مينيستر ۇشتىلدىلىك تۋرالى: ءبىز بۇل ماسەلەنى بۇكىلحالىقتىق تالقىعا سالامىز
مەكتەپكە ۇشتىلدىلىك جۇيەنى ەنگىزۋ باعىتىندا «ەرىكتىلىك قاعيداتىن» بەلگىلى ءبىر مەرزىمگە ەنگىزۋ جولى تالقىلانىپ جاتىر. بۇل تۋرالى استانادا رەسپۋبليكاداعى بارلىق ءبىلىم باسقارمالارىنىڭ وكىلدەرىنىڭ باسىن قوسقان ەرلان ساعادييەۆ ءمالىم ەتتى.
«اعىلشىن ءتىلى تۋرالى ايتارىم... ەڭ باستىسى ءبىز اتا-انالارمەن، مەكتەپ ديرەكتورلارىمەن، مۇعالىمدەرمەن، وقۋشىلارمەن كوپ سويلەستىك. دەمەك، ءبىزدىڭ ۇسىنىسىمىز مىناداي: 2019 جىلى، ءتىپتى 2018 جىلدان باستاپ «ەرىكتىلىك قاعيداتىن» بەلگىلى ءبىر مەرزىمگە ەنگىزسەك... دەمەك، مەكتەپ ءوزى دايىن بولسا، اتا-انالار وزدەرى كەلىسسە - مارحابات، مەكتەپتە اعىلشىن تىلىندە ساباق بەرە بەرسىن»، - دەيدى مينيستر.
ەرلان ساعادييەۆ ءوز سوزىندە بۇل باعىتتا ءارتۇرلى ۇسىنىستار تالقىلانىپ جاتقانىن اتاپ ءوتتى.
«ەكىنشىدەن، 2019 جىلدان باستاپ اعىلشىن تىلىندە مىندەتتى تۇردە وقىتىلاتىن پاندەر بولا ما؟ وسى سۇراققا بايلانىستى بىزگە مىناداي اتاپ وتەرلىك ۇسىنىس ءتۇستى: «ءبىر عانا ءپاندى 10-11 سىنىپتاردا اعىلشىن تىلىندە مىندەتتى تۇردە وتەتىندەي ەتەيىك» دەگەن. سوندا بارلىق مەكتەپتەر جوق دەگەندە ءبىر ءپاندى، ارى كەتكەندە ءتورت ءپاندى اعىلشىن تىلىندە وقىتا بەرە الادى. شارتتى تۇردە ايتار بولساق، فيزيكا، حيميا، ءىت جانە بيولوگيانى اعىلشىن تىلىندە وقىعىسى كەلسە، مەيلى وقىتا بەرسىن. ەگەر قالاماسا وزدەرى شەشەدى. ءبىراق، ءبىر ءپاندى مىندەتتى تۇردە قالدىرۋ كەرەك»، - دەيدى ول.
مينيستر سونىمەن بىرگە، 2،5 اي بويى تالقىلاپ كەلە جاتقان ماسەلە - شاعىن جيناقتى مەكتەپتەرگە ەرىكتىلىك قۇقىعىن بەرۋ ەكەنىن جەتكىزدى.
«ولارعا اعىلشىن تىلىندە ءپاندى وقىتۋدىڭ قاجەتتىگى بار ما؟ 2،5 ايدىڭ ىشىندە ءبىز ءار مەكتەپتىڭ ەسىگىن قاعىپ، وسىعان بايلانىستى ويىن ءبىلۋىمىز كەرەك. ءبىزدىڭ زەرتتەۋىمىز بويىنشا اتا-انالاردىڭ 85 پايىزى وسىنى قالايدى (اعىلشىن تىلىندە وقىتۋدى - اۆت.) ءبىز ۇشتىلدىلىك باعدارلامامىز ءۇشىن الاڭدامايمىز. ەرىكتىلىك قاعيداتى قانشاعا سوزىلاتىنى - ول ءتورتىنشى سۇراق. وعان ەكى جارىم ايدىڭ ىشىندە جاۋاپ بەرۋ كەرەك. شولپان تاڭات قىزى (ق ر بعم وكىلى - اۆت.) تالقىلاۋ بويىنشا مينيسترلىكتىڭ ۇستانىمىن جەتكىزگەن بولاتىن. مەن سىزدەرگە وسى ۇستانىمدى راستاعىم كەلەدى. ءبىز بۇنى جالپىحالىقتىڭ تالقىلاۋعا سالامىز»، - دەپ ءتۇيدى ەرلان ساعادييەۆ.
قازاقپارات
You Might Also Like
-
قازاقتىڭ ءبىرتۋار ازاماتى، ۇلتىم دەپ شىرىلداپ جۇرگەن مۇحتار شاحانوۆ جاستارعا، باتىستىڭ سيۆيليزاسياسىن الامىن دەپ، كاناليزاسياسىنا ءتۇسىپ كەتپەڭىزدەر دەپ ەسكەرتكەن بولاتىن. ءيا، بۇل سوزدەر قازىرگ...
-
بەلگىلى-بىر جەتىستىككە جەتىپ، تابىستى بولعان ادامدار بىزگە سيقىرشىداي بولىپ كورىنەدى، ويتكەنى ولار از ۋاقىت ىشىندە كەرەمەت ناتيجەلەرگە قول جەتكىزىپ جاتادى. ولار مۇنى قالاي جۇزەگە اسىرادى؟ ونىڭ ەڭ ب...
