ۇستازىم - مەنىڭ اقىلشىم
وڭتۇستىك قازاقستان وبلىسى
ماقتاارال اۋدانى
جەتىساي قالاسى
م.گوركيي اتىنداعى مەكتەپ-گيمنازياسىنىڭ
8 سىنىپ وقۋشىسى: يبادۋللا ايگەرىم بەكەجان قىزى
جەتەكشىسى: قر-نىڭ جاس اقىنى گۇلسانا تيلەۋبەكوۆا اناربەك قىزى
ۇستازىم - مەنىڭ اقىلشىم،
ءار ءسوزىڭ دانا اسىلسىڭ.
بىلىمگە قۇشتار جاستارعا،
شىن جاناشىر جاقىنسىڭ.
ۇستاز - ۇلى ەسىم. مەن وسىناۋ ءبىر ۇعىمدى شاكىرتتەرىنە عالامنىڭ قىر-سىرىن ۇعىندىرۋدا ءبىلىم نارىمەن سۋسىنداتىپ، تالىم-تاربيە بەرۋمەن قاتار، جاقسىلىق پەن ىزگىلىك قاسيەتتەردى بويىنا دارىتىپ، جان دۇنيەسىن رۋحاني ازىقتاندىرۋشى قاسيەتتى تۇلعا رەتىندە قابىلدايمىن. ءاربىر شاكىرت ۇستازى الدىندا قارىزدار. بۇل دەگەنىم - ەسەيىپ، ەر جەتكەندە العان ءبىلىمىڭدى ومىردە قولدانا ءبىلىپ، بىلىكتى مامان اتانۋ. ياعني، بيىك بەلەستەردى باعىندىرىپ، ەلىڭدى الەمگە تانىتۋ بولسا كەرەك-تى.
ايتۋلى وسىنداي جەڭىستەرگە جەتۋ ءۇشىن ايانباي ەڭبەك ەتىپ، ۇنەمى ىزدەنۋىڭ قاجەت. وسى تۇستا مەكتەپ كىتاپحاناسى – مەنىڭ نەگىزگى دوسىم دەسە دە بولادى. ۇنەمى قولىم بوساسا، ءتۇرلى ەرتەگى كىتاپتارىمەن قاتار، اقىن-جازۋشىلاردىڭ جىر شۋماقتارىن وقۋعا اسىقپىن. ماسەلەن، ا.قۇنانبايەۆتىڭ جىل مەزگىلدەرىنە ارنالعان جىر شۋماقتارى مەن قارا سوزدەرىن، ى. ءالتىنساريننىڭ «وسيەت ولەڭدەر»، «ونەر ءبىلىم بار جۇرتتار» م.ماقاتايەۆتىڭ
«ءۇش باقىتىم»، «قازىنام بار» ف.وڭعارسىنوۆانىڭ «اقىن»، «اق جايىق» تاعى باسقا ازۋلى اقىندار مەن قاتار جاس بۋىن وكىلدەرى: تىلەۋبەكوۆا گۇلسانانىڭ «ۇستازىم»، «اناشىم»، جامبىل دۇيسەنوۆتىڭ ، «دۇنيەگە ءسىز كەلگەن كۇن»، «پەرىشتە تىلەك» ت.ب تاقىرىپتارىنداعى ولەڭدەرىن ءسۇيىپ وقيمىن. ويتكەنى بۇل اقىنداردىڭ جىر شۋماقتارى جان دۇنيەمدى ەرىكسىز باۋراپ، كوڭىلگە قۋات-بويعا شابىت ۇيالاتادى. كىتاپ اقىلشى دوس، سىرلاس تا بولا بىلەدى. ال كىتاپپەن دوستاسۋعا باعىت-باعدار بەرگەن مەنىڭ اياۋلى ۇستازىم دەر ەدىم.
سونداي-اق، ءبىلىمىمدى شىڭداي وتىرىپ، بويىمداعى تاسىعان ونەر دارىنىندا العاش بايقاپ، قولداۋ كورسەتىپ، دەمەۋ بەرگەندە ءوزى بولاتىن. مەكتەپ قابىرعاسىنان باستاپ، اۋدان، وبلىس، رەسپۋبليكالىق دەڭگەيلەردە ءوز ونەرىمدى كورسەتىپ، ناتيجەلى جەتىستىكتەرگە جەتۋدەمىن.
مەنىڭ وتباسىم - اسىل قازىنام. ولاي دەۋىمنىڭ ءمانى بار. ۇيدەگى ءسوزى مارجان، اقىلى تۇنىق اتام مەن اجەم كوپتى كورىپ، كوڭىلگە تۇيگەن ويلارىمەن ۇنەمى ءبولىسىپ وتىرادى. بىردە ماعان: «قاراعىم، قاشان قاراساڭ دا قۇراق ۇشىپ، قالت ەتسە قول ۇشىن بەرۋگە دايار تۇراتىن ۇستازىڭدى سىيلاپ، ىزەت-قۇرمەت كورسەتۋدى ۇمىتپا. سەبەبى، ۇلى گۇلاما عالىمداردىڭ ءوزى ۇستازى الدىندا باسىن يگەن. ول سەنىڭ قازىنالى باعىڭ، جەمىسىن دەر كەزىندە جەي ءبىلۋ كەرەك. كەزى كەلگەندە ازىق قاتارى ءسوزسىز»؛ دەپ، ايتقان وسىناۋ ءبىر سالماقتى دا ساليقالى اقىل -كەڭەستەرىنە قۇلاق تۇرۋدەن شارشاعان ەمەسپىن. ال، ءبىلىمدى بولۋداعى العىرلىقتى، زەرەكتىك پەن قىراعلىقتى، اڭعارىمپازدىقتى بويىما جيىپ وسۋگە تىرىسامىن. ەل ەرتەڭىن اقتايتىن، ەل-جۇرتىم مەنى ماقتايتىن ۇرپاعى بولام قاشاندا دەپ ءوز ءسوزىمدى اياقتايمىن.
You Might Also Like
-
مىنا 10 ازىقتى راسيونعا قوسا وتىرىپ، ءوزىڭىزدىڭ ەستە ساقتاۋ، زەيىن سالۋ جانە وي جيناقتاۋ قابىلەتىڭىزدى جاقسارتىڭىز!
