InfoHub Logo

باستاۋىش سىنىپ وقۋشىلارىنىڭ كوڭىلى سونداي نازىك تە، تازا عوي، شىركىن! ولار ءومىردى شىنايى قابىلدايدى. سول وقۋشىلارىممەن بولعان بىرەر ساتتەردى ءسوز ەتپەكپىن.

ادام شىر ەتىپ دۇنيە ەسىگىن اشقاننان باستاپ ومىرگە دەگەن قۇلشىنىسى باستالارى حاق. جارقىن بولاشاق ءۇشىن، ءاردايىم كەمەل كەلەشەكتىڭ كىلتىن جاستاردىڭ قولىنا ۇستاتىپ جاتاتىن اتادان قالعان ءداستۇرىمىزدى جالعاپ كەلە جاتقان ۇرپاقتارىمىز. كوزدى اشىپ-جۇمعانشا وتە شىققان قىسقى دەمالىس تا ارتتا قالدى. ەرەكشە ءبىر قۋانىش سەزىمى بويىمدى بيلەپ، مەكتەپكە اسىعا باسىپ كەلەمىن.انە الىستان مەكتەبىمىزدەگى مەملەكەتىمىزدىڭ كوك تۋى جەلبىرەپ قۋانىشىمدى  ەسەلەي تۇسكەندەي. ءبىرىنشى سىنىپ وقۋشىلارى الدىمنان جۇگىرىپ شىعىپ مارە-سارە. ءتىپتى دەمالىستاعى قىزىقتارىن جامىراي ايتىپ جاتىر. كوزدەرىندە ۇلكەن ۇمىتپەن ۇستازىن ساعىنا قارسى الىپ جاتقان بۇلدىرشىندەرىمدى كورىپ ىنتا جىگەرىمنىڭ ارتا تۇسكەنىن بايقادىم. ءدال وسى مەزەتتىڭ ءوزى كەلەشەگىمىزدىڭ كەمەلدەنىپ، قۋانىشىمىزدىڭ ەسەلەنە تۇسكەنىنىڭ كورىنىسى-اۋ. ەلىمىزدىڭ جارقىن بولاشاعى ءۇشىن وسى كەلەشەك ۇرپاقتى ءبىلىم نارىمەن سۋسىنداتىپ جاتقان ۇستاز قاۋىمىنىڭ ادال ەڭبەگىن ايتپاسقا بولماس. ءبىزدىڭ ەل-شىنايى، اقىلدى، ىسكەر ادامدى ءدال تانىپ،ونى قادىرلەپ، قاجەت بولار جەرىندە دەمەۋ بولا بىلگەن ەل. دۇنيەجۇزىندە ماتەريالدىق يگىلىكتەرى بويىنشا دامىعان ەلدەردىڭ قاتارىنا ەنەتىن كۇندەر دە الىس ەمەس. ارماندارىمىزدىڭ اداستىرماي تۋرا جولدان تايدىرماۋىن تىلەگەن، ءتالىمى مەن تاربيەسىن ۇلگى ەتكەن  حالىقپىز. ونەگەلى اڭگىمەلەردىڭ بىرىندە:

بىردە قاريا جىگىتكە:
— ارمان دەگەن نە؟ — دەپتى.
— اتا، ارمان دەگەن قيال، — دەپتى جىگىت.
— جوق، بالام، ارمان دەگەنىمىز — اقىل-ويدىڭ- شىڭى. قۇس — ۇشسام دەيدى، بالا — وسسەم دەيدى، قىز — كوpiكتi بولسام دەيدى، جىگىت — باقىتتى بولسام دەيدى، قارت — جۇزگە جەتسەم دەيدى، اقىلدى — دانا بولسام دەيدى، ۇستاز — شاكىرتىنە ۇلگى بولسام دەيدى. ارمانىنا اداسپاعان جەتەدى، اداسقان ارمانىنا جەتە الماي كەتەدى. اقىماقتىڭ ارمانى بولمايدى. ارمانىنا اقىلدى جەتەدى، اقىماق بۇل ومىردەن ءتۇڭىلىپ وتەدى — دەپتى قارت. ءيا، وسىدان كەيىن مەن وقۋشىم  4-سىنىپ وقۋشىسى ماقسۇتوۆ دارىننىڭ مىنا ولەڭ جولدارىن كەلتىرۋدى ءجون سانادىم.

ەندەشە سول اسقاق ارماندارىمىزدىڭ ورىندالۋىن تىلەيىك. ەلىمىزدىڭ تىنىشتىعى مەن بولاشاعىنىڭ جارقىندىعىنا، حالقىمىزدىڭ مەرەيىنىڭ ۇستەم بولاتىنىنا سەنەيىك.

تاريحىما تاعزىم ەتىپ كەلەمىن
ەلىم ەندى تۇسىرمەسىن بەدەلىن.
كەمەلدەنگەن كەلەشەگى نىق بولىپ،
ەلىمنىڭ مەن ەرتەڭىنە سەنەمىن.

يسكاكوۆا رايگۇل
شىعىس قازاقستان وبلىسى
تارباعاتاي اۋدانى
ۇشتوبە اۋىلى

---