ەستە ساقتاۋ، زەيىن سالۋ جانە وي جيناقتاۋعا پايدالى 10 ازىق
مىنا 10 ازىقتى راسيونعا قوسا وتىرىپ، ءوزىڭىزدىڭ ەستە ساقتاۋ، زەيىن سالۋ جانە وي جيناقتاۋ قابىلەتىڭىزدى جاقسارتىڭىز!
ميىڭىزدىڭ جاقسى جۇمىس ىستەۋى ءۇشىن نە جەسەم ەكەن دەپ ويلاناسىز با؟ مىنا تاعامدار دەنساۋلىعىڭىزدى نىعايتىپ قانا قويماي، اقپاراتتى الدەقايدا تەزىرەك ۇعىنۋعا كومەكتەسەدى.
پايدالى ماي قىشقىلدارى مەن ميكروەلەمەنتتەردىڭ ارقاسىندا، مۇنداي تاماق – ميعا ارنالعان ەنەرگيانىڭ تاپتىرمايتىن كوزى. مىنا 10 تاعامدى راسيونىڭىزعا مىندەتتى تۇردە قوسىڭىز، سوندا ءسىز ءوزىڭىزدىڭ ەستە ساقتاۋ جانە وي جيناقتاۋ قابىلەتىڭىزدىڭ قالاي جاقساراتىنىن كورەسىز. تاعامعا كوپ نارسە بايلانىستى...
ميدىڭ جۇمىس ىستەۋىنە ارنالعان ازىق-تۇلىكتەر
اسقاباق داندەرى
اسقاباق داندەرىنىڭ قۇرامىندا مىرىش بار، بەلسەندى اقىل-وي قىزمەتىن جىلدامداتۋعا جانە ەستە ساقتاۋ قابىلەتىن جاقسارتۋعا كومەكتەسەدى.
گرەك جاڭعاقتارى
باسقا جاڭعاقتارمەن سالىستىرعاندا، گرەك جاڭعاقتارىنىڭ قۇرامىندا وتە كوپ مولشەردە ە دارۋمەنى بولادى. ە دارۋمەنى ميدى، قارتايۋمەن بىرگە كەلەتىن بۇلدىرگىش پروسەسستەر مەن اۋرۋلاردان ساقتايدى.
قىزاناقتار
قىزاناق جەۋ ارقىلى السگەيمەر اۋرۋىنا شالدىعۋ ءقاۋپىن تومەندەتۋگە بولادى. قىزاناقتار ليكوپينگە – اكتيوكسيدانتقا باي، ول اعزاعا بوس راديكالدارمەن كۇرەسۋگە كومەكتەسەدى.
كاكاو
قارا شوكولاد تەك ءتاتتى عانا ەمەس. كاكاو ادامنىڭ كوگنيتيۆتى مۇمكىندىكتەرىن ارتتىرادى جانە جۇرەكتىڭ جۇمىسىنا جاقسى اسەرىن بەرەدى. جۇرەك-قان تامىرلار جۇيەسى قانشالىقتى جاقسى جۇمىس ىستەسە، مي قان اينالىمى ارقىلى سونشالىقتى پايدالى زاتتار الا وتىرىپ، قانىعادى.
مايلى بالىق
قىزىل بالىق، سكۋمبريا، تۋنەس، ماكرەل، سارديندەر – وسى بالىقتاردى سيرەك بولسا دا، جەپ تۇرۋ كەرەك. ومەگا-3 قانىققان ماي وسى بالىقتاردا وتە كوپ مولشەردە بار، ونىڭ ميعا قانشالىقتى پايدالى ەكەنىن بۇرىننان بىلەمىز.
ءبۇتىن داندەردەن جاسالعان ونىمدەر
ءبۇتىن ءداندى ازىقتار سىزگە قانداعى قانت تەڭگەرىمىن ءبىر دەڭگەيدە ۇستاۋعا كومەكتەسەدى. بۇل ءسىزدىڭ ميىڭىزدى قۇنارلى زاتتاردىڭ جەتىسپەۋشىلىگى قاتەرىنەن ساقتايدى – ءبۇتىن داندەردەن جاسالعان ونىمدەر اسەرى ۇزاققا سوزىلاتىن قۋاتتى ەنەرگەتيكالىق رەسۋرس بولىپ تابىلادى.
بروككولي
ك دارۋمەنى – بۇل قىرىققاباتتا كەزدەسەتىن دارۋمەن. ول ادامعا بەلسەندى اقىل-وي پروسەسستەرى ءۇشىن قاجەت.
كوك ءشاي
كاتەحين مەن تيانين – كوك ءشاي قۇرامىنا كىرەتىن انتيوكسيدانتتار. بۇل زاتتار مي قىزمەتىن ىنتالاندىرادى، وي شوعىرلاندىرۋدى جاقسارتادى، ادامنىڭ سەرگەك بولۋىنا مۇمكىندىك بەرەدى.
قارا قاراقات
قارا قاراقاتتىڭ قۇرامىندا س دارۋمەنى بار. بۇل دارۋمەن بۇكىل اعزانى الدەندىرەدى جانە ميدا جاڭا نەيروندىق بايلانىستاردىڭ تۇزىلۋىنە كومەكتەسەدى. ەگەر ءسىز شىلىم شەگەتىن بولساڭىز، مىندەتتى تۇردە ءوزىڭىزدىڭ اس مازىرىڭىزگە س دارۋمەنىنىڭ قوسىمشا كوزدەرىن قوسىڭىز، ويتكەنى شىلىم شەككەن كەزىڭىزدە ول اياۋسىز بۇلىنەدى.
بايالدى (باكلاجان)
كىمنىڭ ويىنا كەلەر دەيسىڭ، الايدا بايالدى دا بۇل تىزىمدە بار! بۇل بايالدىدا وتە كوپ بولاتىن انتوسيانيندەردىڭ – انتيوكسيدانتتاردىڭ ارقاسىندا. ولار ءسىزدى سكلەروزدىڭ مەزگىلسىز ءورىس الۋىنان ساقتايدى.
ءتىپتى ەگدە جاستا دا اقىل-ويىڭىزدىڭ ايقىندىعىن ساقتاۋ ءۇشىن، ءوزىڭىزدىڭ تاعامدارىڭىزدى قازىردەن وزگەرتىڭىز! ناتيجە بايقالا باستاعان كەزدە، ءوزىڭىز دە تاڭعالاسىز – ميىڭىز الدەقايدا جاقسى جۇمىس جاساي باستايدى.
بۇل تاعامداردىڭ ميعا بەرەتىن ەنەرگياسى ءسىزدى وزگەرتەدى – ويلار كوبىرەك بولادى، جىلدام ويلايتىن بولاسىز، تەز وياناسىز جانە كۇنى بويى ءوزىڭىزدىڭ سەرگەكتىگىڭىزدى ساقتايسىز. ەستە ساقتاۋىڭىز جاقسارادى، تىڭ ويلار وتە وڭاي كەلەتىن بولادى! مىنە، وسىنىڭ ءبارى جەيتىن ازىعىمىزدى باقىلاۋعا الۋعا تۇرارلىق ەمەس پە؟
You Might Also Like
-
ماتەماتيكا — ءبىزدىڭ ومىرىمىزدە ۇنەمى كەزدەسىپ تۇراتىن عىلىم. بالالىق شاقتان باستاپ-اق ءسىز كوبەيتۋ كەستەسىمەن تانىساسىز جانە ونىمەن قارتايعان شاققا دەيىن بىرگە جۇرەسىز. وكىنىشكە وراي، ناقتى عى...
