عالىمدار العاش رەت قول پروتەزىن ادام جۇيكەسىنە تىكەلەي جالعادى
شۆەد عالىمدارى قول پروتەزىن ءبىر ايەلدىڭ جۇيكەسىنە تىكەلەي جالعاپ، وعان ءوز ساناسى ارقىلى ساۋساقتارىن قوزعاۋعا ءتىپتى تاكتيلدىك سەزىمگە بولەنۋىنە مۇمكىندىك بەردى. بۇل تەرى سىرتىندا ورنالاساتىن ەلەكترودتارعا سۇيەنەتىن قولدانىستاعى پروتەزدەرمەن سالىستىرعاندا العا جاسالعان ۇلكەن قادام.
چالمەرس (گوتەبورگ، شۆەسيا) تەحنولوگيالىق ۋنيۆەرسيتەتىنىڭ جانە Integrum AB بيوتەحنولوگيالىق فيرماسىنىڭ زەرتتەۋشىلەرى DeTOP اياق-قولدى پروتەزدەۋ جونىندەگى ماڭىزدى ەۋروپالىق زەرتتەۋ باعدارلاماسى اياسىندا پروتەز قولدى جاساپ شىعاردى. وتاشىلار تيتان يمپلانتاتتار ارقىلى ايەلدىڭ بىلەگىنىڭ ەكى سۇيەگىنە (بىلەك سۇيەك جانە شىنتاق سۇيەك) پروتەزدى بەكىتىپ جالعاپ، 16 ەلەكترودتى ونىڭ جۇيكەسى مەن بۇلشىق ەتىنە جالعادى. بۇل وعان ويى ارقىلى قولىن باقىلاۋىندا ۇستاپ، باۋ بايلاۋعا، پەرنەتاقتادا ءماتىندى تەرۋگە پايدالانۋعا مۇمكىندىك بەردى. بۇل ناقتى ومىردە پايدالانۋعا جارامدى كلينيكالىق تۇرعىدا ومىرشەڭ، يكەمدى جانە سەزىمتال قول پروتەزى.
© Chalmers | Biomechatronics and Neurorehabilitation Laboratory
«ءبىزدىڭ تەحنولوگيامىزدىڭ وزىقتىعى سول، پاسيەنتتەرگە، كۇندەلىكتى ومىردە ماڭىزدى بولاتىن سەزىمدەرگە بولەنە وتىرىپ، يمپلانتتالعان جۇيكە-بۇلشىق ەت ينتەرفەيستەرىن ءوز پروتەزىن باسقارۋ ءۇشىن پايدالانۋ مۇمكىندىگىن بەرە الادى»، — دەيدى چالمەرس ۋنيۆەرسيتەتىنىڭ قىزمەتكەرى ورتيس كاتالان (Ortiz Catalan).
ادامنىڭ جۇيكە جۇيەسىنە جالعانعان ەلەكترونيكا تەحنولوگيامەن ءوزارا ارەكەتتەستىكتىڭ جاڭا تاسىلدەرىن تۇزۋگە مۇمكىندىك بەرەدى. شۆەد عالىمدارى شىعارعان ۆيدەوروليكتە ايەل كومپيۋتەر ەكرانىنداعى ۆيرتۋالدى قولدى ارى-بەرى قوزعاۋعا يمپلانتاتتى پايدالانىپ وتىرعانى كورىنىپ تۇر (فيزيكالىق پروتەز قولىنا جالعانعاننان الدىن).
كادىمگى قول پروتەزدەرى، ادام قولىنىڭ تومەنگى بۇلشىق ەتتەرىنەن باقىلاۋ سيگنالدارىن الۋ ءۇشىن، تەرى سىرتىنا ورنالاستىرىلاتىن ەلەكترودتارعا يەك ارتادى. بۇل سىرتقى ەلەكترودتار بىر-ەكى تۇرپايى قوزعالىستى، مىسالى ساۋساقتاردى جۇدىرىق ەتىپ ءتۇيۋدى، باقىلاۋعا مۇمكىندىك بەرەتىن شەكتەۋلى ءارى سەنىمسىز سيگنالدار بەرەدى.
© Chalmers | Biomechatronics and Neurorehabilitation Laboratory
زاماناۋي قول پروتەزدەرىنىڭ، سونداي-اق، سەنسورلىق كەرى بايلانىسى دا شەكتەۋلى. ولار تاكتيلدىك جانە كينەستەتيكالىق سەزىمدەردى قامتاماسىز ەتە المايدى، سوندىقتان، ادام ول پروتەزدەردى پايدالانعاندا تەك كورۋ قابىلەتىنە عانا سەنە الاتىن: مىسالى، ولاردى تاعىپ جۇرگەندەر وبەكتتى قانشالىقتى قاتتى قىسىپ تۇرعانىن ايتا المايدى. بۇرىن قولدىڭ ايىرىلىپ قالعان بيولوگيالىق «قاداعالارىمەن» بايلانىستى بولعان ەلەكترودتاردى جۇيكەگە ەندىرۋ ارقىلى زەرتتەۋشىلەر وسى جۇيكەلەردى ەلەكتر قۋاتى ارقىلى جانداندىرا الادى. بۇل پاسيەنتتىڭ پروتەزدە پايدا بولاتىن سەزىمدەردى سەزىنە الۋىنا الىپ كەلەدى.
جاڭا ونەرتابىس روبوتتالعان قۇرىلعىلار ءبىزدىڭ تانىمىزبەن وپ-وڭاي ارەكەتتەسە الاتىن بولاشىقتىڭ جارشىسى بولىپ وتىر. جىلدار بويى بۇنداي پروتەزدەر عىلىمي-فانتاستيكالىق شىعارمالاردا مۇمكىن بولىپ كەلدى، الايدا، تەحنولوگيالار ازىرگە كوپشىلىككە قولجەتىمدى بولماسا دا، بۇل زەرتتەمە سول شىعارمالارداعى بولاشاقتىڭ كەلىپ جەتكەنىن كورسەتىپ وتىر.
You Might Also Like
-
استانا اكىمدىگى مۇعالىمدەرگە 1000 تۇرعىن ءۇي كۋالىگىن بەرۋدى كوزدەيدى. ءاربىر كۋالىكتىڭ مولشەرى - 1 ميلليون تەڭگە. ونى باسپانانىڭ العاشقى جارناسى رەتىندە پايدالانۋ قاجەت.
-
«قىرىققا كەلدىم. قۋ تىزەمدى قۇشاقتاپ ءالى ءجۇرمىن. سىرىقتاي بولعان بويىما، العا ۇمسىنعان كەۋدەمە، دوپ-دوڭگەلەك بوكسەمە، قىسقاسى، وزىمە-وزىم ريزا بوپ ءومىر ءسۇرىپ، ءتورتىنشى وندىقتىڭ ەسىگىن قاعىپ، ...
