InfoHub Logo

جوعارى تەحنولوگيالار عاسىرىندا زاماناۋي تەلەفون نەمەسە نوۋتبۋكسىز ءومىر ءسۇرۋ قيىن، الايدا ەڭ تاماشا دەلىنگەن قۇرىلعىنىڭ دا كەمشىلىكتەرى بولادى: قۋاتى تەز تاۋسىلىپ قالادى.

زاماناۋي گادجەتتەر ۇزاق ءارى ءونىمدى جۇمىس ىستەۋى ءۇشىن ولاردى قالاي دۇرىس قۋاتتاۋ كەرەكتىگى جايلى بىرنەشە كەڭەس:

1. قۇرىلعىنى ءجيى قۋاتتاڭىز

باتارەياسى تولىق وتىرىپ قالۋىنا دەيىن جەتكىزبەڭىز. زاماناۋي گادجەتتەردە قولدانىلىپ جۇرگەن ليتيي-يوندىق اككۋمۋلياتورلاردا ەستە ساقتاۋ اسەرى دەپ اتالاتىن اسەر جوق، سوندىقتان ولاردى قۋاتى سونگەنشە ۇستاماي، ءجيى قۋاتتاپ وتىرۋ كەرەك.

كوپتەگەن وندىرۋشىلەر ليتيي-يوندىق اككۋمۋلياتوردىڭ جارامدىلىق مەرزىمىن قۋاتى قانشا رەت تولىقتاي وشكەنىنىڭ (0%-عا دەيىن) سيكلىمەن سانايدى. ساپالى اككۋمۋلياتورلار ءۇشىن بۇل 400-600 سيكل. ليتيي-يوندىق اككۋمۋلياتورىڭىز ۇزاق ۋاقىت بويى سىزگە قىزمەت ەتكەنىن قالاساڭىز تەلەفونىڭىزدى ءجيى قۋاتتاپ وتىرىڭىز. ەڭ دۇرىسى، باتارەيا قۋاتىنىڭ دەڭگەيى 10-20%-دان تومەندەسە تەلەفوندى قۋاتتاعىشقا قويۋعا بولادى. بۇل اككۋمۋلياتوردىڭ وتىرىپ قالۋ سيكلىن 1000-1100-گە دەيىن تومەندەتەدى.

2. قۇرىلعىنى قۋاتتاعىشتان ۋاقىتىندا الىڭىز

گادجەتىڭىز 50-80%-عا دەيىن قۋاتتالىپ وتىراتىن بولسا ۇزاعىراق قىزمەت ەتەتىن بولادى. ەگەر اككۋمۋلياتور 100%-عا دەيىن قۋاتتالسا، ونى ۋاقىتىندا توقتان العان ءجون، ويتكەنى بۇل فاكتور باتارەيانىڭ قىزمەت ەتۋ عۇمىرىنا اسەر ەتەدى. سوندىقتان قۇرىلعىنى ءتۇنى بويى قۋاتتالۋعا قالدىرماۋعا تىرىسۋ كەرەك.

3. 3 ايدا ءبىر رەت قۇرىلعىنى 100%-عا دەيىن قۋاتىن وتىرعىزىپ، قايتا قۋاتتاندىرۋ كەرەك.

نولگە دەيىن قۋاتىن وتىرعىزۋ سياقتى، ۇزاق ۋاقىت بويى تولىقتاي قۋاتتاندىرۋ دا ليتيي-يوندىق اككۋمۋلياتورلار ءۇشىن زيان. قۇرىلعىنى تۇراقسىز قۋاتتاندىرۋ پروسەسستەرىنەن (ءبىز كوبىنە تەلەفوندى قالاي بولسا سولاي قۋاتتاندىرامىز: كەيدە USB ارقىلى، روزەتكادان، سىرتقى اككۋمۋلياتوردان جانە ت.ب.) ماماندار 3 ايدا ءبىر رەت اككۋمۋلياتوردى تولىقتاي وتىرعىزىپ، قايتا 100%-عا دەيىن قۋاتتاندىرۋدى جانە سولاي قۋاتتاندىرعىشتا 8-12 ساعات ۇستاپ تۇرۋدى ۇسىنادى.

4. گادجەتتىڭ ءوزىنىڭ قۋاتتاعىش قۇرىلعىلارىن پايدالانىڭىز

كوپ جاعدايدا قۋاتتاعىش قۇرىلعى ءموبيلدى قۇرىلعىلارعا تىكەلەي ورنالاسقانىن، ال سىرتقى جەلىلىك اداپتەر كۇش ءتۇسۋدى جەڭىلدەتىپ، تۇرمىستىق ەلەكتروجەلىنىڭ توعىن تۇزەتەتىنىن، ياعني باتارەياعا تىكەلەي اسەر ەتپەيتىنىن بىرەۋ بىلسە، بىرەۋ بىلمەيدى.

كەيبىر گادجەتتەر، مىسالى ساندىق فوتوكامەرالار، ىشتەي ورناتىلعان قۋاتتاعىش قۇرىلعىدان ايىرىلعان، سوندىقتان ولاردىڭ ليتيي-يوندىق اككۋمۋلياتورلارىن سىرتقى قۋاتتاعىشقا ورنالاستىرادى. ءدال وسى جاعدايدا ساپاسىز قۋاتتاعىشتى پايدالانۋ باتارەيانىڭ ەڭبەككە قابىلەتتىلىگىنە كەرى اسەر ەتۋى مۇمكىن.

5. قاتتى قىزدىرماۋعا تىرىسىڭىز

ليتيي-يوندىق اككۋمۋلياتورلاردىڭ باستى جاۋى جوعارى تەمپەراتۋرا: قاتتى قىزۋعا ءتوزىمسىز. سوندىقتان ءموبيلدى قۇرىلعىلارعا كۇن ساۋلەسىنىڭ تىكەلەي تۇسۋىنە جول بەرمەڭىز، سونىمەن قاتار جىلۋ قۇبىرلارىنىڭ جانىنا تاستاماڭىز. ليتيي-يوندىق اككۋمۋلياتورلاردى پايدالانۋعا بولاتىن تەمپەراتۋرا مولشەرى — 40 °C-تان + 50 °C-قا دەيىن.
 

---