InfoHub Logo

بۇگىنگى تاڭدا ەلوردالىق جالپى ءبىلىم بەرۋ مەكتەپتەرىندە 117 097 بالا وقىپ ءجۇر، سونىڭ ىشىندە 113 376 بالا مەمەلەكەتتىك مەكتەپتە ءبىلىم الادى،- دەپ حابارلادى www.astana.gov.kz

جالپى، ءبىلىم بەرەتىن مەكتەپتەر سانى جىل سايىن ارتىپ وتىرادى. 2014 جىلى استانادا 88 مەكتەپ بولسا، 2015 جىلى ولاردىڭ سانى 94 جەتتى. 2014 جىلى وقۋشىلار سانى 105 966 بولدى، سونىڭ ىشىندە 102 687 بالا مەملەكەتتىك مەكتەپتە وقيدى.

83 مەملەكەتتىك مەكتەپتىڭ 73 994 وقۋشىنى قامتيتىن 54ء-ى جاڭا تيپپەن (ليسەيلەر، گيمنازيالار) سالىنعان. قازاق تىلىندە وقىتاتىن مەكتەپتەر سانى وتكەن جىلمەن سالىستىرعاندا 4 بىرلىككە ارتتى. 2015 جىلى 7200 ورىندىق 6 مەكتەپ (№ 77، 79، 80، 81، 82، 83) پايدالانۋعا بەرىلدى، سونىڭ ىشىندە № 81 جانە 82 - مامانداندىرىلعان مەكتەپتەر. Astana English School № 81 گيمنازيا - گۋمانيتارلىق باعىتتا قازاق جانە اعىلشىن تىلدەرىندە ءبىلىم بەرەتىن دارىندى بالالارعا ارنالعان مەكتەپ. № 82 «دارىن» مامانداندىرىلعان ليسەيى فيزيكا، ماتەماتيكا، ەكونوميكا، ينفورماتيكا، حيميا، بيولوگيا پاندەرىنەن جاراتىلىستانۋ-ماتەماتيكا باعىتىندا قازاق تىلىندە وقىتادى.

جاڭا مەكتەپتەردى پايدالانۋعا بەرۋ ەسەبىنەن جانە ەكى اۋىسىمدىق وقۋدى ەسكەرسەك، 2015-2016 وقۋ جىلىندا وقۋ ورىندارىنىڭ تاپشىلىعى جوق، ءبىراق 10 مەكتەپتە (№ 1، 7، 22، 32، 37، 53، 54، 60، 64، 66) تىعىزدىق ساقتالۋدا.

بۇدان باسقا، اعىلشىن تىلىندە جاراتىلىستانۋ-ماتەماتيكا سيكلىندەگى پاندەردى وقىتۋ بەلسەندى تۇردە ەنگىزىلىپ جاتىر. ەگەر 2014 جىلى وسى باعىتتار بويىنشا 18 ءمۇعالىم ساباق بەرسە، 2015 جىلى ولاردىڭ سانى 32 قۇرادى.

قازىرگى كەزدە ەلوردالىق مەكتەپتەردە ءبىلىم بەرۋ ساپاسىن ارتتىرۋ بويىنشا جوسپارلى جۇمىستار جۇرگىزىلۋدە. 2015 جىلى ۇبت قورىتىندىسى بويىنشا استانا رەسپۋبليكا بويىنشا ءبىرىنشى ورىنعا تۇراقتادى. 399 ەلوردالىق وقۋشى حالىقارالىق وليمپيادالارعا جانە عىلىمي جارىستارعا قاتىسىپ، 238 مەدال الدى، ال 2014 جىلى جۇلدەلى ورىندار سانى 148 بولدى.

قازاقستان رەسپۋبليكاسىندا ءبىلىم بەرۋدى دامىتۋدىڭ 2011-2020 جىلدارعا ارنالعان مەملەكەتتىك باعدارلاماسىن ىسكە اسىرۋ جونىندەگى قازاقستان رەسپۋبليكاسى ۇكىمەتىنىڭ 2011 جىلعى 11 اقپانداعى №130 قاۋلىسىنا سايكەس، استانا قالاسىنىڭ جالپى ءبىلىم بەرەتىن ءبىلىم بەرۋ ۇيىمدارىنىڭ بارلىق وقۋشىلارى جەرگىلىكتى بيۋدجەت ەسەبىنەن وقۋلىقتاردى قايتا باسىپ شىعارۋ كەستەسىنە سايكەس جىل سايىن كەزەڭ-كەزەڭىمەن 100% ساتىپ الۋ جولىمەن تەگىن وقۋلىقتارمەن جانە وقۋ-ادىستەمەلىك قۇرالدارمەن قامتاماسىز ەتىلەدى. وقۋلىقتار ءتورت جىلدا ءبىر رەت شىعارىلادى. استانا قالاسىنىڭ ءبىلىم بەرۋ ۇيىمدارى ينتەرنەتكە 100 پايىز قوسىلعان. وقۋ ورىندارى قاجەتتىلىگىنە قاراي جاڭا بۋىنداعى كومپيۋتەرلەرمەن جابدىقتالۋدا. 2015 جىلى قالالىق مەكتەپتەرگە 9193 دك ساتىپ الىندى.

2016 جىلى ورتا ءبىلىم بەرۋ سالاسىندا اقپاراتتىق-كوممۋنيكاسيالىق تەحنولوگيالاردى پايدالانۋ بويىنشا جۇمىستاردى جالعاستىرۋ ءۇشىن 15 مەكتەپتە 7 سىنىپتا اعىلشىن ءتىلى پانىندە Apple Lab Astana باعدارلاماسى ەنگىزىلەدى، سونىمەن قاتار 42 مەكتەپتە «بيوينفورماتيكا جانە سينەرگەتيكا» ساپانى باقىلاۋ تەحنولوگياسى بويىنشا جۇمىستار جالعاسادى.

---