دارىگەر-پوليارشىدان قاتتى ايازدا دۇرىس تىنىستاۋدىڭ 8 ەرەجەسى

تىنىستاۋ ەرەجەلەرى

تىنىستاعاندا، تەمپەراتۋرا 20 °C-تان تومەن بولسا، تىنىس جولدارىن سۋىقتاتىپ الىپ، اۋىرىپ قالۋ ءقاۋپى جوعارى.

قورعانۋ ءپرينسيپى قاراپايىم: جۇتىلاتىن اۋا بارىنشا جىلى بولۋ كەرەك. سوندىقتان بارلىق سپورتتىق نۇسقاۋلىقتارداعى ءبىرىنشى جانە ەڭ كوپ ايتىلاتىن كەڭەس – «مۇرىنمەن دەمالىڭىز».

الايدا تەمپەراتۋرا 20 °C-تان تومەندەپ كەتكەندە، ءتىپتى جەلسىز اۋا رايىندا دا مۇرىن قۋىستارى تارىلىپ قالادى، سول سەبەپتى بۇل كەڭەستى ورىنداۋ قيىندايدى. ادام اۋىزبەن دەمالۋعا ءماجبۇر بولىپ، اۋىرىپ قالادى.

قاتتى ايازدا دۇرىس تىنىستاۋدىڭ بىرنەشە قاراپايىم ءتاسىلى بار:

قالاي دەمالساڭىز دا (مۇرىنمەن نەمەسە اۋىزبەن) – بارىنشا باياۋ جانە ءبىر سارىندى دەمالىڭىز. جۇتىلعان اۋا تىنىس جولدارى ارقىلى نەعۇرلىم باياۋ جۇرەتىن بولسا، سوعۇرلىم جىلىنا تۇسەدى.

مۇمكىندىگىنشە اۋىزبەن ەمەس، مۇرىنمەن دەمالۋعا تىرىسىڭىز. مۇندا مۇرىنمەن جۇتىلعان ءاربىر تىنىس سىزگە جۇمىس ىستەيدى.

ەگەر اۋىزبەن دەمالۋ كەرەك بولىپ جاتسا، وندا ەرىنىڭىزدى بولار-بولماس اشىپ، تار ساڭىلاۋ ارقىلى دەمالۋعا تىرىسىڭىز. ەڭ دۇرىسى ەرىندى ترۋبكا سياقتى سوزىپ، ءتىلدى تاڭدايعا كوتەرىپ دەمالۋ. بۇلاي دەمالۋ دا وڭاي ءارى ءقاۋىپسىز.

اۋانى وكپەگە تولتىرىپ دەمالۋدىڭ قاجەتى جوق. ەگەر مينۋس 30°Cايازدا وكپەڭىزدى اۋامەن تولتىرىپ دەمالاتىن بولساڭىز سۋىقتاپ قالۋىڭىز ابدەن مۇمكىن. سوندىقتان تەرەڭ تىنىستاۋدىڭ قاجەتى جوق. كۇندەلىكتى تىنىستاپ جۇرگەن ءريتمدى ۇستانىڭىز.

جۇگىرمەۋگە، سەكىرمەۋگە، اۋىر كوتەرمەۋگە جانە باسقا دا كۇش سالاتىن ارەكەتتەردى جاساماۋعا تىرىسىڭىز. بارلىق فيزيكالىق جاتتىعۋلار بىركەلكى بولۋى ءتيىس.

پسيحولوگيالىق شەكتەۋ: قانداي جاعداي بولماسىن – بايبالام سالماڭىز! بارىنشا سابىرلى بولساڭىز، سونشالىقتى جاقسى تىنىستايسىز. ەگەر اشۋلاناتىن بولساڭىز، جۇتاتىن اۋانى جىلىتۋ قيىنداي تۇسەدى.

جەلگە قارسى تىنىستاماڭىز: بۇل جۇتىلاتىن اۋا جىلدامدىعىن ءسىزدىڭ ەركىڭىزدەن تىس ارتتىراتىن بولادى. ەگەر جەلگە قارسى جۇرۋگە ءماجبۇر بولساڭىز، وندا باسىڭىزدى تومەن ءتۇسىرىپ، تومەن قاراي تىنىستاڭىز. الاقانىڭىزبەن مۇرىن مەن اۋىزدى جابۋ ارقىلى دا جاعدايدى جاقسارتا الاسىز.

شارفتى كوزىڭىزگە دەيىن بايلاپ، سول ارقىلى دەمالىڭىز. اۋا جۇتقاندا سۋىپ، شىعارعاندا جىليتىن ءسىزدىڭ مۇرىن مەن اۋىزىڭىز ەمەس، شارف بولادى.

جانە ەڭ سوڭعى كەڭەس: جىلىتاتىن قاراپايىم زاتتاردى ەلەمەي قويماڭىز، اسىرەسە كەۋدە مەن مويىن جاقتى. تىنىس جولدارى جىلىتپايتىن جانە جەل وڭاي كىرەتىن اعىتىلعان جاعا نەمەسە كيىمنىڭ اعىتىلعان ىلگەگى ارقىلى سىرتتاي دا سۋىقتاپ قالۋى مۇمكىن. سوندىقتان شارف مويىندى تىعىز وراپ تۇراتىن جانە جىلى بولۋى كەرەك.