InfoHub Logo

قازاق حالقىنىڭ ان-كۇي ونەرىن ناسيحاتتاۋ ماقساتىندا استانا قالالىق ءبىلىم باسقارماسىنىڭ «№1 ونەر مەكتەبىندە» 2016 جىلدىڭ 19-20 قاڭتارى كۇندەرى «ابىز - دومبىرا» ءىى قالالىق كۇيشىلەر مەن ان-تەرمەشىلەر بايقاۋى وتكىزىلۋدە،- دەپ حابارلاندى استانا ءبىلىم باسقارماسى سايتىندا. 

بايقاۋدىڭ ماقساتى - اسپاپتا ورىندايتىن ونەرپازداردىڭ قازاق ان-كۇيلەرىنىڭ شىعۋ تاريحىن ءبىلۋ، سويلەۋ جانە اڭگىمەلەۋ مادەنيەتىن دامىتۋ، مەكتەپ وقۋشىلارىن حالىق مادەنيەتىنە باۋلۋ. بايقاۋعا استانا قالاسى جالپى ءبىلىم بەرەتىن مەكتەپتەرىنىڭ 7 - 13 جاس ارالىعىنداعى وقۋشىلارىنان 50-گە جۋىق تالاپكەرلەر باقتارىن سىناۋعا ءوتىنىش بەردى»، - دەلىنگەن سايت حابارلاماسىندا.

بايقاۋ 2 جانر بويىنشا وتكىزىلەدى. ءبىرىنشىسى - ءداستۇرلى ءان، تەرمەشىلەر، ەكىنشىسى - كۇي ونەرى. بايقاۋ تالاپتارى بويىنشا ءادىل قازىلار القاسى بايقاۋ تالاپكەرلەرىن  شىعارمانى ورىنداۋ شەبەرلىگىنىڭ ساپاسى، ساحنا مادەنيەتى، ساحنالىق كيىم ۇلگىسى ولشەمدەرى بويىنشا باعالايدى.

بايقاۋدا ۇزدىك ونەر كورسەتكەنى جانە بەلسەنە قاتىسقانى ءۇشىن تالاپكەرلەر استانا قالالىق ءبىلىم باسقارماسىنىڭ ديپلومىمەن ماراپاتتالادى.

وقۋ - تاربيە جوسپارىنا سايكەس وتكىزىلىپ وتىرعان قالالىق مەكتەپ وقۋشىلارىنىڭ اراسىنداعى  دومبىراشىلار بايقاۋىن جوعارى دارەجەدە، تاتۋلىعى جاراسقان شىعارماشىلىق قالىپتا وتكىزۋ جوسپارلانۋدا

---