InfoHub Logo

روبينسون مەن حاچيسون فوتوسۋرەتتەرىن "فەيسبۋك" الەۋمەتتىك جەلىسىندە جاريالاعان

برەدفورد كورولدىك سوتىندا سەيسەنبى كۇنى ىس-ارەكەتى كۇلكى كەلتىرەتىن ەكى الاياققا قاتىستى سوت ءىسى جۇرگىزىلگەن. سكەگنەسس قالاسىنىڭ تۇرعىندارى بەندجامين روبينسون مەن دانيەل حاچيسون ويىن اۆتوماتتارىن توناپ جاتىپ، وسى ساتتە سەلفي جاساۋدى ءجون كورگەن. فوتوسۋرەتتەرىن «فەيسبۋك» الەۋمەتتىك جەلىسىنە جاريالاعان ۇرىلار پوليسيا قىزمەتكەرلەرىنىنىڭ جۇمىسىن جەڭىلدەتىپ، وزدەرى-اق قىلمىستارىن اشكەرەلەيتىن ايعاق ۇسىندى دەۋگە بولادى.

الاياقتار جارتى جىلعا باس بوستاندىعىنان ايىرىلعان. ءبىر قىزىعى، مۇنداي اقىلعا قونىمسىز ارەكەت جاساپ، ءوزىن-وزى اشكەرەلەيتىن الاياقتار قاتارى تەك روبيسون جانە حاچيسونمەن شەكتەلمەيدى.

تۇتقىنداۋعا كەتتىك!

ەندريۋ حەننەلس "فەيسبۋك" الەۋمەتتىك جەلىسىندە قولىنا پىشاق ۇستاپ تۇسكەن فوتوسۋرەتىن جاريالاپ، سۋرەتكە «توناۋ ۇستىندە. Tesco» دەپ جازىپ قالدىرعان

قارۋلانعان ۇرىلىقشى ەندريۋ حەننەلس «فەيسبۋك» الەۋمەتتىك جەلىسىنە ۇرلىق بارىسىندا تۇسكەن فوتوسۋرەتىن سالىپ، «توناۋ ۇستىندە. Tesco» دەپ جازىپ قالدىرعاننان كەيىن بىردەن تۇتقىندالعان.

پوليسيا قىزمەتكەرلەرىنە بۇل ايعاقتىڭ ءوزى جەتىپ جاتىر ەدى. فوتوسۋرەت جاريالانعاننان 15 مينۋت وتكەن سوڭ، پوليسيا پىشاقپەن قارۋلانعان ۇرىنى نورفلوك گرافتىعىنىڭ كينگز-لينن قالاسىنداعى Tesco سۋپەرماركەتىنىڭ كاسساسىنان ۇرلانعان 410 فۋنت اقشامەن تۇتقىنعا العان. وتكەن جىلدىڭ ءساۋىر ايىندا وعان ءتورت جىلعا باس بوستاندىعىنان ايىرۋ جازاسى كەسىلگەن.

پاتەردى تازالاپ قويايىن...

لۋكاش چوينوۆسكيي ءوزى توناعان ءۇيدىڭ ىدىستارى مەن كيىمدەرىن جۋىپ قويعان

لانكاشيرلىك زەينەتكەرلەر پەت دايسون مەن مارتين حولتبي 2014 جىلى ۇيلەرىنە دەمالىستان ورالعاندا «ءۇش ايۋ» ەرتەگىسىندەگىدەي وقيعاعا تاپ بولعان. تەك توسەككە جاتىپ الىپ، ءتاتتى ۇيقىعا باتقان ماشا ەمەس، ۇرى ەدى.

ولاردى تاڭقالدىرعان بۇل عانا ەمەس ەدى: ليدستەن پولشاعا كوشىپ كەلگەن ۇرى لۋكاش چوينوۆسكيي بوگدە ادامداردىڭ پاتەرىندە ىدىس-اياق پەن ءوز ىشكيىمىن جۋىپ قانا قويماي، سۋپەرماركەتتەن ازىق-تۇلىك الىپ تا ۇلگەرگەن. 

وتاناسى كۇيەۋىمەن دەمالىسقا بارا جاتقانىندا ءۇيدىڭ مۇنشالىقتى تازا بولماعانىن ايتقان. 28 جاستاعى ۇرىنىڭ سىپايىلىعى سونداي، ءۇيدى ايناداي جارقىراتىپ تازالاپ قويعان.

