ەلىمىزدە ماگيستراتۋرا جانە دوكتورانتۋراعا وقۋعا ءتۇسۋ ەرەجەلەرى وزگەردى
ءبىلىم جانە عىلىم ۆيسە-مينيسترى اسحات ايماعامبەتوۆ ماگيستراتۋرا جانە دوكتورانتۋراعا وقۋعا ءتۇسۋ ەرەجەلەرىنىڭ وزگەرگەندىگىن ايتتى.
«بىرىنشىدەن، ماگيستراتۋراعا گرانتتار كەلەسى جىلدان باستاپ ۇمىتكەرلەردىڭ ءبىرىڭعاي ەمتيحانىنىڭ قورىتىندىسى بويىنشا بولىنەتىن بولادى. ەگەر وسىعان دەيىن ماگيستراتۋراعا گرانتتار جوو بەرىلىپ، ولار وزدەرى تاپسىرما دايىنداعان، وزدەرى ەمتيحان وتكىزىپ، ءتۇسۋ تۋرالى شەشىمدى وزدەرى قابىلداعان ەدى. ەندى GMAT فورماتى بويىنشا ءبىرىڭعاي ەمتيحان بولادى. ياعني، ۇمىتكەرلەرگە ۇلتتىق تەستىلەۋ ورتالىعى وتكىزەتىن كەشەندىك تەستىلەۋدەن ءوتۋ كەرەك»، - دەيدى ۆيسە-مينيستر فەيسبۋك پاراقشاسىندا.
ونىڭ حابارلاۋىنشا، وسى تەستىلەۋدىڭ ناتيجەسى بويىنشا ءبىلىم بەرۋ باعدارلامالارى تۇرعىسىندا جينالعان بالدار بويىنشا سارالاۋ جۇرگىزىلىپ، جوعارى بال جيناعان تالاپكەرلەر گرانت الادى. سايكەسىنشە ەرىكتى تۇردە ءوزى جوو تاڭدايتىن بولادى.
«وسىلايشا، «گرانت ماگيسترانتتىڭ سوڭىنان ەرەدى» دەگەن قاعيدا جۇزەگە اسىرىلادى. بۇل جوو باسەكەلەستىگىن ارتتىرىپ، ءسوزسىز گرانتتاردىڭ اشىق جانە ءادىل تاراتىلۋىنا سەپتىگىن تيگىزەدى. ماگيستراتۋراعا تۇسۋشىلەرگە دايىندىق باعىتىنىڭ شەڭبەرىندەگى ناقتى ءبىلىم بەرۋ باعدارلامالارىنىڭ توبىن كورسەتۋ قاجەت. ۇمىتكەرلەر شەت ءتىلىن تاپسىرادى (وسىعان دەيىن دە سولاي بولعان)، سونداي-اق ءبىلىم الۋعا دايىندىعا بويىنشا جانە 2 سالالىق پاندەر بويىنشا تەستىلەر تاپسىرادى»، - دەيدى ول.
ۆيسە-مينيستر اتاپ وتكەندەي، دوكتورانتۋراعا ءتۇسۋ ەرەجەسى دە وزگەرگەن.
«وقۋعا ءتۇسۋشى دوكتورانتۋرانىڭ سالالىق ءپانى بويىنشا قاي جوو-نا تۇسسە، سول جەردە، سول ۋنيۆەرسيتەتتە ەمتيحان تاپسىرادى، سونىمەن قاتار شەت ءتىلىن بىلەتىنىن راستايتىن سەرتيفيكات ۇسىنادى. مۇنداعى باستى وزگەرىس - ەندى دوكتورانتۋراعا ءتۇسۋ ءۇشىن حالىقارالىق سەرتيفيكات (سايكەسىنشە، IELTS، TOEFL جانە ت.ب.) تالاپ ەتىلەتىنىندە. شەت ءتىلى بويىنشا تەستىلەۋ دوكتورانتۋرا بويىنشا ەندى ۇلتتىق تەستىلەۋ ورتالىعى ارقىلى وتكىزىلمەيدى. سوندىقتان دوكتورانتۋراعا تۇسەمىن دەپ نيەت بىلدىرۋشىلەر وسى باعىت بويىنشا دايىندالۋلارى ءتيىس»، - دەيدى اسحات ايماعامبەتوۆ.
You Might Also Like
-
تەمىربەك احمەتوۆ (1919-1952) — دارابوز كۇيشى، سازگەر. ول الماتى وبلىسىندا دۇنيەگە كەلگەن. تەمىربەكتىڭ مۋزىكاعا دەگەن ىقىلاسى بالا كۇنىنەن بايقالدى. سەبەبى ول جاستايىنان ونەر دارىعان ورتادا ءوس...
-
سوقىر تىشقان (Ellobios) — سۇر تىشقان تۇقىمداسىنىڭ ءبىر تۋىسى. دەنە ءبىتىمى جۇمىرلاۋ، تۇرقى 13 سم، تۇگى جۇمساق، قىلشىقسىز، ءتۇسى سارعىلت، قارا قوڭىر. كوزى كىشكەنە، قۇلاعى شالا دامىعان، كۇرەك ءتىست...
