ەرەكشە ءبىلىم بەرۋ قاجەتتىلىگى بار تالاپكەرگە ۇبت تاپسىرۋ ءۇشىن قوسىمشا ۋاقىت بەرىلەدى
2022 جىلى ەرەكشە ءبىلىم بەرۋ قاجەتتىلىكتەرى بار تالاپكەرلەرگە ۇبت تاپسىرۋ ءۇشىن قوسىمشا ۋاقىت بەرىلەدى.
ءبىلىم جانە عىلىم ءمينيسترى اسحات ايماعامبەتوۆتىڭ تاپسىرماسى بويىنشا ۇلتتىق تەستىلەۋ ورتالىعى ەرەكشە قاجەتتىلىكتەرى بار تالاپكەرلەر ۇبت-نى قولايلى جاعدايلاردا ءوتۋى ءۇشىن ءبىرقاتار شارا قابىلدايتىن بولدى. ۆەدومستۆونىڭ مالىمەتىنشە، كەلەسى جىلى كورۋ، ەستۋ، تىرەك-قيمىل اپپاراتىنىڭ فۋنكسيالارى بۇزىلعان وقۋعا تۇسۋشىلەر نەگىزگى 240 مينۋتتان باسقا تەستىلەۋ تاپسىرمالارىن ورىنداۋ ءۇشىن قوسىمشا 40 مينۋت الادى. ياعني، ولار ۇبت - نى باسقالارعا قاراعاندا ۇزاعىراق - 4 ساعات 40 مينۋت ىشىندە تاپسىرا الادى.
«ءبىز ءۇشىن جۇمىستىڭ ەڭ باستى باعىتى – تالاپكەرلەردىڭ مۇددەسى. ءبىز ۇبت-نى جىلىنا بىرنەشە رەت وتكىزەمىز. ءبىز تالاپكەرلەردىڭ، سونىڭ ىشىندە ەرەكشە ءبىلىم بەرۋ قاجەتتىلىكتەرى بار تالاپكەرلەردىڭ تەستىلەۋدى ىڭعايلى تاپسىرۋى ءۇشىن جاعداي جاساۋدى جالعاستىرامىز. ولار ءۇشىن ۇبت تاپسىرۋ ۋاقىتى تاعى 40 مينۋتقا ۇزارتىلادى. سونىمەن قاتار ەرەكشە قاجەتتىلىكتەرى بار تالاپكەرلەرگە ارنالعان تاپسىرمالاردىڭ مازمۇنىنا دا وزگەرىستەر ەنگىزىلەدى. ولار ءۇشىن سىزبالارسىز، دياگرامماسىز تەست نۇسقالارى جاسالدى. وسىعان دەيىن ءبىلىم جانە عىلىم ءمينيسترى ا.ايماعامبەتوۆ بىزگە وسىنداي تاپسىرما بەرگەن بولاتىن. بۇل وزگەرىستەر ولار ءۇشىن ۇبت - دان ءوتۋدى ايتارلىقتاي جەڭىلدەتەدى»، — دەپ اتاپ ءوتتى ۇلتتىق تەستىلەۋ ورتالىعىنىڭ ديرەكتورى رۋسلان ەمەلبايەۆ.
بۇل رەتتە، تەستىلەۋدى تاپسىرۋ كەزىندە اشىقتىق قاعيداتىن قامتاماسىز ەتۋ ماڭىزدى. وسىعان دەيىن مينيسترلىك كەشەندى شارالار قابىلداعان بولاتىن. كەلەسى جىلى تەستىلەۋ «1 كومپيۋتەر - 2 كامەرا - 1 تەستىلەنۋشى» قاعيداتى بويىنشا جۇرگىزىلەدى. وقۋعا ءتۇسۋشىنىڭ جۇمىس ورنىندا نەگىزگى كامەرادان باسقا، تەستىلەنۋشىنىڭ دىبىسىن جازۋ جانە قوزعالىسىن تىركەۋ ءۇشىن قوسىمشا الدىڭعى ۆەب-كامەرا ورناتىلادى. فرونتالدى ۆەب-كامەرا وقۋعا ءتۇسۋشىنىڭ جەكە باسىن سايكەستەندىرۋگە جانە ۇبت كەزىندە بوگدە ادامداردىڭ كىرۋىن بولدىرماۋعا مۇمكىندىك بەرەدى. سونداي-اق بۇل ەمتيحان تاپسىرۋ بارىسىنا باقىلاۋ جۇرگىزۋ جانە تەستىلەۋدىڭ اشىقتىعىن قامتاماسىز ەتۋ ءۇشىن قاجەت.
ۇبت-2022 اياقتالعاننان كەيىن كۇنتىزبەلىك جىلدىڭ سوڭىنا دەيىن بەينەجازبالارعا تالداۋ جۇرگىزىلەدى. تىيىم سالىنعان زاتتاردى پايدالانۋ نەمەسە باسقا دا بۇزۋشىلىق فاكتىلەرى انىقتالعان جاعدايدا، وقۋعا ءتۇسۋشىنىڭ ۇبت ناتيجەلەرى جويىلادى.
ايتا كەتەيىك، 2022 جىلى ۇبت ەلەكتروندى فورماتتا وتەدى. وقۋعا تۇسۋشىلەر ءداستۇرلى تۇردە 3 مىندەتتى ءپاندى (قازاقستان تاريحى، ماتەماتيكالىق ساۋاتتىلىق، وقۋ ساۋاتتىلىعى) جانە 2 بەيىندى ءپاندى تاپسىرادى.
You Might Also Like
-
تاۋەلسىزدىك العاننان كەيىنگى شاقتان باستاپ قازاقستان ءۇشىن نەبىر جاڭا ەسىكتەر اشىلدى. بۇۇ قۇرامىنا، سونىمەن قاتار شىۇ، ەو، ەقىۇ مۇشە بولىپ، ساياسي بايلانىستى ءبىرشاما نىعايتقان مەملەكەتىمىزدىڭ قازىرگى...
-
بۇگىنگى جينالىسىمىزدىڭ ارقاۋى بولىپ وتىرعان قازاقستان كومپارتياسى ورتالىق كوميتەتىنىن، قاۋلىسى سوۆەت ادەبيەتىنىڭ الدىن، باعىت-باعدارىن تاعى دا ايقىنداپ بەردى. سوۆەت كوركەم ادەبيەتى — ۇلى يدەيا...
