InfoHub Logo

جاۋعاشتىڭ قولباسشىلىعىمەن وتكەن ءبىر ۇرىستا قالماقتار «قالماققىرىلعان» دەپ اتالىپ كەتكەن جەرگە قوسىن تىگەدى.

بۇل ۋاقىتتا قىرعىزدىڭ سادىر دەگەن مانابى تالاس پەن سىر ارالىعىنداعى ەلدى-مەكەندەردى شاۋىپ، وزىنە باعىنىشتى ەتۋدە دەگەن حابار جەتەدى. وسىعان بايلانىستى ابىلاي قالىڭ قولىمەن قازاقتاردى قىرعىز باسقىنشىلىعىنان ازات ەتۋ ءۇشىن وڭتۇستىك وڭىرىنە كەلەدى. حان ابىلاي سادىرعا باعىنىشتى بولعان قازاق اۋىلدارىن، سودان كەيىن سادىردىڭ ءوزىن شابۋعا بۇيرىق بەرەدى. جاۋعاش باتىر مۇنداي ارەكەتتىڭ اسىعىستاۋ بولاتىندىعىن، الدىمەن ەلشى جىبەرىپ كورۋ كەرەكتىگى جونىندە ۇسىنىس جاسايدى.

ابىلاي قالىڭ قولمەن كەلسە دە، قىرعىزداردى بىردەن شاپپاي، سادىرعا بىرنەشە رەت ەلشى جىبەرەتىندىگى ايتىلادى. بۇل ەلشىلىكتىڭ ەكەۋىن دە جاۋعاش باتىر باستاپ بارعان ەكەن.

سادىر قازاقتاردىڭ اتىنان كەلگەن ەلشىنى استامشىلدىقپەن قابىلدايدى. ەلشىنىڭ سالەمىن ۇيىندە تەرىس قاراپ جاتقان بويى ارتىنا قولىن  سوزىپ الماق بولعاندا، جاۋشى باتىر دا قولىن بەرمەي، قامشىسىنىڭ ءورىمىن ۇستاتقان ەكەن دەيدى. العاشقى ەلشىلىك وسىلايشا ءساتسىز اياقتالعاننان كەيىن، ەكى ەل اراسىنداعى قىرقىستى قايتكەن كۇندە دە بەيبىت جولمەن شەشۋگە بەكىنگەن ابىلاي حان جاۋعاش باتىردى ەكىنشى مارتە ەلشىلىككە جۇمسايدى. مۇندا قىرعىز مانابى سادىرعا العاشقىعا قاراعاندا ناقتى ءسوزىن ايتادى:

— جاۋلاسپايمىن سادىرمەن،
ەلدەسەمىن سادىرمەن.
تالاستىڭ بويى تار جايلاۋ،
تالاسا بارىپ جايلايىق.
قازى مەنەن قارتانى
قيا كەسىپ شاينايىق.

سادىر بۇل جولى دا قياستىقپەن جاۋاپ بەرىپ:

— قوقي، ەلدەسپەيمىن ونىمەن،
جاۋلاسامىن ول قۇلمەن.
تالاستىڭ بويى تار جايلاۋ،
تالاسا بارىپ جايلامان.
قازى مەنەن قارتانى
قيا كەسىپ شاينامان.
ابىلاي دەگەن كارى قۇل...
دۋلىعاسىن كيەرمىن
ەڭسەسىنە مىنەرمىن،
كەۋدەسىنە سيەرمىن، —

دەپ شالقاقتايدى. ەكى ەلدى ەلدەستىرۋدىڭ مۇمكىن ەمەستىگىنە كوزى جەتكەن ابىلاي قىرعىزدارعا قارسى سوعىستى امالسىز باستايدى. سوعىستا قولباسشىلىقتى جاۋعاش باتىر اتقارادى. بۇل جولى سوعىستىڭ سۇراپىلدىعى سونشا — قازاق پەن قىرعىزدىڭ اۋزىندا «جايىل قىرعىنى» دەپ اتالىپ كەتكەن ەكەن.

وقۋعا كەڭەس بەرەمىز:

ءجالاڭتوس باتىر

ەلشىبەك باتىر تۋرالى

الديار باتىر تۋرالى

---