InfoHub Logo

1-سىنىپقا قۇجاتتاردى 1 ساۋىردەن 1 تامىزعا دەيىن عانا قابىلداۋ نورماسى جويىلماق. بۇل جايىندا ءماجىلىس دەپۋتاتتارىنىڭ ساۋالىنا وقۋ-اعارتۋ ۆيسە-مينيسترى ەدىل وسپانوۆتىڭ جاۋابىندا ايتىلعان.

«باستاۋىش، نەگىزگى ورتا جانە جالپى ورتا ءبىلىم بەرۋدىڭ جالپى ءبىلىم بەرەتىن وقۋ باعدارلامالارىن ىسكە اسىراتىن ءبىلىم بەرۋ ۇيىمدارىنا وقۋعا قابىلداۋدىڭ ۇلگىلىك قاعيدالارىن بەكىتۋ تۋرالى» ءبىلىم جانە عىلىم ءمينيسترىنىڭ 2018 جىلعى 12 قازانداعى № 564 بۇيرىعىنا سايكەس، 1-سىنىپقا قۇجاتتاردى قابىلداۋ 1 ساۋىردەن 1 تامىزعا دەيىن جۇزەگە اسىرىلادى. بۇل نورما كۆوتانى ۋاقىتىلى ورنالاستىرۋدى جانە سىنىپ جيىنتىقتارىن قالىپتاستىرۋدى جۇزەگە اسىرۋعا مۇمكىندىك بەرەتىن ءبىلىم بەرۋ ۇيىمىنىڭ بيۋدجەتىن ءتيىمدى ءبولۋدى قامتاماسىز ەتۋ، سونداي-اق سىنىپ جيىنتىقتارىنىڭ تولىپ كەتۋىنە جول بەرمەۋ ماقساتىندا ەنگىزىلدى»، - دەپ اتاپ ءوتتى ۆيسە-مينيستر.

ونىڭ ايتۋىنشا، بۇيرىققا سايكەس باستاۋىش، نەگىزگى ورتا، جالپى ورتا ءبىلىم بەرۋ ۇيىمدارى اراسىندا بالالاردى اۋىستىرۋ ءۇشىن قۇجات قابىلداۋ كانيكۋل كەزەڭىندە (سوت شەشىمىن قوسپاعاندا، باسقا ەلدى مەكەنگە كوشۋ، قازاقستان رەسپۋبليكاسىنان تىس جەرلەرگە تۇراقتى تۇرۋعا كەتۋ) جۇزەگە اسىرىلادى. بۇل نورما وقۋشىنىڭ وقۋ ساباقتاستىعىن جانە توقساندى ءساتتى اياقتاۋىن قامتاماسىز ەتۋ ءۇشىن ەنگىزىلگەن.

«قازىرگى ۋاقىتتا سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگىمەن بىرلەسىپ، «ءىnvisible government» جوباسى اياسىندا مەكتەپكە قابىلداۋدىڭ ومىرلىك جاعدايىن ىسكە اسىرۋ جونىندەگى ءىس-شارالار جوسپارى ازىرلەندى. ۆەدومستۆوارالىق جۇمىس توبى قۇرىلدى. وسىعان بايلانىستى، مينيسترلىك «باستاۋىش، نەگىزگى ورتا جانە جالپى ورتا ءبىلىم بەرۋدىڭ جالپى ءبىلىم بەرەتىن وقۋ باعدارلامالارىن ىسكە اسىراتىن ءبىلىم بەرۋ ۇيىمدارىنا وقۋعا قابىلداۋدىڭ ۇلگىلىك قاعيدالارىن بەكىتۋ تۋرالى» ءبىلىم جانە عىلىم ءمينيسترىنىڭ 2018 جىلعى 12 قازانداعى № 564 بۇيرىعىنا وزگەرىس ەنگىزۋ ماسەلەسىن قارايدى. ونىڭ اياسىندا سىزدەردىڭ ۇسىنىستارىڭىز قارالاتىن بولادى. ونىڭ ىشىندە باستاۋىش، نەگىزگى ورتا، جالپى ورتا ءبىلىم بەرۋ ۇيىمدارى اراسىندا ءبىلىم الۋشىلاردى ءبىر ءبىلىم بەرۋ ۇيىمىنان ەكىنشى ءبىلىم بەرۋ ۇيىمىنا كانيكۋلدان تىس ۋاقىتىندا اۋىستىرۋ بولىگىندە وزگەرىستەر ەنگىزىلەتىن بولادى»، - دەدى ەدىل وسپانوۆ.

---