ەندى بالاباقشا تاربيەشىلەرى ءۇش-اق قۇجات تولتىرادى - اسحات ايماعامبەتوۆ
بۇعان دەيىن پرەزيدەنت قاسىم-جومارت توقايەۆ مۇعالىمدەردى قىزمەتىنە ءتان ەمەس فۋنكسيالاردان بوساتۋ مىندەتىن قويعان بولاتىن. مەملەكەت باسشىسى قول قويعان «پەداگوگ مارتەبەسى تۋرالى» زاڭ وسى باعىتتا قاجەتتى نورمالاردى بەكىتىپ، اۋقىمدى جۇمىستاردى جۇرگىزۋگە مۇمكىندىك بەردى. بۇل تۋرالى وقۋ-اعارتۋ ءمينيسترى اسحات ايماعامبەتوۆ الەۋمەتتىك جەلىدەگى پاراقشاسىنا جازدى.
«وسى جۇمىستىڭ شەڭبەرىندە بالاباقشا تاربيەشىلەرى تولتىرۋعا مىندەتتى قۇجاتتاردىڭ سانىن ازايتاتىن بۇيرىققا قول قويدىم. 2020 جىلى ورتا، تەحنيكالىق جانە كاسىپتىك ءبىلىم بەرۋ دەڭگەيىنە دە وسىنداي ءتىزىم بەكىتىلگەن بولاتىن. سول بۇيرىق ارقىلى مەكتەپ پەن كوللەدج مۇعالىمدەرىنىڭ ەسەپ تاپسىرۋىن قاتاڭ شەكتەدىك. مىسالى، مەكتەپ ءمۇعالىمى كۇن سايىن ەكى قۇجات قانا تولتىرۋى كەرەك: مەكتەپ جۋرنالىنا (ەلەكتروندى) باعا قويۋ جانە ساباق جوسپارى. الايدا، مەكتەپكە دەيىنگى ءبىلىم بەرۋ دەڭگەيىندە مۇنداي ءتىزىم رەتتەلمەگەندىكتەن كوپتەگەن قۇجات پروبلەماسى بولدى. ولاردىڭ ءتىزىمى بالاباقشا باسشىلىعىنىڭ كوزقاراسى مەن ماڭىزدىلىعىن تۇسىنۋگە قاتىستى بولدى»، - دەگەن ۆەدومستۆو باسشىسى.
ونىڭ مالىمەتىنشە، ە ءندى قول قويىلعان بۇيرىققا سايكەس تاربيەشى تەك مىناداي قۇجاتتاردى عانا تولتىرادى:
1) وقۋ جىلىنا ارنالعان پەرسپەكتيۆالىق جوسپار (جىلىنا ءبىر رەت تولتىرىلادى)؛
2) تاربيە-وقۋ پروسەسىنىڭ سيكلوگرامماسى (ءبىر اپتاعا تولتىرىلادى)؛
3) دياگنوستيكانىڭ (باستاپقى، ارالىق، قورىتىندى ولشەۋلەردىڭ) ناتيجەلەرى بويىنشا وقۋ جىلىنا ارنالعان بالانىڭ جەكە دامۋ كارتاسى، ول قاجەتتىلىگىنە قاراي تولتىرىلىپ، جۇرگىزىلەدى.
دەمەك، ەندى مەكتەپكە دەيىنگى ءبىلىم بەرۋ دەڭگەيى بويىنشا مينيسترلىك ايقىنداعان ناقتى تىزبە بار. سونداي-اق «پەداگوگ مارتەبەسى تۋرالى» زاڭدا جانە اكىمشىلىك كودەكستە جازىلعان باسقا دا قۇجاتتاردى تالاپ ەتۋگە جاۋاپكەرشىلىك قاراستىرىلعان جانە ايىپپۇل تۇرىندە اكىمشىلىك جاۋاپكەرشىلىككە تارتاتىن ورگاندار دا بار.
