بۇۇ-داعى شيرەك عاسىر
ءال-فارابي اتىنداعى قازۇۋ قازاقستاننىڭ بىرىككەن ۇلتتار ۇيىمىنا مۇشە بولعاندىعىنىڭ 25-جىلدىعىن اتاپ ءوتتى. 1992 جىلدىڭ 2 ناۋرىزىندا بۇۇ باس اسسامبلەياسىنىڭ 46-سەسسياسىندا قازاقستان الەم ەلدەرىنىڭ ەڭ ءىرى وسى وتباسىنا ءبىراۋىزدان قابىلداندى.
ءبىزدىڭ ەلدەگى بۇۇ-نىڭ تۇراقتى ۇيلەستىرۋشىسى نوريماس شيمومۋرانىڭ اتىنان مەرەيتويلىق كۇنگە بايلانىستى قۇتتىقتاۋ وقىلدى. قۇتتىقتاۋ سوزىندە وكىل رەسپۋبليكانىڭ بارلىق ماڭىزدى حالىقارالىق باستامالاردىڭ بەلسەندى قاتىسۋشىسى جانە مەملەكەتتىڭ ۇستانعان باعىتى تۇراقتى دامۋدىڭ ماقساتتارىنا سايكەس ەكەندىگىن اتاپ ءوتتى.
ءال-فارابي اتىنداعى قازۇۋ ءبىرىنشى پرورەكتورى مۇحامبەتقالي بۇركىتبايەۆ ستۋدەنتتەردىڭ، وقىتۋشىلاردىڭ، قۇرمەتتى قوناقتاردىڭ نازارىن ەڭ بەدەلدى امبەباپ حالىقارالىق قۇرىلىم سانالاتىن بۇۇ رولىنە اۋداردى. ۋنيۆەرسيتەت بۇۇ «اكادەميالىق ىقپال» جاھاندىق حابىن جانە ورتالىق ازياداعى تۇراقتى دامۋ بويىنشا يۋنەسكو ايماقتىق حابىن باسقارادى، يۋنەسكو-نىڭ جۋرناليستيكا جانە تۇراقتى دامۋ بويىنشا ەكى كافەدراسى جۇمىس ىستەيدى. ۇلتتىق جوعارى وقۋ ورنى جاھاندىق ماسەلەلەردى شەشۋ بويىنشا حالىقارالىق دەڭگەيدەگى كوپتەگەن باستامالار مەن اۋقىمدى جوبالاردى جۇزەگە اسىرۋدا ەڭ بەلسەندى ءارى ءتيىمدى الاڭ بولىپ تابىلادى.
ۋنيۆەرسيتەتتىك سالتاناتتى جيىننىڭ ەڭ قۇرمەتتى قوناعى ق ر سىرتقى ىستەر ەكس-مينيسترى، بۇۇ جانىنداعى قازاقستان رەسپۋبليكاسىنىڭ ءبىرىنشى تۇراقتى وكىلى، توتەنشە جانە وكىلەتتى ەلشى، تاريح عىلىمدارىنىڭ دوكتورى، پروفەسسور اقمارال ارىستانبەكوۆا بولدى. ا.ارىستانبەكوۆا ەل تاريحىنا پرەزيدەنت نۇرسۇلتان نازاربايەۆتىڭ تاپسىرماسى بويىنشا ەلدىڭ بىرىككەن ۇلتتار ۇيىمىنا كىرۋ مىندەتىن ورىنداعان تۇلعا رەتىندە ەندى. وسىلايشا ءبىزدىڭ رەسپۋبليكامىزدى الەم مويىندادى.
اقمارال حايدار قىزى 1991 جىلدىڭ 16 جەلتوقسانىنان – تاۋەلسىزدىكتى جاريالاعاننان باستاپ ەلدىڭ ەڭ ءىرى الەمدىك بىرلەستىك قاتارىنا قابىلدانۋىنا قاتىستى جۇمىستاردى كۇندەلىكتى بەلسەندى تۇردە اتقارعانى تۋرالى ايتىپ قانا قويماي، سول جىلداردىڭ بەينەحرونيكاسى بويىنشا كورسەتتى. سول كەزەڭدى ەسكە الا وتىرىپ، بۇۇ جانىنداعى قازاقستان رەسپۋبليكاسىنىڭ ءبىرىنشى تۇراقتى وكىلى جاس تاۋەلسىز مەملەكەتكە قولداۋ كورسەتكەن ارىپتەستەرىنە، اسىرەسە، سول ۋاقىتتا ءوز قىزمەتىنە كىرىسكەن باس حاتشى بۋتروس بۋتروس-گاليگە العىسىن ءالى كۇنگە دەيىن بىلدىرەدى. قازاقستاننىڭ بۇۇ قۇرامىنا ەنگەننەن كەيىن تۋىلعان قازىرگى ستۋدەنتتەردىڭ كوبى اقمارال ارىستانبەكوۆانىڭ بۇۇ باس اسسامبلەياسى تريبۋناسىندا العاش ءسوز سويلەگەنىن، بۇۇ نيۋ-يوركتەگى شتاب-پاتەرىندە قازاق سسر سول كەزدەگى قىزىل تۋىنىڭ كوتەرىلگەنىن كورىپ تاريحي وقيعالاردى بىلە الدى.
