ەرتە تۇرۋعا قالاي داعدىلانۋعا بولادى؟
ءوز ءومىرىڭىزدىڭ قانداي دا ءبىر اسپەكتىلەرىن وزگەرتكىڭىز كەلە مە، ءبىراق نەدەن باستاۋ كەرەكتىگىن بىلمەيسىز بە؟ وندا ەرتە تۇرۋدان باستاڭىز.
بۇل ادەت ءسىزدىڭ ءومىرىڭىزدى وزگەرتىپ، كوپتەگەن ارتىقشىلىقتار بەرە الادى. ەرتە تۇرعان ادامدار جىگەرلى ءارى بايسالدى كەلەدى. تومەندە ەرتە ويانۋ ءۇشىن كەدەرگى بولاتىن ادەتتەردىڭ ءتىزىمىن ۇسىنامىز:
كەلەسى دايەكسوزدەرگە نازار اۋدارىڭىز، ءارى ساناڭىزعا مىقتاپ ءسىڭىرىپ الىڭىز:
تاڭسارىدە ويانعان دۇرىس، سەبەبى بۇل ادەت مىقتى دەنساۋلىققا، بايلىق پەن دانالىققا جەتەلەيدى.
اريستوتەل
ەنەرگيانىڭ كوپ بولىگى تاڭ الدىنداعى ۋاقىتقا تيەسىلى. مەن جارىق تۇسكەننەن كەيىن ويانعاندا، الەم مەنسىز ءومىرىن باستاپ كەتكەنىن سەزەمىن.
تەرري گيللەمەتس
ءتاڭسارىنىڭ اۋزىندا التىن بار.
بەندجامين فرانكلين
1. جارىم تۇنگە دەيىن تەلەديدار قاراۋدى توقتاتىڭىز
ۇيقىعا دايىندالۋ كەرەك، سوندىقتان تۇنگە قاراي داۋرىقتىراتىن ەموسيالاردى باستان وتىزبەگەن ابزال. سونىمەن قاتار، ەگەر ءسىز تەلەديدارعا از ۋاقىت جۇمساساڭىز، وندا ۇيىقتاپ، تاڭەرتەڭ ەرتە تۇرۋ ءۇشىن ۋاقىتىڭىز كوبىرەك قالادى.
تەلەديدار قارايتىن ۋاقىتىڭىزدى الدىن-الا انىقتاپ، شەكتەۋ جاساپ قويىڭىز. ماسەلە تەك تەلەديدارعا عانا ءتيىستى ەمەس، سونداي-اق عالاموردان تاماشالايتىن فيلمدەر، باعدارلامالار مەن سەريالدارعا دا قاتىستى.
2. تۇندە جۇمىس ىستەۋدى دوعارىڭىز
ەرتە جات تا ەرتە تۇر،
ءبىر پىسپەكتى ارتىق ۇر.
كوپتەگەن ادامدار تۇندە ىستەگەن جۇمىستارى اناعۇرلىم ونىمدىرەك بولاتىنىنا، جانە ەڭ جاقسى يدەيالار ولارعا ءدال وسى ۋاقىتتا كەلەتىنىنە سەنىمدى. ەگەر ءسىز وسىنداي ادامداردىڭ قاتارىنان بولساڭىز، وندا ەرتە تۇرۋ ماسەلەسى ءسىز ءۇشىن وزەكتى بولماق.
ءسىز قولدانا الاتىن ستراتەگيالاردىڭ ءبىرى — وزىڭىزگە سىن تاستاڭىز. ياعني، تاڭعى ساعات 9-عا دەيىن ەڭ ماڭىزدى تاپسىرمانى ورىنداۋ ءۇشىن 90 مينۋت جۇمساڭىز. بۇل 2 ماسەلەنى شەشەدى:
— سىزگە مەجەلى مەرزىم بەرەدى. پروكراستيناتورلاردىڭ ءىسى نەگىزىنەن تۇندە ونىمدىرەك بولماق، ويتكەنى كۇننىڭ اياقتالۋى ولاردىڭ ىستەرىنىڭ اياقتالۋىنا تۇرتكى بولادى، ءارى ولار تاڭەرتەڭ مۇنى ىستەي المايتىنىن بىلەدى (نەمەسە سانايدى). ءسىز وسى ستراتەگيانى تاڭەرتەڭ پايدالانا الاسىز.
