ەندى مەكتەپتە اتا-انالار دا اعىلشىن ءتىلىن وقيدى
وسكەمەن قالاسىنىڭ مەكتەپتەرىندە اعىلشىن ءتىلىن بىلمەيتىن اتا-انالارعا ءتىل ۇيرەتۋ كۋرستارى اشىلدى. العاش رەت قولعا الىنعان شارا ارنايى جۇرگىزىلگەن ساۋالنامانىڭ ناتيجەسىندە جۇزەگە اسىپ وتىر. بۇل تۋرالى ق ر ءبىلىم جانە عىلىم مينيسترلىگىنىڭ باسپا ءسوز قىزمەتى Facebook-تەگى پاراقشاسىندا جازدى، دەپ Baq.kz حابارلايدى.
مينيسترلىكتىڭ مالىمەتىنشە، اتا-انالاردىڭ 56 پايىزى ءۇي جۇمىسىن ورىنداۋ كەزىندە بالاسىنا كومەك كورسەتە المايدى ەكەن. وسىدان كەيىن ۇستازدار تاراپىنان تۇسكەن ۇسىنىستى كوبى قولداعان.
ساباق تەگىن، اپتاسىنا ەكى رەت جۇرگىزىلەدى. كەشكى التىدا بالاسىن مەكتەپتەن الىپ كەتۋگە كەلگەن اتا-انا ءبىر ساعات ۋاقىتتارىن وسى جەردە وتكىزبەك. تاجىريبەلى شەتەلدىك ۇستازدار ءدارىس وقىپ، ساباق ۇيرەتەدى.
«باسقا پاندەردەن كومەكتەسىپ وتىرامىن. ال اعىلشىن ءتىلىن مەكتەپ مۇعالىمدەرىنىڭ ارقاسىندا وقىپ جاتىر. ءوزىم ۇيرەتە المايمىن. وسى ءتىلدى مەڭگەرىپ، بالاممەن اعىلشىنشا قارىم-قاتىناس جاساعىم كەلەدى. كۇندەلىكتى قىزمەتىمە وراي ارنايى وقىتاتىن وقۋ ورنىنا بارۋعا جاعدايىم جوق. سوندىقتان وسى باستامانى قولداپ، كەلىپ وتىرمىن»، - دەيدى گۇلميرا ءشارىپحانوۆا.
مەكتەپ ديرەكتورى سەلمان شيمشەكتىڭ پىكىرىنشە، بالا كۇندىز مەكتەپتە ۇيرەنگەن نارسەسىن ۇيدە دە جالعاستىرۋى كەرەك. اتا-اناسى ءتىلدى بىلسە، ءبىلىم دەڭگەيىن بىردەن كوتەرۋگە بولادى.
«ءبىر جاعىنان، اتا-انالار وقۋشىلاردىڭ جاعدايىن جاقسى تۇسىنەدى»، - دەيدى ول.
You Might Also Like
-
ءبارىمىز دە ءبىر ەرەكشەلىكتى جاقسى كورەمىز. سوندىقتان وپتيكالىق يلليۋزيالار ءبىزدىڭ نازارىمىزدى اۋدارادى. بۇگىنگى تاڭدا ادامدى الدامشى كورىنىستەر (يلليۋزيا) ارقىلى الداۋ وڭايعا سوعىپ كەتتى. ءبىرى شىنىمەن...
-
نۇرسۇلتان نازاربايەۆ استانادا 2017 جىلعى 28ء-شى بۇكىلالەمدىك ۋنيۆەرسيادا ويىندارىنىڭ العاشقى الاۋىن جاقتى دەپ حابارلايدى nur.kz پورتالى.
