افريكا پاتشالىعى وسىدان مىڭ جىل بۇرىن
افريكا — ىستىق قۇمدى ءشولدى، تىعىز ورماندى، شەكسىز جاسىل جازىقتىقتى ۇلكەن قۇرلىق. افريكانىڭ ءار جەرىندە ادامدار ءار ءتۇرلى ءومىر سۇرەدى. كەيبىر جەرلەرىندە پاتشالىقتار باسقارعان. باتىس افريكادا ورنالاسقان بەنين قالاسىنىڭ تۇرعىندارى كەرەمەت قولا مۇسىندەرىن جاساعان.
التىن پاتشالىق
باتىس افريكانىڭ ماليدەگى تۇرعىندارى جەردەن التىن وندىرەتىن. سولتۇستىك افريكا ساۋداگەرلەرى ولاردى ساتىپ الاتىن، وسىلايشا مالي باي ەلگە اينالعان بولاتىن.
سولتۇستىك افريكا ساۋداگەرلەرى مۇسىلماندار بولاتىن جانە كوپتەگەن مالي تۇرعىندارى دا مۇسىلماندىقتى قابىلدادى. مالي قالالارىندا مۇسىلماندار قۇلشىلىق ەتەتىن «مەشىت» دەپ اتالاتىن ۇلكەن عيماراتتار، مۇسىلمان مەكتەپتەرى مەن ۋنيۆەرسيتەتتەرى سالىندى.
سولتۇستىك افريكادان كەلگەن ساۋداگەرلەر تۇيەلەرگە ءمىنىپ ساحارا ءشولى ارقىلى ماليعا باراتىن.
تاس قالا
وڭتۇستىك افريكا دالاسىندا ۇلى زيمبابۆە قالاسى بولعان. ونىڭ تۇرعىندارى التىن مەن بال ساتىپ بايىعان. پاتشا قالانىڭ ورتاسىندا ورنالاسقان بەكىنىستىڭ ارنايى قامالىندا ءومىر سۇرگەن.
جارتاستى شىركەۋلەر
ەفيوپيانى حريستيان پاتشالىعى باسقارعان. ەفيوپيا پاتشاسى لاليبەلا وزىنە جارتاستان شىركەۋ سالۋ ايان بەرىلدى دەپ سەنگەن. 18 شىركەۋ سالعان. كەيبىر شىركەۋلەر ءوزارا جەرتولەمەن بايلانىسقان.
You Might Also Like
-
ءوز ءومىرىڭىزدىڭ قانداي دا ءبىر اسپەكتىلەرىن وزگەرتكىڭىز كەلە مە، ءبىراق نەدەن باستاۋ كەرەكتىگىن بىلمەيسىز بە؟ وندا ەرتە تۇرۋدان باستاڭىز. بۇل ادەت ءسىزدىڭ ءومىرىڭىزدى وزگەرتىپ، كوپتەگەن ارتىقشىلىقتار ب...
-
نانوتەحنولوگ — ماتەريالداردى مولەكۋليارلى جانە اتوم دەڭگەيىندە زەرتتەيتىن جانە نانو ولشەمگە يە كومپونەنتتەردەن وبەكتىلەر جاسايتىن عالىم، مامان. ول ءۇشىن اتومدار — جاڭا ماتەريال قۇراستىرا...