— سونىمەن قاتار، وسىنداي تاجىريبەنىڭ ارقاسىندا ءسىزدىڭ دە ىستەرىڭىز تۇندە ەمەس، تاڭەرتەڭ نەعۇرلىم ونىمدىرەك بولاتىنىن اڭعارا الاسىز.
3. جارىم تۇنگە دەيىن عالامتوردا وتىرۋدى ادەتكە اينالدىرماڭىز
ۇيىقتار الدىندا ءبىر ساعات بۇرىن كومپيۋتەر مەن بارلىق ەلەكتروندىق قۇرىلعىلاردى ءوشىرۋ كەرەك. ەلەكتروندىق قۇرىلعىلاردان شىعاتىن جاساندى جارىق اعزانى قوزدىرىپ، ۇيقىعا ىقپال ەتەتىن گورمون مەلاتونيننىڭ ءوندىرىسىن باياۋلاتادى.
ەگەر سىزگە سمارتفوندى، پلانشەتتى نەمەسە كومپيۋتەردى ۇيىقتار الدىندا پايدالانۋعا ءماجبۇر بولساڭىز، كەلەسى كەڭەستەرگە نازار سالىڭىز:
— ەكراننىڭ جارىعىن ازايتىڭىز.
— تۇندە ەكراننىڭ جارىعىن باساتىن قولدانبانى پايدالانىڭىز.
وقۋعا كەڭەس بەرەمىز:
سمارتفونداردىڭ كوك ءتۇستى جارىعى سوقىرلىقتى جىلدامداتىپ، كورۋ قابىلەتىن ناشارلاتادى
مەلاتونين دەگەن نە؟
— كوگىلدىر جارىقتى بۇعاتتايتىن، كارىپتاسپەن قاراڭعىلانعان كوزىلدىرىكتى پايدالانىڭىز.
4. تۇستەن كەيىن كوفە ءىشۋدى دوعارىڭىز
كوفەين ستيمۋلياتور بولعاندىقتان ۇيقىنى بۇزادى. كوفەنى قاي كەزدە تۇتىنعاندا اعزا ءۇشىن زيانى ەداۋىر از بولاتىنىن انىقتايتىن زەرتتەۋلەر جۇرگىزىلدى.
زەرتتەۋشىلەردىڭ پايىمداۋىنشا ۇيقىعا دەيىن 6 ساعات بۇرىن تۇتىنىلاتىن كوفەين ۇيقىنى 1 ساعاتقا دەيىن ازايتادى ەكەن. ءتىپتى ۋاقىتىلى ۇيىقتاساڭىز دا، ءبارى-بىر ءسىزدىڭ ۇيقىڭىز وسى ادەتتەن زارداپ شەگۋىن توقتاتپايتىن كورىنەدى.
ۇيقىنىڭ بۇزىلۋىنا جول بەرمەۋ ءۇشىن كوفەيندى تاڭعى ۋاقىتتا تۇتىنىڭىز. دۇرىسى، تۇسكە دەيىن عانا تۇتىنۋمەن شەكتەلىڭىز.
5. تەك ەرىك كۇشىنە سەنۋدى توقتاتىڭىز
ەرىك كۇشتىڭ ماسەلەسى الدەقايدا قيىنداۋ. ءسىز ەرتە تۇرۋدى قولعا الۋ تۋرالى شەشىم قابىلداعاندا جانە جىگەرىڭىز تاسىپ تۇرعان ساتتە ءسىز ءۇشىن ءبارى دە وڭاي سيقتى كورىنەدى. ءبىراق تاڭعىسىن، ەرتە ويانۋدىڭ ازابىن سەزىنگەن كەزدە-اق، باتىلدىعىڭىزدىڭ كۇرت ازايعانىن تۇسىنەسىز. ەرىك كۇشى ءسىزدى توسەكتەن تۇرعىزا الاتىن شىعار، الايدا، وعان كۇش بەرىپ، سىرتتاي كومەكتەسۋگە تىرىسۋىڭىز كەرەك:
— تاماشا تاڭعى اس ءۇشىن دايىن ونىمدەر الىڭىز.
— تاڭعا جاعىمدى نارسە جوسپارلاڭىز.
— ەڭ الدىمەن جانىڭىزعا جاقىن، جاعىمدى جۇمىسىڭىزدى ىستەڭىز.
