ەمەۋىر (ابىلاي حانمەن يشاراتتاسۋى)
ابىلاي (ءابىلمانسۇر) جاس كەزىندە تولە ءبيدىڭ تۇيەلەرىن باعىپ جۇرەدى. بىردە ول قازاق باتىرلارىنىڭ قارۋ-جاراقتارىن اسىنىپ، اتتانىپ بارا جاتقاندارىن كورەدى داعى، قۇستاي ۇشىپ تولە بيگە كەلەدى.
— اعاتاي، باتىرلاردىڭ قاتارىنا مەنى دە قوسىڭىزشى؟ — دەيدى.
— باتىرلار سەنسىز-اق جول تابار، تۇيەلەرىڭدى باعا بەرسەڭشى، جازعان! — دەيدى توكەڭ. نامىستانىپ كەتكەن بالا باتىر:
— «ەر جىگىت ۇيدە تۋىپ، تۇزدە ولەر» دەگەن ەمەس پە، اتا، مىقتاسا، ءبىر وقتىق شىعارمىن، سىناپ نەگە كورمەيسىز؟ — دەيدى قايسارلانىپ.
تولە بي اتتانۋىنا ريزالىعىن بىلدىرەدى. ماساتتانعان ابىلاي اپ-ساتتە ەرتتەۋلى تۇرعان اتقا قارعىپ ءمىنىپ، با تىرلاردىڭ ارتىنان جونەپ بەرەدى. جونەپ بارا جاتىپ ارتىنا بۇرىلسا، تولە ءبيدىڭ جانىندا تۇرعان ەسكەلدى باسىنداعى بوركىن الىپ، بەلىندەگى بەلبەۋىن كورسەتەدى. ءتىلىن ۇستايدى. ابىلاي «ۇقتىم» دەگەن يشارات جاساپ، شابا جونەلەدى.
سودان نە كەرەك، ابىلايدى ەرتكەن باتىرلار جاۋدى جەڭىپ قايتادى. سۇراستىرسا، سول جولعى اسقان ەرلىكتى كورسەتكەن ابىلاي بولىپ شىعادى. ول جورىققا اتتانارداعى ەسكەلدىنىڭ يشاراتىن ءتۇسىنىپ، قالتقىسىز ورىنداعان ەكەن.
ەسەكەڭنىڭ بوركىن شەشكەنى — باسىڭا قيلى-قيلى قيىندىق تۋار، سوعان شىداپ ب ا ق. جاۋدىڭ شەبىن الاردا بەلىڭدە گى بەلبەۋىڭدى جالاۋ ەتىپ، ۇرانداپ شاپ. قاي جەردە دە تىلىڭە اباي بول دەگەن ەمەۋرىندەرى ەكەن.
ابىلاي اق كيىزگە وتىرعىزىلىپ، حان كوتەرىلگەننەن كەيىن دە ەسكەلدىنىڭ اقىل-كەڭەستەرىن كوپ تىڭداعان دەيدى حالىق زەردەسى.
وقۋعا كەڭەس بەرەمىز:
تولە بي
ابىلاي حان
You Might Also Like
-
جوڭعار اسكەرلەرى ۇنەمى كۇتپەگەن جەردەن قازاق دالاسىنا جويقىن شابۋىل جاسايتىن. سوندىقتان دا ءار شابۋىلى بەيعام جاتقان قازاق اۋىلدارى ءۇشىن شەكسىز اۋىر سوعاتىن. ءار اۋىلدىڭ ازاماتتارى حابارلانىپ، تىزە ق...
-
قازىرگى زەرتتەۋشىلەر مارگينالدىلىقتى زەرتتەۋدە ءۇش تۇجىرىمدامالىق باعىتتى اجىراتادى: رولدىك، قۇرىلىمدىق جانە مادەني. ولارعا سايكەس، بىرىنشىدەن، رولدىك مارگينالدىلىق تۋرالى ايتۋعا بولادى. ول ءوزىن-وزى...
