ەسىرتكى - ولىمگە اپارار جول!
قازاقتىڭ ءبىرتۋار ازاماتى، ۇلتىم دەپ شىرىلداپ جۇرگەن مۇحتار شاحانوۆ جاستارعا، باتىستىڭ سيۆيليزاسياسىن الامىن دەپ، كاناليزاسياسىنا ءتۇسىپ كەتپەڭىزدەر دەپ ەسكەرتكەن بولاتىن. ءيا، بۇل سوزدەر قازىرگى زاماننىڭ مۇڭى دا، شىنى دا. ادامزات بالاسىنىڭ دەرتىنە اينالعان ەسىرتكىنىڭ قازاق دالاسىنا دا الدەقاشان كەلىپ ۇلگەرگەنى بارىمىزگە ءمالىم. بويىمىزعا سىڭگەن باتىرلىعىمىز، انامىزدىڭ سۇتىمەن سىڭگەن ادالدىعىمىز، سوناۋ داۋىرلەردەن بەرى تامىرىمىزدا تۋلاپ جاتقان تازا قانىمىز وسى ءبىر اجداھانىڭ الدىندا دارمەنسىز كۇيگە ءتۇستى. وسىنشا ازعانىمىز با؟! بۇكىل جەر شارىن، ادامزات بالاسىن قۇرتىپ جىبەرۋگە شاق قالعان بۇل كەسەلگە نەگە دارمەنىمىز جەتەر ەمەس؟ ادامزات بىرىگىپ، قارسى تۇرا المايتىنداي بۇل قانداي اپات بولعانى؟ الدە جەتكىلىكتى دەڭگەيدە سانامىزعا ءسىڭىرىپ، قورعانا الماي ءجۇرمىز بە؟
قوش، ەندى بۇل اجداھانىڭ نەلىكتەن قازاق دالاسىنا دا سۋىرلاي ەنىپ، مەڭدەپ بارا جاتقانىن ءتۇسىنىپ كورەلىك. مۇمكىن، رۋحتىڭ السىزدىگىنەن، مۇمكىن، ومىرگە دەگەن قۇشتارلىقتىڭ جوقتىعىنان، مەيىرىمنىڭ، نازاردىڭ جەتىسپەۋىنەن بولار. راسىندا، اركىمنىڭ باسىندا ءارتۇرلى جاعداي. اركىمنىڭ بۇل قاسىرەتكە كەلۋ جولى دا سان قيلى. ءبىراق، ءبارىن دە الىپ باراتىن جەر ءتۇبى – ءولىم. ءيا، ءولىم!
سوڭعى مالىمەتتەرگە سەنسەك، عالامنىڭ 7 ملرد ادامىنىڭ ىشىندە 21 ملن ادام ەسىرتكى پايدالاناتىن كورىنەدى. ال ەلوردامىز استانادا 2008 جىلى ەسىرتكى قولدانعاننان 19-30 جاس شاماسىندا 48 ادام كوز جۇمعان ەكەن. ءقازىر بۇل كورسەتكىشتىڭ قانشاعا جەتىپ جىعىلعانىن بىلمەيمىن، ءبىراق كوبەيمەسە ازايا قويماسى انىق. شىنى كەرەك، سۇمدىق كورسەتكىش! ءبىر وتباسىنىڭ تىزگىنىن ۇستايتىن ازاماتتارىمىز بەن ءبىر وتباسىنىڭ ءتۇتىنىن ءتۇزۋ ۇشىرادى-اۋ دەپ سەنىپ وتىرعان قاراكوزدەرىمىزدەن كوز الدىمىزدا ايرىلىپ جاتىرمىز. ادەتتەگىدەي قوعامنان كورەر ەدىك، قوعام كۇرەسىپ-اق جاتىر. جانعا باتارى سول، كۇرەسىپ جاتىرمىز دەپ جۇرگەندە، ىشتەن شىققان شۇبار جىلانداي ەسىرتكىنىڭ سويىلىن سوعىپ جۇرگەن سويقانداردىڭ ازايماۋى. ەندى عانا ەڭسەمىزدى تىكتەپ، ەل بولامىز دەگەندە بۇل كەسەلدىڭ دە بىزگە اۋىرتپاشىلىعى وڭاي تيمەسى انىق. قولىمىزدان كەلەتىنى، جانىمىزدا جۇرگەن جاندارعا بارىنشا قامقورلىعىمىزدى اياماۋ. قازاقتىڭ جولىنان اداسقان ءبىر پەرزەنتىن بولسىن، تۋعان باۋىرىمىزعا جانىمىز اشىعانداي، قورعاشتايىق، ەڭسەسىن تىكتەپ جۇرۋگە سەپتىگىمىزدى تيگىزەيىك. بۇل كەسەلگە ۇرىنعانىن بىلسەك دەر كەزىندە كومەك بەرىپ ۇلگەرۋگە تىرىسايىق.
