InfoHub Logo

قازۇۋ ەلىمىزدىڭ جەتەكشى ۋنيۆەرسيتەتى رەتىندە مەملەكەتىمىز العا قويعان الەمنىڭ ەڭ ۇزدىك 200 ۋنيۆەرسيتەتىنىڭ ساناتىنا ەنۋ بويىنشا ماڭىزدى مەملەكەتتىك مىندەتتى جۇزەگە اسىرۋ ءۇشىن ماقساتتى تۇردە جۇمىس ىستەۋدە

قازۇۋ وزگە دە بەدەلدى حالىقارالىق رەيتينگىلەردە قارقىندى سەرپىلىسپەن العا جىلجۋدا. «Times Higher Education» بريتاندىق اگەنتتىگىنىڭ زەرتتەۋ ناتيجەسى بويىنشا قازۇۋ ورتالىق ازيادا العاش بولىپ الەمدەگى ەڭ ۇزدىك جوو-لار توبىنا كىردى. «UI Green Metric Ranking of World Universities» جاھاندىق رەيتينگىندە قازۇۋ 172 ورىن الدى، ەۋروپالىق عىلىمي-ونەركاسىپتىك پالاتاسى ەۋروپالىق رەيتينگىندە قازۇۋ «اا» باعاسىنا يەلەنىپ، جەتەكشى ەۋروپالىق جوعارى وقۋ ورىندارىنىڭ توبىنا ەندى. تانىمال حالىقارالىق «Great Value Colleges» (اقش) ۇيىمىنىڭ زەرتتەۋ ناتيجەسى بويىنشا قازۇۋ الەمنىڭ تەحنولوگيالىق دامىعان ۋنيۆەرسيتەتىنىڭ ىشىندە 31ء-شى ورىندى باعىندىردى.

فيلوسوفيا جانە ساياساتتانۋ فاكۋلتەتى – گۋمانيتارلىق جانە قوعامدىق-ساياسي عىلىمدار كوشباسشىسى بولىپ سانالادى. ولاي دەيتىن سەبەبىمىز، الەمدىك الدىڭعى قاتارلى جوعارعى وقۋ ورىندارىمەن بىرلەسكەن قوسديپلومدىق باعدارلامانى باكالاۆر جانە ماگيستراتۋرا ستۋدەنتتەرى قولدانا الادى. سونىمەن بىرگە، ماگيسترانتتار مەن دوكتارانتتار شەتەلدىك ءىس-ساپارعا شىعىپ عىلىمي تاعىلىمدامادان وتۋگە مىندەتتى. باكالاۆر دارەجەسىندە بىتىرۋشىلەردى جۇمىسقا ورنالاستىرۋ ماقساتىندا جىل سايىن جۇمىس بەرۋشىلەردىڭ قاتىسۋىمەن جينالىستار وتكىزىلىپ «ۆاكانسيالار جارمەڭكەسى» وتكىزىلەدى.

فاكۋلتەتتىڭ عىلىمي باعىتتارى قىزمەتى مادەنەتتانۋ،ءدىنتانۋ، فيلوسوفيا  سالالارىنىڭ وزەكتى ماسەلەلەرىنىڭ كەڭ اۋقىمىن قامتيدى. ياعني عىلىمي ۇيىمدار جانە مەكەمەلەرمەن بايلانىس ورناتىپ، عىلىمي كونفەرەنسيالار وتكىزىلەدى.

قازىرگى كۇندە قازاقستان رەسپۋبليكاسى بويىنشا ماگيسترانتتار مەن دوكتورانتتاردىڭ سانى جاعىنان قازۇۋ  كوشباسشى بولىپ تۇر.

ەرجانوۆ ەركەبۇلان، ءال-فارابي اتىنداعى قازاق ۇلتتىق ۋنيۆەرسيتەتى، فيلوسوفيا جانە ساياساتتانۋ فاكۋلتەتىنىڭ 2-كۋرس دوكتورانتى

---