1992 جىلى قازاقستان ۇيىمنىڭ 168ء-شى مۇشەسى بولدى. سونىمەن قاتار، اقمارال حايدار قىزى ءوزى ماقتان تۇتاتىن قازمۋ حيميا فاكۋلتەتىنىڭ تۇلەگى. اتاۋلى كۇنگە وراي ول ءبىزدىڭ ەلىمىزدىڭ بۇۇ مۇشەلىككە كىرۋ جولى تۋرالى جان-جاقتى اڭگىمەلەپ بەرگەن «سترانيسى يستوريي» اتتى كىتابىن جارىققا شىعاردى.
بۇگىندە قازاقستان – الەمدىك قاۋىمداستىقتىڭ بەلسەندى مۇشەسى. ق ر ءسىم ەرەكشە تاپسىرمالار بويىنشا ەلشى ماينۋرا مۇرزامادييەۆا ءوز بايانداماسىندا پرەزيدەنت نۇرسۇلتان نازاربايەۆتىڭ بۇۇ بىرنەشە رەت، اتاپ ايتساق، باس اسسامبلەيانىڭ 50ء-شى جانە 70ء-شى سەسسيالارىندا ءسوز سويلەگەنىن ايتتى. قازاقستاننىڭ ۇسىنعان كوپتەگەن باستامالارى قولداۋ تاۋىپ، جۇزەگە اسىرىلۋدا. ءبىز 2017-2018 جىلعا بۇۇ قاۋىپسىزدىك كەڭەسىنىڭ تۇراقتى ەمەس مۇشەسى بولدىق، الداعى جىلدىڭ قاڭتار ايى بارىسىندا ءتوراعالىق جاسايتىن بولامىز. ءبىزدىڭ ەلىمىزگە ءار جىلدارى بۇۇ باس حاتشىلارى بۋتروس بۋتروس-گالي، پان گيمۋن، انتونيۋ گۋتەرريش كەلگەن، ال ق ر ءسىم قازىرگى باسشىسى قايرات ءابدىراحمانوۆ ۇزاق جىلدار بويى بۇۇ ق ر تۇراقتى وكىلى بولعان. جاڭا كەزەڭ – جاسىل تەحنولوگيالار بويىنشا بۇۇ ورتالىعىن قۇرۋ جوسپارلانىپ وتىرعان EXPO-2017 كورمەسى اياسىنداعى ىنتىماقتاستىق.
شيرەك عاسىرلىق مەرەيتويعا قاتىستى شەتەلدىك وكىلدىكتەر تاراپىنان كوپتەگەن قۇتتىقتاۋلار ايتىلدى: قازاقستانداعى رف باس كونسۋلى الەكسەي دەميننەن، اقش باس كونسۋلى مارك مۋديدەن، قىرعىز رەسپۋبليكاسى باس كونسۋلى الياسبەك الىمكۋلوۆتان، قحر باس كونسۋلى چجان ۆەيدەن، تاجىكستان رەسپۋبليكاسى باس كونسۋلى اكرام اكوبيروۆتان، ءازىربايجان رەسپۋبليكاسى باس كونسۋلى نيزامي رۋستاموۆتان.
بۇۇ قوعامدىق اقپارات دەپارتامەنتىنىڭ ديرەكتورى ۆلاستيميل سامەك حالىقارالىق ۇيىمنىڭ بارلىق قۇرىلىمدارى مەن ينستيتۋتتارىنىڭ قىزمەتى جەر شارىنداعى سەرىكتەستىكتى نىعايتۋعا، قاۋىپسىزدىكتى كۇشەيتۋگە باعىتتالعانىن باسا ايتتى.
ۋنيۆەرسيتەت ستۋدەنتتەرى بۇۇ رەسمي التى تىلىندە جانە مەملەكەتتىك تىلدە بارلىعىن ايتۋلى مەرەيتويمەن قۇتتىقتادى. قوناقتار بۇۇ 70-جىلدىعىنا ارنالعان فوتوكورمەنى قىزىعۋشىلىقپەن كورىپ شىقتى.
ءال-فارابي ات. قازۇۋ
ستۋدەنتتىك باسپا ءسوز ورتالىعى
You Might Also Like
-
كوپتەگەن بالالار ءسۇيىپ جەيتىن گەماتوگەن ەلىمىزدەگى ءدارىحانالار سورەلەرىندە سامساپ تۇرعانىمەن، ونى گەرمانيا، اۆستريا سىندى ەۋروپالىق مەملەكەتتەردەن كەزدەستىرە المايمىز. دەسە دە گەماتوگەن العاش رەت ش...
-
تەحنولوگيالىق پاركتەر – زاماناۋي يننوۆاسيالىق ەكونوميكانىڭ ماڭىزدى ەلەمەنتى. بۇگىنگى تاڭدا ەلدىڭ تولىققاندى يننوۆاسيالىق قىزمەتى عىلىمي جانە يننوۆاسيالىق ورتالىقتار مەن پاركتەر، يدەيالار ينكۋب...
