«التىن بەلگى» يەگەرلەرى ءوز ءبىلىمىن بولەك ەمتيxانمەن دالەلدەيدى - ۇبت-نىڭ جاڭا فورماتى
ءبىلىم جانە عىلىم مينيسترلىگى ۇلتتىق ءبىرىڭعاي تەستىلەۋدى ەكىگە ءبولدى. ەندى، مەكتەپتى ءبىتىرۋ ەمتيxانى وقۋشىنىڭ ورتا ءبىلىمدى ءتامامداعانىن دالەلدەسە، ۇلتتىق ءبىرىڭعاي تەستىلەۋدىڭ قورىتىندىسىمەن مەكتەپ تۇلەكتەرىنە مەملەكەتتىك گرانتتار تاعايىندالادى.
ءبىلىم جانە عىلىم سالاسىندا باقىلاۋ كوميتەتى ءتوراعاسىنىڭ ورىنباسارى نۇربەك ورشۋبەكوۆتىڭ ايتۋىنشا، ۇلتتىق ءبىرىڭعاي تەستىلەۋ ەنگىزىلگەن سوڭعى 13 جىلدىڭ ىشىندە وعان وقۋشىلاردىڭ بارلىعى بىردەي قاتىسقان جوق. ماسەلەن، سوڭعى تەستىلەۋگە مەكتەپ وقۋشىلارىنىڭ 70 پايىزى قاتىستى. ەندى، جاڭا فورماتقا سايكەس، "التىن بەلگى" تاعايىنداۋدى مەكتەپتەردىڭ وزدەرى جۇرگىزەدى. ۇلتتىق ءبىرىڭعاي تەستىلەۋ كەزىندە اتالعان اتاقتى راستاۋ قاجەت ەمەس. تەستىلەۋ تەك گرانت يەگەرلەرىن عانا انىقتاپ، جوعارى وقۋ ورنىنا ءتۇسۋ مۇمكىندىگىن بەرەدى.
"سونىمەن، 2017 جىلى تۇلەكتەر ءۇشىن قورىتىندى اتتەستاسيالاۋ وزدەرى وقىعان مەكتەپتە وتكىزىلەدى، ياعني كەلەسى جىلدىڭ 1-10 ماۋسىم ارالىعىندا وتكىزۋ جوسپارلانىپ وتىر. ال ۇلتتىق ءبىرىڭعاي تەستىلەۋ، ياعني جوعارى وقۋ ورنىنا ءتۇسۋ ەمتيxانى 20-شى ماۋسىم مەن 1ء-شى شىلدە ارالىعىندا رەسپۋبليكا بويىنشا 165 تەستىلەۋ بەكەتتەرىندە وتكىزىلەدى"، - دەپ اتاپ كورسەتتى ن.ورشۋبەكوۆ ورتالىق كوممۋنيكاسيالار قىزمەتىندە وتكەن باسپا ءسوز ءماسليxاتىندا.
You Might Also Like
-
باتۋشى ەدى جانعا ايازداي ءبىر جوعى، شىندىق سۇراپ كوتەرىلدى ۇل قولى. سەرىپپە ەدى جىلدار بويى جيىرىلعان، قاتتى سەرىپتى، ايانبادى بۇل جولى.
-
قاراعاندى وبلىسى اقتوعاي اۋدانى، قاراتال اۋىلى د. ستامبەكوۆ اتىنداعى نەگىزگى ورتا مەكتەبىنىڭ دايارلىق توبىنداعى وقۋشى ورالقان نۇرزات بەكزات ۇلى
