ەركەاتان كۇيى (ءى نۇسقا)
باياعىدا ءبىر شال مەن كەمپىر بولعان ەكەن. ولاردىڭ ەركەتاي دەگەن جالعىز قىزى بار ەكەن. ەركەتايدىڭ بوتاسىنان ءوزى اق ىرىمشىك بەرىپ، ەركەلەتىپ، ۇيرەتىپ اسىراعان تايلاعى بار ەكەن. ەركەتاي وعان ەركەاتان دەپ ات قويعان ەكەن. ەركەتاي ەركەاتاننىڭ شۋداسىنا مارجان ءتىزىپ، ايدارىنا، ەكى وركەشىنە ۇكى تاعىپ، باسىنا سىلدىرماقتى نوقتا كيگىزىپ، جىبەكتەن ءورىپ بۇيدا تاققان ەكەن. قىز ونى كوزىنەن تاسا قىلماي باعىپ جۇرەدى ەكەن. ەركەتاي ەركەاتانىمەن ويناپ، ەرمەك ەتەدى ەكەن. شال مەن كەمپىر ەلسىزدە وتىرادى ەكەن. ءبىر كۇنى قىز ۇيىندە كەستە تىگىپ، الدانىپ
وتىرىپ قالىپتى. الدەن ۋاقىتتا ەركەتايدىڭ ەركەاتانى ەسىنە ءتۇسىپ، دالاعا شىقسا، كوز كورىمدە ەركەاتان كورىنبەيدى. قىز قاراپ تابا الماي، جەز وكشەلى كەبىسىن قولىنا الىپ، الدىنداعى تاۋدىڭ باسىنا جۇگىرىپ شىعادى. سول كەزدە سۋعا جىعىلىپ جاتقان ەركەاتانىن كورىپ قاسىنا كەلەدى. ءبىراق باتباققا باتىپ قالعان ەركەاتاندى قىز تۇرعىزا المايدى. قايتا جۇگىرىپ تاۋعا شىعىپ، اكەسىنە: «ەركەاتان سۋعا جىعىلدى، ارقان اكەل، اكە-كە!» — دەپ، قىز ايعايلايدى. الىستاعى اكەسى ەستي قويمايدى. ءسويتىپ تۇرعاندا قىزدىڭ كوزىنە قارا اتتى، تورى اتتى ەكى جولاۋشى تۇسەدى. ەندى قىز سولارعا: «قارا اتتى مەن تورى اتتى، توقتا، توقتا!»— دەپ ايعايلايدى. مىنە، قىزدىڭ وسى ايعايلاپ ايتقانىن دومبىراشىلار كۇي ەتىپ تارتادى. مۇنى «ەركەاتان كۇيى» دەيدى.
You Might Also Like
-
جازعى جاسىل جايلاۋدىڭ كوز قۇرتىن تارتار ءسانىنىڭ ءبىرى — كول جاعالاي، وزەندى بويلاي جۇرەتىن، جايلاۋ ءتوسىن دۋمانعا بولەگەن قاز بولسا كەرەك. اق قانات بالاپاندارىن ارتىنان ەرتىپ، وزىنە ءتان ۇنىمەن ...
-
بۇرىن بىرەۋدىڭ كارىبوز دەگەن جۇيرىگى بولىپتى. كارىبوز قۇنانىنان باستاپ قارتايعانعا دەيىن رۋلى ەلدىڭ ىشىندە بولعان ءىرىلى-ۋاقتى بارلىق تويدا الدىنا ات سالماعان جۇيرىك اتالادى. كارىبوزدى كورىپ تالاي ت...
