InfoHub Logo

ساباقتىڭ تاقىرىبى: ەرتەگى كەيىپكەرلەرىن بەينەلەۋ
ساباقتىڭ ماقساتى:
1. ەرتەگىلەردى ەسكە ءتۇسىرۋ، ەلەستەتۋ ارقىلى ەرتەگى كەيىپكەرلەرىنىڭ بەينەلەرىن قاعاز بەتىنە تۇسىرە بىلۋگە ماشىقتاندىۋ.
2. تاپقىرلىققا، قايىرىمدىلىققا، ۇقىپتىلىققا، ادەمىلىكتى تۇسىنە بىلۋگە، تالعامپازدىققا باۋلۋ.
3. وقۋشىلاردىڭ دۇنيەتانىمدارىن، اقىل - ويىن، شىعارماشىلىعىن ارتتىرۋ. ويلاۋ، ەستە ساقتاۋ، قايتا جاڭعىرتۋ قاسيەتتەرىن، تانىمدىق قىزىعۋشىلىقتارىن دامىتۋ.
ساباقتىڭ ءتۇرى: ارالاس ساباق.
ساباقتىڭ ءادىس - تاسىلدەرى: سىن تۇرعىسىنان ويلاۋ، پراكتيكالىق.
ساباقتىڭ كورنەكىلىگى: «ەرتەگىلەر ەلىندە» ەرتەگى كىتاپتار بۇرىشى، ەرتەگى كەيىپكەرلەرىنىڭ سۋرەتتەرى.

ساباقتىڭ بارىسى:
1. ۇيىمداستىرۋ ءبولىمى:
ا) العاشقى ۇيىمداستىرۋ
(وقۋشىلاردىڭ وقۋ قۇرالدارىن رەتتەپ، زەيىندەرىن ساباققا اۋدارۋ)
- سالەمەتسىڭدەر مە! 2 «ءا» كلاسسىنا قوش كەلدىڭىزدەر! ءقازىر بىزدە بەينەلەۋ ساباعى.
بالالار، بۇگىنگى ساباعىمىز كۇندەلىكتى ساباعىمىزدان ءسال ەرەكشە. ويتكەنى، ساباققا كوپ قوناقتار كەلىپ وتىر. سوندىقتان ساباق بارىسىندا وقىپ - بىلگەن، ۇيرەنگەندەرىمىزدى، جاقسى جاعىنان كورسەتە بىلەيىك. الدىمەن وزدەرىڭدى
«مەن قاندايمىن؟» سۇراعىنا جاۋاپ بەرە وتىرىپ، تانىستىرىپ وتىڭدەر.
«مەن قاندايمىن؟» سۇراعىنا ءار وقۋشى ءوز ەسىمدەرىن قوسا جاقسى قاسيەتتەرىن ايتۋ.(وزدىك مەن كونسەپسياسى، ءوزىن - ءوزى تانۋ) مىسالى، البينا – ادەمى، ميربولات – ءتارتىپتى، ارمان – سۋرەتشى ت. س. س.

2. ءۇي تاپسىرماسىن تەكسەرۋ.
ەكى جاقتى كۇندەلىكتىڭ سۇراقتارى:
1. تابيعات كورىنىسىن بەينەلەگەن كوركەم شىعارما «پورترەت» دەپ اتالادى.(جوق)
2. ادامنىڭ بەت ءپىشىنى بەينەلەنگەن كوركەم شىعارما «پەيزاج» دەپ اتالادى.(جوق)
3. ساز بالشىقپەن، ەرمەكسازبەن، اعاشپەن، تاسپەن جۇمىس ىستەپ، بەينە تۇرعىزاتىن سۋرەتشىلەردى «ءمۇسىنشى» دەيدى.(ءيا)
4. ءا. قاستەيەۆ 1904 جىلى الماتى وبلىسىنىڭ شەجىن اۋىلىندا دۇنيەگە كەلدى.(ءيا)
5. 2004 جىلى ءا. قاستەيەۆ اتامىزدىڭ 100 جىلدىق مەرەي تويى تويلاندى.(ءيا)
6. اكۆارەل بوياۋى سۋدا ەرىمەيدى.(جوق)

