عالىمدارعا عىلىمي اتاعى ءۇشىن قانشا ۇستەمەاقى تولەنەدى
عىلىم جانە جوعارى ءبىلىم مينيسترلىگى عالىمدارعا عىلىمي اتاقتارى ءۇشىن قانشا ۇستەمەاقى تولەنەتىندىگىن جاريا ەتتى.
ۆەدومستۆو مالىمەتىنە سايكەس، عىلىمي ۇيىمداردىڭ قىزمەتكەرلەرى مەن عالىمدارىنىڭ لاۋازىمدىق جالاقىسىن جىل سايىن ارتتىرۋ كوزدەلگەن. ماسەلەن، 2023 جىلدىڭ 1 قاڭتارىندا عىلىمي ۇيىمدار قىزمەتكەرلەرىنىڭ لاۋازىمدىق جالاقىسى 18 پايىز ارتتى. مۇنان بولەك، 2024 جىلدىڭ 1 قاڭتارىنان تاعى 18 پايىزعا، ال 2025 جىلدىڭ 1 قاڭتارىنان 17 پايىزعا كوبەيەتىن بولادى.
«سونىمەن قاتار، «قازاقستان رەسپۋبليكاسىنىڭ عىلىم ماسەلەلەرى جونىندەگى كەيبىر زاڭنامالىق اكتىلەرىنە وزگەرتۋلەر مەن تولىقتىرۋلار ەنگىزۋ تۋرالى» زاڭ جوباسىندا كوزدەلگەن نورما اياسىندا عىلىمي اتاعى بار عىلىمي قىزمەتكەرلەرگە ۇستەمەاقى مولشەرىن ارتتىرۋ كوزدەلگەن. 2023 جىلدىڭ 18 ساۋىرىندە وتكەن رەسپۋبليكالىق بيۋدجەتتىك كوميسسيانىڭ شەشىمىمەن قوسىمشا قاراجات ماقۇلداندى»، - دەپ اتاپ وتەدى مينيسترلىك اگەنتتىكتىڭ رەسمي ساۋالىنا وراي.
سونىمەن، وسى جىلدان باستاپ عىلىمي اتاق بولعان كەزدە مىناداي مولشەردە ۇستەماقى بەلگىلەۋ كوزدەلىپ وتىر:
عىلىم كانديداتى، فيلوسوفيا دوكتورى جانە بەيىنى بويىنشا دوكتور عىلىمي دارەجەسى بار قاۋىمداستىرىلعان پروفەسسور ءۇشىن 25 ەسەلەنگەن اەك (بۇرىن 17 اەك)؛
عىلىم دوكتورى عىلىمي دارەجەسى بار قاۋىمداستىرىلعان پروفەسسور ءۇشىن 42 ەسەلەنگەن اەك (بۇرىن 34 اەك)؛
عىلىم كانديداتى، فيلوسوفيا دوكتورى، بەيىنى بويىنشا دوكتور، عىلىم دوكتورى عىلىمي دارەجەسى بار پروفەسسور ءۇشىن 50 ەسەلەنگەن اەك (بۇرىن 17 اەك).
You Might Also Like
-
ۇلى ءجۇزدىڭ شانىشقىلى رۋىندا بەردىقوجا دەگەن باتىر بولادى. ول ءوزىنىڭ جالعىز ۇلىنا تاۋاساردىڭ بالاسى (تاۋاسار — وتەعۇلدىڭ ءىنىسى وتەپتىڭ بالاسى) مالدىباي ءبيدىڭ قىزىن الىپ بەرۋ نيەتىمەن مالدىباي ...
-
1-سىنىپقا قۇجاتتاردى 1 ساۋىردەن 1 تامىزعا دەيىن عانا قابىلداۋ نورماسى جويىلماق. بۇل جايىندا ءماجىلىس دەپۋتاتتارىنىڭ ساۋالىنا وقۋ-اعارتۋ ۆيسە-مينيسترى ەدىل وسپانوۆتىڭ جاۋابىندا ايتىلعان.
