ەلوردادا مەكتەپ وقۋشىسى قازا بولعان كەزدە ءمۇعالىم بولماعان - ءبىلىم مينيسترلىگى
ق ر ءبىلىم جانە عىلىم ۆيسە-مينيسترى ەلميرا سۋحانبەردييەۆا ەلورداداعى №59 مەكتەپتەگى 14 جاسار تەمىرۇلان ديحانبايەۆتىڭ ولىمىنە سوقتىرعان قايعىلى وقيعاعا وراي تۇسىنىكتەمە بەردى.
«ءقازىر قانداي دا ءبىر سەبەبىن ايتۋعا ءبىزدىڭ قۇقىعىمىز جوق. ويتكەنى، سوتقا دەيىنگى تەرگەۋ املدارى جۇرگىزىلىپ جاتىر. قاڭتاردىڭ باسىندا ساراپتاما دايىن بولادى، ونى ءقازىر كريميناليستەر تەكسەرىپ جاتىر. مەن وندا ۇلكەن توپ بار ەكەندىگىن، بۇعان قوسا وعان الماتى مەن استانادان شاقىرىلعان مامانداردىڭ بار ەكەندىگىن بىلەمىن. بالانىڭ ءومىرى نەلىكتەن قيىلعاندىعىن، شىندىقتى انىقتاۋ ءۇشىن ۇلكەن كوميسسيا جۇمىس ىستەۋدە»، - دەپ اتاپ ءوتتى ول ورتالىق كوممۋنيكاسيالار قىزمەتىندەگى بريفينگتە ب ا ق وكىلدەرىنىڭ ساۋالىنا وراي.
سونىمەن قاتار ۆيسە-مينيستر بالالاردىڭ اراسىندا توبەلەستىڭ بولعان-بولماعاندىعىن انىقتاۋ شارالارى دا جۇرگىزىلىپ جاتقاندىعىن ايتتى. استانا قالالىق ءبىلىم باسقارماسى دا ءوز تەرگەۋ امالدارىن جۇرگىزىپ جاتىر. بۇگىنگى كۇنى قايعىلى وقيعا ورىن العان ساتتە ءمۇعالىمنىڭ بولماعاندىعى انىقتالعان.
«وزدەرىڭىزدە بىلەسىزدەر، بالالاردان بىردەڭە سۇراۋ وڭاي ەمەس. ءتىپتى اڭگىمەلەسكەننىڭ وزىندە اتا-اناسى، مەكتەپ پسيحولوگى، ءمۇعالىمى بولۋى قاجەت. توبەلەس بولدى ما؟ بالالاردىڭ باسىم بولىگى بولعان جوق دەيدى. كەيبىر بالالار بولدى دەيدى. جەكە قىزمەتتىك تەرگەۋ جۇرگىزىلۋدە. شىندىعىندا، وقيعا كەزىندە ءمۇعالىم سىنىپتان شىعىپ كەتكەن. مۇنداي جايت بولعان. سوندىقتان ءقازىر ءبىز ءبىر نارسە جايىندا ايتا المايمىز. ويتكەنى، بالانىڭ نەدەن ولگەنىن بىلمەيمىز»، - دەدى سۋحانبەردييەۆا.
ەستەرىڭىزگە سالا كەتسەك، استانا قالالىق ءىىد اقپاراتىنا سايكەس، 14 جاستاعى بالانىڭ زورلىق-زومبىلىق بەلگىسى جوق مۇردەسى 30 قاراشا كۇنى ساعات 13.00-دە №59 مەكتەپتىڭ وقۋ سىنىبىندا تابىلعان.
You Might Also Like
-
سكانديناۆيالىق مەكتەپتەردىڭ تاعى ءبىر كەرەمەتى
-
ەينشتەين ەڭ باستى ەڭبەكتەرىن 26 جاسىندا جاريالاعان، ال موسارت العاشقى سيمفونياسىن 8 جاسىندا جازعان. ەڭ ەلەۋلى جاڭالىقتار شىنىمەن جاس كەزدە جاسالا ما؟ The New York Times ءتىلشىسى وسى قاعيدانى زەرتتەپ...