3. جاڭا ماتەريالدى مەڭگەرتۋ.
ا) وي قوزعاۋ
- ەرتە، ەرتە، ەرتەدە
ەشكى ءجۇنى بورتە دە
قىرعاۋىلى قىزىل ەكەن
قۇيرىق ءجۇنى ۇزىن ەكەن – جولدارى نەنىڭ باستاماسى؟
- ەرتەگى
ءا) توپتاۋ
- «ەرتەگى» ءسوزىن ەستىگەندە قانداي وي كەلەدى، نە ەستەرىڭە تۇسەدى، كوز الدارىڭا نە ەلەستەيدى؟
ەرتەگى: - ۇشقىش كىلەم، جەزتىرناق، حان، حانشايىم، جاعىز كوزدى ءداۋ، سويلەيتىن جانۋارلار، ايداھار

- ولاي بولسا، بۇگىنگى ساباعىمىز ەرتەگى تۋرالى بولماق. ساباقتىڭ تاقىرىبى: «ەرتەگى كەيىپكەرلەرىن بەينەلەيىك» دەپ اتالادى. بۇل ساباقتا ەرتەگىلەردى ەسكە ءتۇسىرىپ، ەرتەگى كەيىپكەرلەرىنىڭ بەينەلەرىن قاعاز بەتىنە تۇسىرە بىلۋگە، ياعني بەينەلەي بىلۋگە ۇيرەنەمىز.
«ەرتەگىلەر ەلىندە» بۇرىشىنا شولۋ.
بۇل قازاق ەرتەگىلەرىنىڭ جيناقتارى. بۇل كىتاپتاردا حايۋاناتتار جايلى، تۇرمىس - سالت ەرتەگىلەرى، شىنشىل ەرتەگىلەرى، قيال - عاجايىپ ەرتەگىلەردىڭ تۇرلەرى بار. وزدەرىڭ ايتىپ كەتكەن ايداھار دا، جەزتىرناق تا، ۇشقىش كىلەم دە، حان مەن حانشايىمداردى دا وسى ەرتەگىلەردەن تابا الاسىزدار.

وقۋلىقپەن جۇمىس
- ەرتەگىنى وقۋ
- بۇلار قانداي ەرتەگىلەردەن الىنعان ءۇزىندى؟
- «قاڭباق شال» مەن «التىن ساقا» ەرتەگىلەرىن ەسكە ءتۇسىرۋ
- قاڭباق شال مەن مىستان كەمپىرگە مىنەزدەمە بەرۋ.(اۋىزشا)
قاڭباق شال ------مىستان كەمپىر
اقىلدى -----------ۇسقىنسىز
ايلاكەر -----------كارى
جەڭىل --------------تىستەرى ۇلكەن، وتكىر ت. س. س
پراكتيكالىق جۇمىس
رافت ستراتەگياسىمەن جۇمىس
ءرول – ەرتەگى كەيىپكەرلەرى
اۋديتوريا – وقۋشىلار، تىڭدارماندار
فورما – سۋرەت، ارىز - شاعىم، تىلەك.
تاقىرىپ – «ەرتەگى كەيىپكەرلەرى»
- ەرتەگىلەردەگى ۇناتقان كەيىپكەرلەرىڭدى، ۇناعان ءۇزىندىنى بەينەلەي وتىرىپ، سول كەيىپكەرلەردىڭ رولىنە ەنىپ ارىز - شاعىم ايتۋ نەمەسە تىلەك ايتۋلارىڭىز كەرەك. ولاي بولسا، ىسكە ءسات! جۇمىستارىڭىزعا كىرىسىڭىزدەر.
پراكتيكالىق ارەكەت
سەرگىتۋ ءساتى
قىلقالامدى قويايىق
ورنىمىزدان تۇرايىق
قولىمىزدى سوزايىق
وڭعا قاراي ءيىلىپ
سولعا قاراي ءيىلىپ
بەلىمىزدى جازايىق
اينالاعا قارايىق
وتىرايىق، تۇرايىق
ءبىز تىنىعىپ الايىق
تىنىعىپ ءبىز العان سوڭ
اسەم سۋرەت سالايىق
(سۋرەتتەرىن جالعاستىرىپ سالۋ)
- سۋرەتتەرىن اياقتاعان وقۋشىلار بەينەلەگەن كەيىپكەرلەرىنىڭ رولىنە ەنىپ، ارىز - شاعىمدارىن، تىلەكتەرىن ايتادى.(وقۋشىلاردى تىڭداۋ)

قورىتىندى
- ەرتەگىنىڭ قاي ءبولىمىن سالدىڭ؟
- قاي كەيىپكەر ۇنادى؟ نەلىكتەن؟
باعالاۋ
اۋىزشا باعالانادى.
ۇيگە تاپسىرما بەرۋ.
وزدەرىڭ بىلەتىن ەرتەگىلەردەگى كەيىپكەرلەردى بەينەلەۋ.