چوينوۆسكيي قىلمىسىن مويىنداپ، وعان 200 فۋنت كولەمىندە ايىپپۇل سالىنىپ، 2 جىل شارتتى مەرزىم بەرىلگەن.

باياعىدا ءۇش پينگۆين ءومىر سۇرگەن ەكەن: ديرك... ريز جانە كەري

اقىلسىز ساياحاتشىلار پينگۆيندى ۆاننادا ۇستاعان

اۋستراليادا ساياحاتتاپ جۇرگەن ۋەلستىك قوس ساياحاتشى ماس كۇيلەرىندە اكۆاپاركتەن ديرك ەسىمدى پينگۆيندى ۇرلاپ، كۇدىكتى رەتىندە سوت زالىنان ءبىر-اق شىققان. 

جيىرما جاستاعى ريز وۋەن مەن كەري ميۋزل كۆينسلەندتەگى Gold Coast اكۆاپاركىنە بارىپ، دەلفيندەرمەن بىرگە سۋدا ءجۇزىپ، اكۋلالاردى ءورت سوندىرگىشپەن ۇركىتىپ، ديرك ەسىمدى پينگۆيندى ۇرلاعان.

ەرتەسىندە ماستىقتارى تاراعان ەكەۋى بولمەدە جۇرگەن پينگۆيندى كورىپ، ءارى-سارى حالگە تۇسكەن. سوت بارىسىندا ولاردىڭ قورعاۋشىسى ايتقانداي، ۇرىلار پينگۆينگە بارىنشا قامقور بولۋعا تىرىسىپ، تاماق بەرىپ، ۆانناداعى سۋعا سالىپ قويعان.

مۇنان كەيىن پينگۆيندى ارىققا الىپ بارعان ەكەۋدىڭ ارەكەتىنە قالا تۇرعىندارى تاڭدانىپ، پوليسيا شاقىرعان. سوت شەشىمى بويىنشا وۋەن مەن ميۋزلگە 1 مىڭ اۋستراليا دوللارى كولەمىندە ايىپپۇل سالىنىپ، ەندىگىدە ىشىمدىكتى كوپ ىشپەۋى جونىندە كەڭەس بەرىلدى. ال ديرك بولسا، اكۆاپاركتەگى ءوز ورنىنا امان-ەسەن جەتكىزىلدى.

سۋرەتكە ناشار ءتۇسىپپىن

دونالد «چيپ» پيۋگە پوليسيا ىزدەۋ سالۋ ماقساتىندا جاريالاعان فوتوسۋرەتى ۇناماي، ورنىنا باسقا سۋرەتىن جىبەرگەن

ۆانداليزمگە بارىپ، ءورت قويعان دەگەن كۇدىككە الىنعان دونالد «چيپ» پيۋ ءوزىن تۇتقىنعا الۋ وردەرىندەگى فوتوسۋرەتى ۇناماعاندىقتان، سەلفي جاساپ، فوتوسۋرەتتى وگايو شتاتىنداعى پوليسيا قىزمەكتەرلەرىنە جىبەرگەن.

قاشقىندا جۇرگەن كۇدىكتى جەرگىلىكتى راديوستانسياعا سۇحبات بەرىپ، ءوز ارەكەتىن تۇسىندىرگەن. «فوتوسۋرەتتەگى ءتۇرىم سونداي ناشار. ولاردىڭ فوتوسۋرەتتەرىندە ءساتسىز شىققانمىن. مەنى سۋرەتكە دۇرىس تۇسىرمەگەن، ونداعى ءتۇرىم ەندى... بىلمەيمىن كىمگە ۇقساپ قالعانىمدى. جوق، بۇلاي بولمايدى»، - دەيدى كۇدىكتى.

«ءبىز وعان ۇسىنعان كومەگى ءۇشىن العىس ايتامىز! ءبىراق ءبىزدىڭ وزىمىزگە كەلگەنى دۇرىس ەدى، سويلەسۋىمىز كەرەك»، - دەپ جاۋاپ بەردى. ليماداعى (وگايو) پوليسيا بولىمشەسى. ءبىراز ۋاقىتتان كەيىن ول فلوريدادا تۇتقىنعا الىنعان.

