InfoHub Logo

تاقىرىبى: «فيزيكا پاتشالىعىندا»
سىنىپتان تىس ساباقتىڭ ماقساتى:
1. وقۋشىلاردىڭ ءپان بويىنشا العان بىلىمدەرىن پىسىقتاپ، جۇيەلەۋ.
2. ءوز ويلارىن اشىق ايتقىزا وتىرىپ، پانگە دەگەن قىزىعۋشىلىعىن ارتتىرۋ.
3. شاپشاندىققا، ۇقىپتىلىققا، ءبىر – ءبىرىن سىلاي بىلۋگە تاربيەلەۋ.
ساباقتىڭ ءادىسى: سايىس ساباق
ساباق بارىسى:
جۇرگىزۋشى:
ۋا، حالايىق، حالايىق،
بارىنە جار سالايىق.
بۇگىنگى كۇن مەكتەپتە،
بىلىمدىلەر ەلىندە.
شابىت تاسىپ، شالقىسىن.
ەسەپپەن ءان سالىسىپ،
كوڭىلدى كەش جاسايىق.
بىلىممەن سايىسادى سايىسكەرلەر،
العا وزار ەڭ مىقتى وسى جولدا.
كوپشىلىك ونەردەرىن قىزىقتاماق،
سۇرايىق شىعۋلارىن جۇرت الدىنا.
سايىسىمىزدى اشىق دەپ جاريالايمىز.

جۇرگىزۋشى:
شىن جۇيرىك شابىسىنان تانىلادى،
ناقتى ءبىلىم، تەرەڭ وي سىنالادى.
شىن جۇيرىكتى تانيتىن شابىسىنان،
سايلايىق ءادىلقازى القاسىن!
سايىسىمىزدى باستاماس بۇرىن ءادىلقازى القاسىن سايلاپ الايىق.

جۇرگىزۋشى:
جاقسىلىق ادامداردىڭ تىلەگى ەكەن،
تىلەيتىن جاقسىلىقتى جۇرەگى ەكەن.
ءداستۇرلى قازاعىمنىڭ سارقىلماعان،
شارتتارىن سايىسكەرلەر بىلە مە ەكەن؟- دەي كەلە، سايىسىمىزدىڭ كەزەڭدەرىمەن تانىستىرىپ وتەيىن.
1. «بايگە»
2. «جۇيرىك بولساڭ، وزىپ كور».
3. «عاجايىپ ۇشتىك»
4. «جورعا».

قاراپ تۇرماي بايگەگە ەرىڭىز،
سايىسكەرگە ءادىل باعا بەرىڭىز.
جۇزدەن جۇيرىك اراسىنان شىعادى،
«بايگە» دەگەن ءبولىمدى ءبىر كورىڭىز.
بۇل بولىمدە سايىسكەرگە سۇراقتار قويىلادى. ءاربىر دۇرىس جاۋاپ 10 ۇپايمەن باعالانادى.

سۇراقتار: ءى توپ.
«فيزيكا» گرەك تىلىنەن اۋدارعاندا قانداي ماعىنا بىلدىرەدى؟
فيزيكانىڭ ءبىرىنشى اتاسى؟
ۋاقىتتى ولشەيتىن قۇرال؟
جولدىڭ فورمۋلاسى؟
سۇيىقتار مەن گازدارعا ارنالعان قىسىمدى ولشەيتىن قۇرال؟

ءىى توپ:
فيزيكانىڭ ەكىنشى اتاسى؟
الەمنىڭ 4 كەرەمەتى؟
قىسىمنىڭ فورمۋلاسى؟
كۇشتى ولشەيتىن قۇرال؟
ديففۋزيا دەگەنىمىز نە؟

جۇرگىزۋشى:
فيزيكا پاتشالىعى ءومىر سۇرگەن،
زاڭدارى سالىنىپتى دانا تىلمەن.
پاتشالىققا ساياحات جاساي ءجۇرىپ،
ءار ادام پاتشالىقتىڭ سىرىڭ بىلگەن.
- «جۇيرىك بولساڭ، وزىپ كور!» اتتى سايىسىمىزعا كەزەك بەرەمىز. بۇل كەزەڭدە سايىسكەرلەرگە ەسەپ بەرىلدى. ەسەپتى دۇرىس ءارى تەز شىعارۋلارى كەرەك. دۇرىس شىعارعان ەسەپ 20 ۇپايمەن باعالانادى.
ءبىلىم دەگەن – بيىك شىڭ،
باقىتقا سەنى جەتكىزەر.
ءبىلىم دەگەن – اقىلشىڭ،
قيىندىقتان وتكىزەر.
«عاجايىپ ۇشتىك» ءبولىمى. بۇل بولىمدە وقۋشىلارعا سۇراقتار قويىلادى. قاي ۇياشىقتاعى سۇراققا جاۋاپ بەرسە، سول ۇياشىقتىڭ سىرتىنداعى ۇپايدى يەلەنەدى.
20 20 20
30 30 30
40 40 40

بارىنشا جاۋاپ بەرىپ سۇراقتارعا،
كورسەتتى سايىسكەرلەر بىلىمدەرىن.
وسىمەن قورىتىندىسىن وسى كەزەڭنىڭ،
ءادىلقازى بەرسە دەيمىز

جۇرگىزۋشى:
ەڭ مىقتى قيىنى جارىستىڭ «جورعا» كەلدى،
مىقتىلارى سايىستىڭ جەڭسىڭ ەندى.
وسى ويىننىڭ كورەمىز ەرەن ەرلەرىن.
سايىسىمىزدىڭ سوڭعى كەزەڭى «جورعا» دەگەن.

جۇرگىزۋشى:
بۇل بولىمدە سايىسكەرلەرگە سۇراقتار قويىلادى. سۇراقتارعا 1 مينۋت ىشىندە دۇرىس ءارى شاپشاڭ جاۋاپ بەرۋلەرى كەرەك. ءاربىر دۇرىس جاۋاپ 1 ۇپايعا تەڭ.

جۇرگىزۋشى:
قيىندىق ءپاننىڭ، ءسىرا، بيىكتىگى،
وقۋشىنى تانىتار بىلىكتىگى.
فيزيكا سالاسىن قالاعاندار،
شىڭىنا جەتەر ىلعي جەڭىپ ءتۇبى.
2030 - دىڭ ءبىز بارىمىز،
بولاشاققا باستايدى ءار ءىسىمىز.
ەگەمەن ەلىمىزدى كوركەيتەتىن،
ءبىلىمدى بولۋ - ءبىزدىڭ ماقساتىمىز.
سايىس سوڭىندا جەڭىسكە جەتكەن توپقا ماقتاۋ قاعازى تابىس ەتىلەدى.