي-اق، «دارىن» ورتالىعىنىڭ باسشىسى كەلەسى جىلى حالىقارالىق وليمپيادالارعا قاتىسۋ ساپاسىن جاقسارتا ءتۇسۋ مىندەتىنىڭ تۇرعانىن ايتتى.
«بيىل تامىزدا ءبىز الەمدەگى ەڭ بەدەلدى وليمپيادالارعا قاتىسۋ كەزەڭىن اياقتادىق. وقۋ-اعارتۋ مينيسترلىگىنىڭ قولداۋىمەن ەلىمىزدىڭ قۇراما كومانداسى 7 حالىقارالىق وليمپياداعا قاتىستى. ونىڭ ناتيجەسىندە دارىندى بالالارىمىز 3 التىن، 15 كۇمىس جانە 9 قولا مەدال جەڭىپ الدى. بارلىعى 27 جۇلدە. بۇل جەتىستىك قازاقستان رەسپۋبليكاسى تاريحىنداعى ابسوليۋتتىك رەكورد»، - دەدى ءا. ۇنايبەكوۆ.
You Might Also Like
-
اينالاڭىزعا زەر سالىڭىز. الەمدە ورىن الىپ جاتقان قانشاما ساياسي، ەكونوميكالىق ماسەلەلەر بار. سونىڭ ءبىرى "ءدىن ماسەلەسى". ءدىني احۋال، ءدىني ماسەلە، ءدىني قاقتىعىستار، ءدىني ساۋاتتىلىق دەپ قوعام...
-
ارىقتان سۋ اعادى شىر اينالىپ، ناسىپتىگە مال بىتەر ءبىر اينالىپ. جاستىعىڭنىڭ شاعىندا وينا دا كۇل، كىم بار كىم جوق كەلگەنشە قايتا اينالىپ. قايىرماسى: قۇداجان جورىتقاندا جول بولسىن، قۇداعي...