مەن مۇندامىن!

مۇحاممەد احسان ءوزىن ۇستاپ بەرگەنى ءۇشىن سىياقى تالاپ ەتكەن

تاليبتەر باسشىسى ءوز ەركىمەن بەرىلىپ، ءوزىن-وزى ۇستاپ بەرگەنى ءۇشىن 100 دوللار كولەمىندە سىياقى تالاپ ەتكەن كەزدە، قۇقىق قورعاۋ ورگاندارى قىزمەتكەرلەرىنىڭ تاڭدانىسىندا شەك بولماعان.  «ورتا دارەجەلى كوماندير» مۇحاممەد احسان مەملەكەتتىڭ شىعىسىنداعى امەريكالىق جانە اۋعاندىق اسكەرلەرگە جاسالعان شابۋىلدى ۇيىمداستىردى دەگەن كۇدىككە الىنعان.

حابارلانعان اقپاراتتارعا قاراعاندا، 2012 جىلى ول پوليسيالىق باقىلاۋ-وتكىزۋ پۋنكتىنە كەلىپ، ءوزىنىڭ سۋرەتى بار پلاكاتتى نۇسقاپ، سىياقىعا بەلگىلەنگەن سومانى بەرۋلەرىن سۇراعان.

بيلىك ونىڭ نە سەبەپتى مۇنداي ارەكەتكە بارعانىن تۇسىنە المادى. امەريكالىقتاردىڭ ءبىرى تىلشىلەرگە بەرگەن سۇحباتىندا احساننىڭ ارەكەتىن: «ونىڭ ەسۋاس ەكەنى انىق»،- دەپ ءتۇسىندىردى.

تۇرمەگە؟ قيارمەن؟ قالجىڭداپ تۇرسىزدار ما؟

قيار جانە باس بوستاندىعىنان ايىرىلۋ

2014 جىلى گلازگوداعى بۋكمەكەرلىك كەڭسەنى توناماق بولعان ادام قارا شۇلىققا سالىنعان قيارمەن «قارۋلانعان». قۋانىشقا وراي، قىزمەتتەن تىس ۋاقىتىندا كەڭسەدە بولعان پوليسيا قىزمەتكەرى ۇرىنى قارۋسىزداندىرعان.

ۇرلىقشى گارري راف بولعان جاعدايدىڭ ءازىل ەكەندىگىن ايتىپ، اقتالعىسى كەلگەنىمەن، ءبارى-بىر باس بوستاندىعىنان ايىرىلدى.

سورماڭداي ۇرى

دۇكەنگە ۇرلىققا ءتۇسۋ دجەيمس اللاننىڭ قولىنان كەلمەدى

ال بۇل ءساتسىز توناۋ وكسفوردشير گرافتىعىنىڭ ابينگدون قالاشىعىنداعى ىشكى باقىلاۋ كامەراسىنا ءتۇسىپ قالعان. 

29 جاستاعى دجەيمس اللان دۇكەندى توناماق بولعان ۋاقىتىندا باسىنداعى بالاكلاۆانى شەشىپ، سۋسىندار تۇرعان سورەنى اۋدارىپ تاستاپ، ەسىكتى اشا الماي قالعان.

ەسىكتى جاۋىپ قويعان ەگدە جاستاعى ايەل بولىپ شىقتى. دۇكەندى توناماس بۇرىن ۇرى ايەلدى ويىنشىق تاپانشامەن قورقىتىپ، اقشا تالاپ ەتكەن.

بۇل عانا ەمەس، ۇرى ءدال وسى دۇكەندى 10 كۇن بۇرىن توناماق بولىپ، وندا دا ارەكەتى ءساتسىز اياقتالعان. اللان كامەراعا ءتۇسىپ قالعان قۇقىق بۇزۋشىلىعى ءۇشىن 3 جىلعا، ويىنشىق تاپانشانى قارۋ رەتىندە كورسەتپەك بولعانى ءۇشىن 2 جىلعا باس بوستاندىعىنان ايىرىلدى. 

