حاتيكو: ەڭ ادال دوس
«حاتيكو: ەڭ ادال دوس» (اعىلش. Hachiko: A Dog's Story) — توعىز جىل بويى قايتىس بولعان قوجايىنىن كۇندەلىكتى ءبىر ۋاقىتتا كەلىپ، ستانسيا ماڭىندا كۇتىپ جۇرگەن جاپوندىق اكيتا-ينۋ تۇقىمىنىڭ ءيتى حاتيكونىڭ ناقتى ومىرىنە نەگىزدەپ تۇسىرىلگەن لاسسە ءحاللستروم كوركەم ءفيلمى. بۇل فيلم 1987 جىلى تۇسىرىلگەن جاپون ءفيلمىنىڭ رەمەيكى بولىپ سانالادى. ءفيلمنىڭ سەنارييىن جازعان ستيۆەن ۋەين ليندسي. باستى رولدەردە: ريچارد گير، دجوان اللەن جانە سارا رەمەر. ءفيلمنىڭ تۇساۋكەسەرى 2009 جىلدىڭ سەگىزىنشى تامىزىندا جاپونيادا ءوتتى.
سۋرەتتە الەمگە ايگىلى يت حاتيكو. ادامداردىڭ ادال دوسىنا اينالعان بۇل يت 1923 جىلدىڭ قاراشا ايىندا دۇنيەگە كەلگەن. تۋىلعاننان كەيىن ونى توكيو ۋنيۆەرسيتەتىنىڭ پروفەسسورىنا سىيعا بەرگەن. ال ەندى مىنا اڭگىمەگە نازار اۋدارىڭىزدار. ەگەسى ءار تاڭ سايىن جۇمىسقا كەتەتىن بولعان. حاتيكو ءوز ەگەسىن سيبۋيا بەكەتىنە دەيىن شىعارىپ سالىپ جۇرگەن. ساعات 15:00-دە اتالعان بەكەتتە ەگەسىن كۇتىپ الادى ەكەن. ارادا ءبىر جىل وتسە دە يت ءوز ەگەسىن كۇتپەگەن كۇنى بولماعان. الايدا 1925 جىلدىڭ مامىر ايىندا حيدەسابۋرو ۋەنو جۇرەك تالماسىنان كوز جۇمادى. سول كۇنى حاتيكو ەگەسىن كوپ كۇتەدى، الايدا ەگەسى ورالمايدى. تۋىسقاندارى ءيتتى تاستاماي، ۋاقىتىندا تاماقتاندىرىپ وتىرعان. حاتيكو سوندا دا ەگەسىن كۇتۋدى توقتاتپاي، كۇندەلىكتى ۋاقىتىندا بەكەتكە باراتىن بولعان. ءيتتى سول جەردەگى تەمىرجول جۇمىسشىلارى، ساتۋشىلار بىلگەن. بۇل ادال دوس تۋرالى 7 جىلدان سوڭ 1932 جىلى گازەت بەتتەرىندە ماقالا جارىق كوردى. يت ءومىرىنىڭ سوڭىنا دەيىن حيدەسابۋرو ۋەنونى كۇتكەن. وسىلاي 1934 جىلى ولگەن. سول جىلى تۇرعىندار حاتيكوعا ارناپ ەسكەرتكىش ورناتتى. الايدا سوعىس كەزىندە ەسكەرتكىش قيراپ قالىپ، سوعىستان كەيىن قايتا تۇرعىزىلعان.
مىنەكەي وسىنداي كەرەمەت وقيعا ءالى كۇنگە دەيىن ادامداردىڭ جۇرەگىن ەلجىرەتەدى. حاتيكو ءتىپتى بۇكىل ادام بالاسىندا بولا بەرمەيتىن قاسيەتكە يە بولدى. ونىڭ شىدامدىلىعى،تاباندىلىعى مەن جۇرەگىنىڭ ادالدىعى ءبىز ءۇشىن ۇلگى بولا ءبىلدى. بۇل فيلمدە مەن ناعىز دوستىقتى سەزىنە ءبىلدىم. مەنىڭ ويىمشا، قازىرگى تاڭدا بۇل فيلم جاستارعا ۇلگى بولارى انىق.
تولعاناي ءابجاپار
You Might Also Like
-
تيتانيك — 1997 جىلى رەجيسسەر دجەيمس كەمەرون تۇسىرگەن، اتى اڭىزعا اينالعان تيتانيك لاينەرىنىڭ سۋعا باتۋىن بەينەلەيتىن امەريكاندىق اپاتتى فيلم. ءارتۇرلى الەۋمەتتىك توپتاردىڭ وكىلدەرى بولا وتىرى...
-
فيلوسوفيانىڭ تاريحى ادامنىڭ ءمانى جايىنداعى تۇرلىشە وي-پىكىرگە تولى. وسى تۇرعىدان العاندا، ادام پروبلەماسى مەن فيلوسوفيا عىلىمى تەتەلەس. ەڭ الدىمەن «ادام دەگەن نە؟» - دەگەن سۇراققا جاۋاپ...
