InfoHub Logo

قالماقپەن سوعىسقاندا كوپ ەرلىك كورسەتكەن ەسكەلدىنى 1750 جىلدارى جوڭعارلار قولعا تۇسىرگەن كورىنەدى. سوندا ەسكەلدىنىڭ اش قالعان مىسىعى ەتتى ۇرلاپ جەگەنى ءۇشىن قالماقتىڭ ءبىر باتىرى ءوز بالاسىنا: «مەڭسىز اق مىسىقتى الىسقا اپارىپ تاستا» دەيدى. بالا ءبىر جەرگە اپارىپ كوزى بايلاۋلى مىسىقتى جەرگە تاستاي بەرگەندە، اق مىسىق بالا مىنگەن اتتىڭ قابىرعا قاپتالىنا جابىسا كەتەدى. ات موڭكىپ، بالانى ۇزەڭگىسىنە سۇيرەپ ولتىرەدى. بالانىڭ ءبىر اياعى جامباس بۋىنىنان جۇلىنىپ، ۇزەڭگىدە كەلەدى. سوندا قالماقتىڭ باتىرى ءوز بارماعىن ءوزى شايناپ وكىرەدى جانە ەسكەلدىنى قولما-قول الدىنا كەلتىرىپ:

— مەنى سەنىڭ قاسيەتىڭ ۇردى!.. ونى بىلمەي بالامنان ايىرىلدىم. ەندى، كەشىر، ايىبىنا نە قالايسىڭ؟» — دەيدى. ەسكەلدى:

— ەلىڭدى باستاپ بۇل ماڭايدان الىس جاققا كوشىپ كەت»، — دەيدى. قالماقتار ءبىر تۇندە كوشىپ جوعالادى. قولعا ءتۇسىپ كەتكەن ەسكەلدى امان قۇتىلىپ قايتىپ كەلگەندە، اۋىلى:

— قالاي بوسانىپ كەلدىڭ؟ — دەپ سۇرايدى. ەسكەلدى:

— قالماقتى الىسقا كوشىرىپ جىبەرىپ كەلدىم، — دەيدى. بارىپ بايقاسا، ءبارى راس. سوندا ەل جيىلىپ ەسكەلدىگە:

— سەنىڭ تۇقىمىڭنىڭ تۇقىمىن سىيلاپ وتەلىك، — دەپ ۋاعدا ەتىسىپتى.

---