بەدمان – جامان ادام

باقىلاۋ كامەراسىنىڭ الدىندا بەتپەردە ءىڭ كەشەشۋدرەك ەمەستىگى بەدماننىڭ ەسىنەن شىعىپ كەتكەن سياقتى

ۋەلستىڭ وڭتۇستىگىندەگى بريدجەند قالاسىنىنىڭ تۇرعىنى بەدماننىڭ قىلمىسىن «بەدمان» (جامان ادام) تەگى دە اشكەرەلەپ  تۇرعان سياقتى. ول كورشىلەس پروتكول قالاسىنداعى قوناق ءۇيدى توناماق بولعان.

ۇرى باسىنا پلاستيكتەن جاسالعان پاكەت كيىپ، بەلگىسىز سەبەپپەن ءدال ىشكى باقىلاۋ كامەراسىنىڭ الدىندا باسىنداعى پاكەتتى شەشىپ تاستاعان. بۇل ارەكەتى پوليسيا قىزمەتكەرلەرىنىڭ جۇمىسىن ايتارلىقتاي جەڭىلدەتتى.

ءقازىر بۇل ساندە ەمەس

دين سميت تەككۇننەن قورعايتىن كوزىلدىرىكتىڭ كومەگىمەن سىرت كەلبەتىن وزگەرتپەك بولعان

ۋەلستىك قاسكۇنەم دين ءسميتتىڭ ءسان الەمىنەن حابارى جوق ەكەنى بىردەن بەلگىلى بولدى: توناۋعا شىققان ۇرى كۇننەن قورعايتىن كوزىلدىرىك كيىپ، باتەڭكەسىنىڭ سىرتىنان شۇلىق كيىپ العان. ونىڭ سىرتقى كەلبەتى پوليسيا قىزمەتكەرلەرىنىڭ ۇزاق ۋاقىت كۇلكىسىن كەلتىردى.

ۇرى تەك ساننەن عانا ەمەس، ۇرلىق الەمىنەن دە حاباردار ەمەس سياقتى. ول تريوركي اۋىلىنداعى Barclays بانكىنىڭ جەرىلىكتى بولىمشەسىن توناۋدان بۇرىن، ونداعى كەڭسە قىزمەتكەرىنە ءوزىنىڭ تولىق ءاتى-جونى مەن مەكەن-جايىن ايتقان. ءسميتتىڭ العاشقىدا بانك بولىمشەسىن توناماق نيەتى بولماعان ەكەن. مەكەن-جايىنىڭ وزگەرگەنىن حابارلاۋعا بارعان ازامات بانك كاسساسىنداعى اقشانى كورىپ، قاسكوي ارەكەتكە نيەتتەنگەن.

الايدا ونىڭ كوزىلدىرىگى دە، شۇلىعى دا كاسسيردى ۇرەيلەندىرە المادى. وعان ەشكىم دە اقشا بەرگەن جوق. بولعان وقيعادان كەيىن ۇرىنى تابۋ قيىندىق تۋدىرمادى. ۇرىعا توناۋ جاساۋعا تالپىنىسى جانە سۋىق قارۋ الىپ جۇرگەندىگى ءۇشىن ەكى جارىم جىل مەرزىمگە باس بوستاندىعىنان ايىرىلۋ جازاسى تاعايىندالعان.

كولىكتى ولاي ۇرلامايدى!

ەسىگى جابىق كولىك ىشىندە ءبىر جارىم ساعات بويى پوليسيانى كۇتۋ

پرەتوريادا (وڭتۇستىك افريكا) كولىكتى ۇرلاپ اكەتپەك بولعان ەر ادام اۆتوماتتى تۇردە بلوكقا قويۋ ىسكە قوسىلعاندىقتان، كولىك ىشىندە قامالىپ قالعان. 

ءوز كەزىندە Star گازەتىندە جازىلعانداي، ول ادامداردان كومەك سۇراپ، كولىك ىشىندە ءبىر جارىم ساعات بويى وتىرعان. قالا تۇرعىندارى ۇرىنى ءاجۋالاپ، پوليسيانىڭ كەلۋىن كۇتكەن. ءوز كولىگىنەن بەيتانىس ەركەكتى كورگەن كولىك يەسى: «مەنىڭ كولىگىمدە نە ىستەپ ءجۇرسىڭ؟»- دەپ ايقايعا باستى.

ايىپتىنى تۇتقىنعا الىپ، پريتوريا پوليسيا بولىمشەسىنە الىپ كەتكەن.

---