InfoHub Logo

بۇل كوركەم تۋىندىدا "ءبىر اينالدىرسا-شىر اينالدىرادى" دەگەن دالەلدەنگەن. باستى كەيىپكەر اتا-تەگى تۇرىكتەردەن شىققان ءالي-ىرزا. وتە نامىسشىل،سۋىق جانە ەشكىمگە جالىنبايتىن ازامات. ىسكەر ادام ەدى. كوپتەگەن ءتىل بىلەتىن. جۇمىستا ءوز كوزىمەن كورگەن جانشوشىرلىق جاعدايعا بەي-جاي قاراماي نامىسى ۇستاپ جۇمىستان شىعىپ كەتەدى. (اكەسى جوق ءبىر قىزعا جاناشىرلىق جاساپ جۇمىسقا كىرگىزەدى،باستىعىمەن ويناس بولعانىن،ەكىقابات بولىپ قالعانىن ءبىلىپ،نامىستانىپ جۇمىستان شىعىپ كەتەدى). بۇل وقيعانىڭ باستالۋى ەدى. ءالي-ىرزانىڭ 4 قىز،جالعىز ۇلى بار. جالعىز ۇلى جۇمىسقا تۇرىپ اكەسىن قۋانتادى. اكەسى بالاسىنا ريزا بولىپ،اكەلىك ورنىن بەرەدى. وسىلاي ءالي-ىرزانىڭ ءقادىرى كەتە باستايدى. ۇلى كۇيەۋگە شىققان،جەڭىلتەك ايەلدى وزىنە جار ەتىپ الادى. كەلىنى كەلە سالىسىمەن ءۇيدىڭ قوجايىنى بولىپ،ۇلكەن ەكى قىزدارى لەيلا مەن نەجلاعا بار ونەرىن ۇيرەتىپ،ءۇيدى جىن ويناققا اينالدىرادى. ۇلكەن قىزى اقىلدى ەدى. بۇل قورلىققا شىداماي ەكى بالاسى بار ەركەككە تۇرمىسقا شىعىپ،كەتىپ قالادى. ۇلى تۇرمەگە تۇسەدى. نەجلا قىزى سيرياعا ءبىر جىگىتتىڭ ەتەگىنەن ۇستاپ كەتەدى. لەيلا قىزى جەڭىلتەكتىكتەن اۋرۋعا شالدىعادى. وسىلايشا وقيعا شارىقتاۋ شەگىنە جەتەدى. اقىرىندا،بايعۇس اكە ءبىر ءوزى باز كەشىپ،كىشى ايشامەن،ايەلىمەن قالادى.

بۇل جەردە بالالارىن جاپىراقتارعا تەڭەپ تۇر. ءار جاعدايدا ءۇزىلىپ تۇرادى. ومىردەن الىنعان جاعدايلاردىڭ باسىن بىرىكتىرگەن. ءتىرى كەزىندە ءوز تۋعان بالالارىنىڭ وسىنداي وپاسىزدىق جاساۋى اكەنىڭ جۇرەگىنە قاتتى باتادى. شيەلەنىستەن تۋىنداعان ءومىر. باسىندا ءبارى جاقسى بولعان. ءبىراق،سول ءبىر كەلەڭسىز جايتتان كەيىن،ءومىرى تۇبەگەيلى وزگەردى. ءساتتى شىققان تۋىندى.

تۇرعانبەك ءبيبىفاتيما

---