ايتارىم، كەز كەلگەن قيىندىقتان شىعاتىن جول ءارقاشان تابىلادى. ساعىڭ سىنسا، ەڭسەڭ تۇسسە، قيىندىقتاردان ارىلا الماي جۇرسەڭ ەسىرتكى شيپا بولمايدى، كەرىسىنشە ودان بەتەر توزدىرماسا. ەسەسىنە، سالاۋاتتى ءومىر سالتىن ۇستان. قىسقاسى، اركىمدى ءوز دەنساۋلىعى تولعاندىرسىن. كوزدى اشىپ-جۇمعانشا وتە شىعاتىن بەس-اق كۇندىك عۇمىردى ەسىرتكىمەن ۋلاپ، ۇرپاعىڭنىڭ ازعانىن كوزىڭمەن كورگەن ۇنامايتىنى انىق قوي. ەندەشە، ەسسىز دۇنيەلەرمەن ۋلانعان عالامدا ءوزىڭدى ساقتاپ قال!
اداسقان ءار پەرزەنتىنە قاپا بوپ،
جەر-انانىڭ جانارىنا جاس تولعان.
بار باقىتتى اللا بەرگەن قايىرىپ
ادامزات-اي، وزىنە-وزى قاس بولعان.
بىرەر سەكۋندت ءلاززات ءۇشىن تۇبىندە،
شاراسىزدىق شەڭبەرىنە شىرمالعان.
باسىڭ قاڭعىپ، تەنتىرەدىڭ بۇگىندە
ادامزات-اي، ەسسىزدىكپەن ۋلانعان.
كىدىرە تۇر، باعامداپ كور الدىڭدى
قول-اياعىڭ بۇعاۋلاۋلى قالارسىڭ.
اللا بەرگەن كوپسىندىڭ بە عۇمىردى؟
ەي، ادامزات! قايدا كەتىپ باراسىڭ؟
نۇرقابىلوۆا نۇرايىم
You Might Also Like
-
بالالاردى قالاي جىگەرلەندىرۋگە بولاتىنىن بىلەسىز بە؟ بۇل ماسەلەگە تاپ بولعانسىز با؟ ءسىز سىنىپتاعى وقۋشىلاردىڭ ساباققا دەگەن ىنتاسىنىڭ تومەندەپ جاتقانىن بايقاساڭىز، جاعدايدى وزگەرتۋگە تىرىسۋىڭىز كەر...
-
مەكتەپكە ۇشتىلدىلىك جۇيەنى ەنگىزۋ باعىتىندا «ەرىكتىلىك قاعيداتىن» بەلگىلى ءبىر مەرزىمگە ەنگىزۋ جولى تالقىلانىپ جاتىر. بۇل تۋرالى استانادا رەسپۋبليكاداعى بارلىق ءبىلىم باسقارمالارىنىڭ وكىل...
