سوقىر تىشقان
سوقىر تىشقان (Ellobios) — سۇر تىشقان تۇقىمداسىنىڭ ءبىر تۋىسى. دەنە ءبىتىمى جۇمىرلاۋ، تۇرقى 13 سم، تۇگى جۇمساق، قىلشىقسىز، ءتۇسى سارعىلت، قارا قوڭىر. كوزى كىشكەنە، قۇلاعى شالا دامىعان، كۇرەك تىستەرى جەر قازۋعا يكەم، تىرشىلىك ارەكەتىن توپىراق اراسىندا وتكىزىپ، جەر بەتىنە سيرەك شىعاتىن كەمىرۋشى. ەۆرازيانىڭ دالا، ءشول ايماقتارىندا تارالعان، تاۋدا 4000 م بيىكتىككە دەيىن كەزدەسەدى. قازاقستاندا كەڭ تارالعان ءتۇرى — كادىمگى سوقىر تىشقان (Ellobios talpinus). بۇنىڭ دەنە تۇرقى 94،0-115،5 مم، توپىراق بەتىنەن 10-30 سم تەرەڭدىكتە توپىراقتى قازىپ، وسىمدىك تامىرىمەن قورەكتەنەدى. قازىپ بوساتقان توپىراعىن اندا-ساندا جەر بەتىنە شىعارادى جانە بۇل توپىراق وسى قورەكتىك ءىن جولىنىڭ اۋزىن جابادى. ءىنىن، ۇياسىن قورەكتىك ءىن جولىنا جالعاستىرا 1،5-2 م تەرەڭدىككە جاسايدى. باۋ-باقشا، بەدە ەگىستىگىنە زيان كەلتىرەدى.
You Might Also Like
-
ءبىلىم جانە عىلىم ۆيسە-مينيسترى اسحات ايماعامبەتوۆ ماگيستراتۋرا جانە دوكتورانتۋراعا وقۋعا ءتۇسۋ ەرەجەلەرىنىڭ وزگەرگەندىگىن ايتتى.
-
كەللي ماكگونيگالدىڭ كىتابىنان ءۇزىندى. ەرىك كۇشى. دامىتۋ مەن نىعايتۋ جولدارى.
