ەلىمىزدە مەملەكەتتىك گرانتتاردىڭ بىرنەشە ءتۇرى ەنگىزىلەدى
جوعارى ءبىلىم الۋعا قولجەتىمدىلىكتى كەڭەيتۋ ءۇشىن 2025 جىلعا دەيىن گرانتتار سانى 50 پايىزعا ارتادى. بۇل تۋرالى بۇگىن ۇكىمەت وتىرىسىندا ق ر ءبىلىم جانە عىلىم ءمينيسترى اسحات ايماعامبەتوۆ ايتتى.
«جوعارى ءبىلىم بەرۋدە كاسىپتىك ستاندارتتار نەگىزىندە ءبىلىم بەرۋ باعدارلامالارىن 100 پايىز جاڭارتۋ مىندەتى تۇر. QS WUR رەيتينگىسىنە كىرەتىن قازاقستاندىق جوعارى وقۋ ورىندارىنىڭ سانى 15-كە دەيىن ارتادى. 5 جىلدىڭ ىشىندە رەسپۋبليكا اۋماعىندا 5 جەتەكشى شەتەلدىك جوعارى وقۋ ورنىنىڭ كامپۋستارىن اشۋ جوسپارلانۋدا»، - دەدى مينيستر.
ونىڭ اتاپ وتۋىنشە، ستۋدەنتتەردى جاتاقحانالارداعى ورىندارمەن قامتاماسىز ەتۋ ءۇشىن 2020 جىلى 20 مىڭ ورىندىق 75 جاتاقحانا پايدالانۋعا بەرىلدى. 2025 جىلعا قاراي كەمىندە 50 مىڭ جاڭا ورىن پايدالانۋعا بەرىلەدى.
«جوعارى ءبىلىم الۋعا قولجەتىمدىلىكتى كەڭەيتۋ ءۇشىن 2025 جىلعا دەيىن گرانتتار سانى 50 پايىزعا ارتادى. گرانتتاردىڭ بىرنەشە تۇرلەرى ەنگىزىلەدى. مەملەكەت باسشىسىنىڭ تاپسىرماسى بويىنشا سوڭعى ءبىر جىلدىڭ ىشىندە ستۋدەنتتەرگە ارنالعان ستيپەنديالار مولشەرى 25، دوكتورانتتارعا 83 پايىزعا ۇلعايتىلدى. ەندى 2025 جىلعا دەيىن ستۋدەنتتەردىڭ ستيپەندياسى تاعى 2 ەسەگە، ماگيسترانتتار مەن دوكتورانتتاردىڭ ستيپەندياسى 1،5 ەسەگە ارتادى»، - دەدى اسحات ايماعامبەتوۆ.
You Might Also Like
-
بۇل كوركەم تۋىندىدا "ءبىر اينالدىرسا-شىر اينالدىرادى" دەگەن دالەلدەنگەن. باستى كەيىپكەر اتا-تەگى تۇرىكتەردەن شىققان ءالي-ىرزا. وتە نامىسشىل،سۋىق جانە ەشكىمگە جالىنبايتىن ازامات. ىسكەر ادام ...
-
دارىندى جاستاردىڭ ەلدەن كەتۋىن ازايتۋ ماقساتىندا شەتەل ۋنيۆەرسيتەتتەرىنىڭ فيليالدارىن اشۋ جوسپارلانىپ وتىر. بۇل تۋرالى بۇگىن ۇكىمەت وتىرىسىندا ق ر پرەمەر-مينيسترى اسقار مامين ايتتى.
