InfoHub Logo

سامەن باتىر قولىندا مىڭباسى بولعان قىرباس ەل ازاماتتارى تۇگەل قاتىناسقان ىلە وزەنىنىڭ بويىنداعى قالماقتارمەن ۇلكەن ۇرىسقا كەتكەن ەكەن. ات ۇستىندە اۋىلعا قاراي شاۋىپ، ايعايدى سالىپ، «ءسۇيىنشى! ءسۇيىنشى! جاۋ قاشتى! جاۋ قاشتى!» دەگەن جىگىتتەردىڭ داۋىستارىن ەستىگەندە تولعاعى ءپىسىپ، ارقانعا اسىلىپ تۇرعان انامىز، قوڭىرات ەلىنىڭ قىزى قوڭىربيكە وزەگى بوساپ، ومىرگە ءبىر نارەستە كەلتىرىپتى. مۇنى جاقسى ىرىمعا جورىعان اجەلەر: «جاۋ قاشقاندا تۋدى، باتىر بولادى» دەگەن ەكەن.

ۇرىستان قايتىپ كەلە جاتقاندا، قىرباستىڭ نەمەرە اعاسى بابالى ءبيدىڭ ۇيىنە قونعان تولە بي جارىقتىقتىڭ ءوزى: «اق جاۋلىقتى انالاردىڭ اۋزىنا دا قۇداي سالعان شىعار، ولاي بولسا ەلىن قورعايتىن باتىر بولسىن، ەسىمى جاۋعاشتى بولسىن!» — دەپ اتىن قويعان. كەيىن «جاۋعاشتى باتىر تۋعان جەر» دەپ ءجۇرىپ، سول جەر «جاۋعاشتى» اتانىپ كەتكەن. اناسى ەركەلەتىپ: «جاۋعاش، جاۋعاشىم!» — دەيدى ەكەن.

جاۋعاش اكەسىنىڭ جالعىز بالاسى بولعاندىقتان ەركەلەۋ ءوسىپ، العىرلىعىن اڭعارتىپ، بابالى ءبيدىڭ، اسىرەسە كىشى ايەلى بورتەنىڭ بالالارىمەن اسىق ويىندارىنان ات ويىندارىنا دەيىن ارتىقشىلىعىن كورسەتىپ، ەرەگەسىپ، توبەلەسىپ قالا بەرەتىن بولعان.

بابالىدان تۋعان توعىز ۇل
جارعا قونعان ۇكىدەي.
قىرباستان تۋعان جالعىز ۇل
وتكىر قارا باكىدەي، —

دەگەن ءسوزدىڭ ايتىلۋى دا سوندىقتان. قالماقتىڭ ەلدى بيلەپ، ەڭسەسىن كوتەرتپەي تۇرعان كەزىندە جوڭعاردىڭ نويانىن قاسىنداعى اتقوسشىمەن جاۋعاش ون بەس جاسىندا ءولتىرىپ، ءوزىنىڭ ومىرىنە ءقاۋىپ تونگەننەن كەيىن اكەسى قىرباستىڭ رۇقساتىمەن، بابالى ءبيدىڭ باتاسىمەن قارپىق پەن مالىباي دوستارىمەن بىرگە ارقاداعى ابىلايعا كەتكەن. قارپىقتىڭ سونداعى ناعاشىلارى ارعىننىڭ التاي، قارپىق اتالارىنا ارقا سۇيەپ، ميات تۇتىپ، سول ەلگە بارعان.

ون بەس جاسار جاس بالا
جاۋعاش ءبىر سوندا جىلايدى:
«سەن قالماققا قىلماسام،
كوتىڭنەن سۇرگى سالماسام،
ارقاداعى ابىلاي حانىما بارماسام،
ءسويتىپ ءبىر كەگىم الماسام!».

وقۋعا كەڭەس بەرەمىز:

ءجالاڭتوس باتىر

ەلشىبەك باتىر تۋرالى

ەر جاۋعاش

---