InfoHub Logo

ق ر ءبىلىم جانە عىلىم ءمينيسترى ەرلان ساعادييەۆ مەكتەپتەگى ءمۇعالىمنىڭ ايلىعى وسكەنىمەن، ديرەكتورلار مەن وقۋ ءىسىنىڭ مەڭگەرۋشىلەرىنىڭ ايلىعىنىڭ وسپەي قالعانىنا قاتىستى ءبىر شەشىم ۇسىندى.

«مۇعالىمدەردىڭ ايلىعى تۋرالى... بۇل ماسەلەگە كەلگەندە ەشقانداي سۇراق قالماعان شىعار. مەن ديرەكتورلار جايلى ايتىپ بەرگىم كەلەدى. ءيا، ديرەكتورلار مەن وقۋ ءىسىنىڭ مەڭگەرۋشىلەرى بۇل ماسەلەگە الاڭداۋشىلىق ءبىلدىرىپ وتىر. ادىستەمەشىلەر دە وسىنداي ماسەلە كوتەرەرى داۋسىز. الدىن الا ەسەپ بويىنشا، بارلىعى قامتىلعان ەدى. ءبىراق، كاتەگوريالار وتە كوپ ەكەنىن بىلەسىزدەر. سوندىقتان، قارجى مينيسترلىگىمەن تالقىلاۋ كەزىندە ۋاقىت تىعىز بولعاندىقتان، ۇكىمەتتىك دەڭگەيدە «الدىمەن مۇعالىمدەردىڭ ايلىعىن وسىرسەك» دەگەن توقتامعا كەلدىك. سەبەبى مۇعالىمدەردىڭ ايلىق ماسەلەسى قيىنداپ كەتكەنى راس ەدى»، - دەيدى استانادا رەسپۋبليكاداعى بارلىق ءبىلىم باسقارمالارىنىڭ وكىلدەرىنىڭ باسىن قوسقان ەرلان ساعادييەۆ.

مينيستر ءوز سوزىندە ەندىگى كەزەكتە مەكتەپ ديرەكتورلارى مەن ورىنباسارلارىنىڭ قامى ءۇشىن تىرىساتىنىنا ۋادە بەردى.

«قولىمىزدان شارا كەلمەي جاتسا، مينيسترلىك اكىمدەرگە شىعادى. اكىمدەرگە «مەكتەپ ديرەكتورلارى مەن ورىنباسارلارىنا قول ۇشىن سوزساڭىزدار» دەپ ءوتىنىش بىلدىرەمىز. بۇل كوپ شىعىندى قاجەت ەتپەۋى كەرەك. جالپى، مەملەكەتتە 7 مىڭعا جۋىق مەكتەپ ديرەكتورى مەن وقۋ ءىسىنىڭ مەڭگەرۋشىسى بار. ءبىر وبلىستا - 500-600 ادامنان. جوق دەگەندە اكىمدەردەن ولاردىڭ ايلىعىن 30 پايىزعا ارتتىرۋدى سۇراعالى وتىرمىز. ءوزىم بۇل جۇمىستى قولعا الامىن»، - دەدى ول.

ول سونىمەن بىرگە، ادىستەمەشىلەردىڭ دە وسى ماسەلەسىن شەشىلەتىنىن ايتتى.

«ەڭ باستىسى جەتىستىك - ايلىق ءوسىپ كەلەدى. ايتا كەتەرلىگى، ايلىقتىڭ ءوسىمى انىق بايقالادى»، - دەدى مينيستر.

قازاقپارات

---