اسحات قانات ۇلى «ج اۋاپكەرشىلىككە تارتۋ كىمنىڭ قۇزىرىندا؟» - دەگەن ساۋالعا دا جاۋاپ بەرە كەتكەن.
«پەداگوگتەردەن شەكتەن تىس ەسەپتى نەمەسە قىزمەتتىك مىندەتتەرىنە جاتپايتىن اقپاراتتى تالاپ ەتۋ فاكتىلەرى بويىنشا ءوتىنىش تۇسكەن كەزدە ق ر وقۋ-اعارتۋ مينيسترلىگى ءبىلىم سالاسىنداعى ساپانى قامتاماسىز ەتۋ كوميتەتىنىڭ اۋماقتىق دەپارتامەنتتەرى قۇقىق بۇزعانى ءۇشىن جوسپاردان تىس تەكسەرۋدى قسجاەك ورگاندارىندا تىركەيدى جانە ونى ءبىلىم بەرۋ ۇيىمىنا بارىپ نەمەسە بارماي-اق جۇرگىزەدى.
قۇقىق بۇزۋ فاكتىسىن دالەلدەيتىن ماتەريالدار:
- جازباشا تاپسىرمالار نەمەسە ولاردىڭ كوشىرمەلەرى، بۇيرىقتاردىڭ كوشىرمەلەرى، ەسەپ بەرۋ بلانكىلەرىنىڭ كوشىرمەلەرى جانە پەداگوگتەن ەسەپ بەرۋدى نەمەسە ق ر ءبىلىم بەرۋ سالاسىنداعى زاڭناماسىندا كوزدەلمەگەن مالىمەتتەردى تالاپ ەتۋدى راستايتىن باسقا دا ماتەريالدار»، - دەپ جازدى مينيستر.
ەگەر قۇقىق بۇزۋشىلىققا العاش رەت جول بەرگەن ادام ءوز كىناسىن مويىنداسا، كوميتەت جانە اۋماقتىق ورگان اكىمشىلىك قۇقىق بۇزۋشىلىق تۋرالى حاتتاما تولتىرماي، كىنالى ادامعا ەسكەرتۋ تۋرالى قاۋلى شىعارادى. ال ادام قايتادان قۇقىق بۇزسا، وعان قاتىستى اكىمشىلىك قۇقىق بۇزۋشىلىق تۋرالى حاتتاما تولتىرىلادى. اكىمشىلىك ايىپپۇل 20 اەك-تەن 120 اەك-كە دەيىن.
«مەكتەپ پەن بالاباقشا پەداگوگتەرىنە قولايلى جاعداي جاساۋعا باعىتتالعان تالاپتار ساقتالۋعا ءتيىس. ارىپتەستەرىمنەن دەر كەزىندە ءتيىستى شارا قابىلداۋ ءۇشىن وسىنداي فاكتىلەر بولعان جاعدايدا ول تۋرالى حابارلاۋىن سۇرايمىن»، - دەدى ا.ايماعامبەتوۆ.
ول بۇعان دەيىن جاۋاپتى تۇلعالار زاڭ بۇزعانى، ارتىق ەسەپتى جانە باسقا دا قۇجاتتاردى تالاپ ەتكەنى ءۇشىن جاۋاپقا تارتىلعانىن ەسكە سالدى. سودان سوڭ ءبىلىم بەرۋ ۇيىمدارىنىڭ باسشىلارىنان تاعى دا زاڭدى قاتاڭ ساقتاۋدى جانە ارتىق ەسەپتى تالاپ ەتۋگە جول بەرمەۋدى سۇرادى.
You Might Also Like
-
سۋىرىلىپ شىقتىڭ، قىزىم، وزەگىمنەن، سۋىنىپ كەتپە جىراق ءوز ەلىڭنەن. باقىتىڭ بەرگەن شىعار تىزگىنىڭدى، باقىتىڭ كەلگەن شىعار كەزەگىمەن. تۇر مىنە، ۇلى ءومىرىڭ باستالعالى، ەركىندىك، ەركەلىگىڭ تاستالعا...