6. ءوزىڭىزدى كۇندە ءبىر ۋاقىتتا ۇيىقتاۋعا ماجبۇرلەۋدى دوعارىڭىز.
بۇل كەڭەسكە ساقتىقپەن قاراۋ كەرەك: ارينە، ءسىزدىڭ ءبىر ۋاقىتتا ۇيىقتاۋدى ادەتكە اينالدىرعانىڭىز دۇرىس شىعار. دەگەنمەن، ۇيقىڭىز كەلمەسە، ءوزىڭىزدى قيناپ ۇيقىعا جاتۋدىڭ قاجەتى شامالى.
مىسالى، ءسىز كۇندە ءبىر ۋاقىتتا وياناسىز. دەمەك، ۇيقىعا جاتاتىن ۋاقىت وسى كۇنگى شارشاۋىڭىزعا بايلانىستى بولماق. سوندىقتان، ەگەر ءسىز ساعات 23،00 جاتقىڭىز كەلسە، الايدا اعزاڭىز ۇيقىنى ءالى قالاماسا، وندا سىزگە بەلسەندى تۇردە جۇمىس ىستەۋگە تۋرا كەلەدى، مەيلى ول زياتكەرلىك نەمەسە فيزيكالىق جۇمىستار بولسا دا.
7. «كەيىنگە قالدىرۋ» باتىرماسىن باسا بەرۋدى توقتاتىڭىز
الدىڭدا اتاپ وتكەن التى كەڭەس ءسىزدى جەتىنشىسىنە: تاڭەرتەڭ ويانۋعا دايىندايدى. وياتقىشىڭىز سوعىلعان كەزدە ءسىز نە ىستەيسىز؟ بىردەن تۇراسىز با؟ وياتقىشتى ءوشىرىپ، ۇيىقتاۋدى جالعاستىراسىز با؟ ساعاتتىڭ باتىرماسىن «كەيىنگە قالدىرۋ»/«اۋىستىرۋ»/«Snooze» باسىپ، تاعى بەس مينۋتقا قالعي تۇراسىز با؟
بۇل باتىرما ءسىزدىڭ ۇيقىڭىزدىڭ سيكلىن قايتا ىسكە قوسادى. ياعني قوڭىراۋ تاعى سوعىلعان كەزدە، ۇيقىدا بولاسىز دەگەندى بىلدىرەدى. بۇل ۇيقىعا 8-9 ساعاتىڭىزدى بولە تۇرا، ۇيقىڭىز قانباي ويانۋىڭىزعا سەبەپشى بولارى انىق. ياعني، ويلانىپ قاراساڭىز، مۇنىڭ ەش ءمانى جوق.
ۇيقى كەستەسىن رەتتەسەڭىز، ۇيقىڭىزدىڭ قانعانىن انىق بىلەتىن بولاسىز. ەگەر ءالى دە ۇيقىڭىز كەلىپ تۇرسا، وندا بۇل زياندى ادەتكە جاتادى، ودان تەز ارادا قۇتىلۋ كەرەك. ءوشىرۋ ءۇشىن توسەكتەن تۇرۋعا تۋرا كەلەتىندەي ەتىپ وياتقىشتى بولمەنىڭ الىس بولىگىنە قويعانىڭىز ءجون.
ەرتە ويانۋعا تەز داعدىلانۋىڭىزدى تىلەيمىز!
وقۋعا كەڭەس بەرەمىز:
60 سەكۋندتا ۇيقى كەلتىرەتىن ءادىس
ۇيقىنىڭ جايلى بولۋىنا ىقپال ەتەتىن 5 وسىمدىك
سەرگەك ويانۋعا ىقپال ەتەتىن 6/30 ەرەجەسى
ادام ۇيىقتاپ بارا جاتىپ نەگە سەلت ەتەدى؟
You Might Also Like
-
وتانىڭ سەنى جوعالتىپ الۋى مۇمكىن، ءبىراق سەن ەشقاشان وتانىڭدى جۇرەگىڭنەن جوعالتپا.
-
افريكا — ىستىق قۇمدى ءشولدى، تىعىز ورماندى، شەكسىز جاسىل جازىقتىقتى ۇلكەن قۇرلىق. افريكانىڭ ءار جەرىندە ادامدار ءار ءتۇرلى ءومىر سۇرەدى. كەيبىر جەرلەرىندە پاتشالىقتار باسقارعان. باتىس افريكادا ورن...
