«گارري پوتتەر جانە فيلوسوفيالىق تاس» فيلمىنە رەسەنزيا
«گارري پوتتەر جانە فيلوسوفيالىق تاس» ءفيلمى بىزگە بالا كەزدەگى ارماندارىمىزدى ، جاقسىلىق ءارقاشان زۇلىمدىقتى جەڭەتىنىن، دوستىق كوپتەگەن دۇنيەدەن جوعارى تۇراتىنىن جانە ادام ەشقاشان وزىنە دەگەن سەنىمدىلىگىن جوعالتپاۋى كەرەكتىگىن كورسەتەدى.
فيلم سيۋجەتىنە زەر سالار بولساق، فيلم ناعاشىلارىنىڭ قولىندا ءوزىنىڭ شىنايى شىعۋ تەگىن بىلمەيتىن جەتىم بالانىڭ سيقىرشى ەكەنىن تەك 11ء-شى تۋعان كۇنىندە بىلگەندىگىن باياندايدى . ال گارريدىڭ بالالىق شاعى وتكەن الەم مۇلدەم وزىنە تيەسىلى ەمەس ەدى. ەندى ول حوگۆارتس دەپ اتالاتىن مەكەننىڭ ەڭ جوعارى سيقىرشىلىق مەكتەبىنە بارۋى كەرەك بولادى. ول ءوزى سياقتى سيقىرشىلاردىڭ اراسىندا ءومىر سۇرەتىن جەردە، جاقىن دوستار تابادى جانە باتىل بولۋدى ۇيرەنەدى ، ءتىپتى اتا-اناسىنىڭ ءولىمىنىڭ ۇلكەن قۇپياسىن اشادى.
ول وسى مەكتەپتە ۇلكەن جەتىستىكتەرگە قول جەتكىزىپ، ءوز ەسىمىن ەرەكشە الەمدە تانىتا باستايدى.سونداي-اق ، بۇل فيلمدە ايتا كەتەتىنى كورەرمەن قۇلاعىنىڭ قۇرىشىن قاندىرعان ەرەكشە ساۋندترەك ناعىز اسەر سىيلاپ، ايرىقشا كۇيگە بولەيدى. قاراما-قارسى الەم بەينەسىن تۇسىرىلىمدە كورسەتۋدە دەكوراسيالار مەن تاڭعالدىرارلىق پەيزاجداردىڭ، ءتۇرلى ەففەكتپەن كورنەكتەلگەن كارتينالاردىڭ جانە فيلمدە ۇلكەن ءرول ويناعان ناعىز سىپىرتقىلاردىڭ ماڭىزى زور بولدى.
ءبارىمىز بىلەتىندەي، كەز كەلگەن ءفيلمنىڭ جوعارى دەڭگەيدە تانىلۋىنا سەبەپ بۇل - اكتەرلىق قۇرامنىڭ سيۋجەتكە ساي تاڭدالۋى. ياعني، ءفيلمنىڭ باستى تارتىمدىلىعى-اكتەرلىق قۇرامدى تاڭداۋ. «گارري پوتتەر جانە فيلوسوفيالىق تاس» ءفيلمىنىڭ باستى كەيىپكەرلەرى: دەنيەل رەدكليفف، ەمما ۋوتسون جانە رۋپەرت گرينت . بۇل فيلمدەگى اكتەرلىق قۇرام وزدەرىنە بەرىلگەن ءرولدى ويداعىدان دا جوعارى دارەجەدە الىپ شىقتى. ولاردىڭ ءوز رولدەرىنە دەگەن ماحابباتى ءفيلمدى الەم دەڭگەيىندە تانىمال ەتتى دەسەك تە بولادى .
تۋىندىنىڭ ءاربىر سوزىندە جاتقان ءمان-ماعىنا ەكرانعا مىزعىماس دالدىكپەن جەتكىزىلەدى. مۇنداعى اتموسفەرا كورەرمەنىن فيلمدەگى بولىپ جاتقان بارلىق سيقىردى سەزىنۋگە شاقىرادى. سويلەيتىن سۋرەتتەر ، وزدىگىنەن جوعارى كوتەرىلەتىن باسپالداقتارى مەن جوعالعان بولمەلەر ەرتەگىنى ەسكە تۇسىرگەنىمەن، قيالعا قانات سەرمەتىپ، سىزگە بار ماسەلەڭىزدى ۇمىتىپ، تەك وسى سيۋجەتكە بەرىلۋگە مۇمكىندىك جاسايدى.152 مينۋتقا سوزىلعان بۇل فيلم وتباسىڭىزبەن بىرگە تاماشالاۋعا ارنالعان ەڭ جاقسى تاڭداۋ بولىپ سانالادى.
You Might Also Like
-
تاۋەلسىزدىك العالى كوپتەگەن قيىندىقتى باستان كەشتىك، قيىنشىلىقتىڭ ءبارىن ارتقا تاستاپ وسى بۇگىنگى كۇنىمىزگە جەتتىك دەگەنمەن 2022 جىل بىزگە قۋانىشپەن كەلگەن جوق. وسى جىل قازاق جەرىنە دۇربەلەڭمەن كەلد...
-
اقان ساتايەۆ فيلم سيۋجەتىنىڭ نەگىزى رەتىندە بىرنەشە كۇردەلى تاريحي كەزەڭدەردى قولدانا وتىرىپ، قازاقستان حالقىنىڭ بۇرىنعى ءومىر ءسۇرۋىڭ كورەرمەندەرگە باياندايدى. بۇل ءداۋىر ۇجىمداستىرۋدى، حالىققا قايعى ءا...
