InfoHub Logo

Basecampء-تىڭ نەگىزىن قالاۋشى جانە Rework كىتابىنىڭ اۆتورى ديەۆيد حانسسوننىڭ پايىمىنشا، ءار ادام كەز كەلگەن قاتەلىگى ءۇشىن جاۋاپكەرشىلىك پەن كىنانى ءوز موينىنا الۋى كەرەك، سەبەبى وسىلاي عانا وزگەرىپ، وسۋگە بولادى.

كەز كەلگەن ساتسىزدىككە بىرەۋلەردى كىنالاي سالۋ – ەڭ وڭايى. ءار تەرىس قادامدى ساراپتاۋ، ءار كەمشىلىكتى انىقتاۋ. مۇنداي ساراپتاۋدىڭ ءمانى بولماشى. ول شىن مانىندە پايدا اكەلۋى ءۇشىن ءسىز بارىنشا كۇش سالۋىڭىز كەرەك، ناقتى ايتساق، ءوزىڭىزدىڭ قانشالىقتى كىنالى ەكەنىڭىزدى ءتۇسىنۋ.
 

Basecamp-پەن بىرگە جۇرگىزگەن جۇمىس كەزىندە ءبىز كوپ قاتەلەسەمىز: تەحنيكالىق، كادرلىق، وندىرىستىك. قاتەلىكتەردى تۇزەۋ قولىمنان كەلىپ تۇرسا، مەن ولاردان ساباق الامىن. ول قاتەلىكتەر جايلى بىلمەگەن بولسام دا (نەگىزىندە ءبىلۋىم كەرەك بولعان!)، ولاردى بولجاماعان بولسام دا (بولجاۋىم كەرەك بولعان!).

جاسالعان قاتەلىكتىڭ باسىم بولىگى مەنىڭ كەسىرىمنەن ەدى، ىشىندەگى كەيبىرى  — تولىعىمەن مەنىڭ كىنام. ءبىزدىڭ مۇندا بولۋىمىزدىڭ سەبەبى وسى قاتەلىكتەردى ءتۇيسىنۋ دەپ ويلاعىم كەلەدى.

- ديەۆيد حەينەمەيەر حانسسون (David Heinemeier Hansson) Ruby on Rails اۆتورى، Basecamp نەگىزىن سالۋشى، Rework جانە Remote كىتاپتارىنىڭ اۆتورى، اۆتوشاباندوز.

وزگەلەر ءۇشىن جاۋاپكەرشىلىك ارقالايتىن بولساق، بۇل ءادىسىمىز دۇرىس. اقش-تىڭ 33ء-شى پرەزيدەنتى گارري ترۋمەننىڭ ارقاسىندا تانىمال بولعان ءبىر ءسوز بار – «فيشكا ارى قاراي جۇرمەيدى». بۇل ءۇرانسوزدى ءقازىر دە ەسكە الۋىمىز قاجەت: بيلىكتە بولساڭىز، جاۋاپكەرشىلىكتى قولاستىڭىزداعىلارعا جۇكتەمەڭىز.

سىني وزىندىك ساراپتاۋ ساباقتارى جەتەكشىلەرگە عانا قاجەت ەمەس. بۇل ءاربىر ادامعا قاجەت. كوماندانىڭ نەمەسە پروسەسستىڭ ءبىر بولىگى بولساڭىز جانە تاسىڭىز ورگە دومالاماسا – ارينە، بۇل ءسىزدىڭ دە كىناڭىز. سەبەبى بۇدان دا ساق بولىپ، بۇدان دا قاتتى كۇماندانىپ، ەكى مارتە تەكسەرىپ شىعۋىڭىزعا بولار ەدى. 

قاتەلىكتەردىڭ باسىم بولىگى – الدىن بولعانداردىڭ سەبەپ-سالدارى. قاتەنىڭ ناقتى كىمنىڭ كەسىرىنەن بولعانى انىق بولسا دا، قالعاندارى بۇعان جول بەرگەنى ءۇشىن كىنالى.

مۇنداعى ماقسات – جۇيەنى وزگەرتۋ. بۇعان قول جەتكىزۋ ءۇشىن ونىڭ بولىكتەرىن وزگەرتۋ كەرەك. وزىڭىزدەن باستاۋ ءۇشىن باتىلدىق كەرەك.

ءىس كەزىندە جاۋاپكەرشىلىكتى بارىنشا وزىڭىزگە الىڭىز. بۇل جۇيەنىڭ وزگە بولىكتەرىنە دە اسەرىن بەرۋى مۇمكىن. ءتىپتى بۇلاي بولماي شىقسا دا، ءسىز جاعدايدى تۇزەۋگە ءسال دە بولسا قادام جاسايسىز.

---