عاشىعىما ارنالعان قۇتتىقتاۋ، تىلەكتەر
عاشىق ەتەر قوس جاندى سەزىم دەيدى، جۇرەگىم الىپ-ۇشىپ سەنى ىزدەيدى.
*** *** *** ***
ماحابباتىڭ جەبەسى جۇرەگىمە قادالدى، ءومىرىمنىڭ بار ءمانى سول سەزىمنەن ءنار الدى.
*** *** *** ***
جۇرەگىمدە جازۋلى تۇر ەسىمىڭ، ەندى ءوزىڭ ايت، سۇيگەن ساۋلەم، شەشىمىن.
*** *** *** ***
عاشىقپىن مەن، شىن عاشىقپىن وزىڭە، سەنشى ساۋلەم، جۇرەكجاردى سوزىمە.
*** *** *** ***
تەك ءوزىڭسىڭ سىرلارىم دا اقىلشىم،
وزگە ارۋدان جۇرەگىمە جاقىنسىڭ.
ءبىر سەن ءۇشىن اتتانامىن بەل بۋىپ،
مەيلى قانداي قيىن ساپار شاقىرسىن.
ساعان توگەم جۇرەگىمنىڭ جىلۋىن،
سەنسىز ماعان ءومىر، شاتتىق-تۇل ۇعىم.
مەن قاي جاققا اتتانبايىن ءبارى ءبىر
كۇتىپ تۇرار سەنىڭ تابالدىرىعىڭ.
*** *** *** ***
مەنى، ءبىر ساعاتتا 60 مينۋت، ال ءبىر مينۋتتا — 60 سەكۋند بار دەپ ۇيرەتتى. ءبىراق سەنسىز وتكىزگەن ءبىر سەكۋند — تۇڭعيىق ەكەنىن ەشكىم ۇيرەتپەپتى.
*** *** *** ***
مەنىڭ كوزدەرىم جۇرەگىمە قىزعانشاقتىقپەن قارايدى. بىلەسىڭ بە، نەگە؟! ويتكەنى، سەن مەنىڭ كوزدەرىمنەن الىس بولساڭ دا ءاردايىم مەنىڭ جۇرەگىمدەسىڭ!
*** *** *** ***
بۇيىعى تارتقان قالپىم بار،
بولعان سوڭ ساعان شىن عاشىق.
سەن باردا – جانىم جارقىلدار،
جوق بولساڭ – قالار مۇڭ باسىپ.
سۇراما ونىڭ سەبەبىڭ،
سىرى بار جۇمباق، استارلى.
جارقىراپ تۇرار ادەمى،
جۇلدىزى سەنسىڭ اسپاننىڭ.
ويلارعا باتقان كەزىمدە،
ۇزدىگەم قارا كوزىڭە.
بولەيتىن ىڭكار سەزىمگە،
باقىتتىڭ كىلتى وزىندە!
*** *** *** ***
ماحاببات ايدىنىندا ءجۇزىپ جۇرگەن جان ءتاتتى سەزىم مەن قيال قۇشاعىندا بولادى. جابىرقاۋدى ۇمىتىپ، ۋايىم-قايعى دەگەن ومىردە مۇلدەم جوق ءتارىزدى سەزىنەدى.
سول ايدىندا ءومىرىنىڭ سوڭىنا دەيىن جۇزە بەرۋدى قالاپ، جاعالاۋعا شىققىسى كەلمەيتىنى حاق.
ال ەگەردە سول ايدىننان ابايسىزدا شىعىپ قالساڭ، ءومىردىڭ ءمانىن، ءسانىن جوعالتاسىڭ.
ەندەشە دوستار، وسى ءبىر عاجاپ كەرەمەت ءومىردىڭ ءسانىن كەلتىرەتىن دۇنيە — ماحاببات ءۇشىن!
*** *** *** ***
ءبىر عۇلاما «مىنا ومىردە ماحابباتتان ءتاتتى ەش نارسە جوق، ال كەزدەسە قالعان قۋانىشتىڭ بارلىعى دا ەكىنشى ورىنداعى نارسەلەر» دەگەن ەكەن. ال «رۋح — دوستىققا، اقىل — سىيلاستىققا، ءتان — كوڭىلگە، وسى ۇشەۋىنىڭ قوسىلۋى ماحابباتقا ىقپال ەتەدى» دەگەن دە ءسوز بار. شىنايى ماحابباتتىڭ قۇربانى بولعان ادام باقىتتى.
ءومىرىڭىزدىڭ مازمۇنى، ءمانى سانالاتىن شىنايى ماحاببات ءۇشىن!
*** *** *** ***
سەنىڭ نۇرلى بەينەڭدى كورگەنىمدە، اسەم سوزدەر كەلە بەردى-اۋ تىلىمە، سەندەي جاننىڭ سۇيگەنى بولسام ەگەر، ودان اسقان باقىت جوق ەندى مەندە
*** *** *** ***
ساعىندىم سەنىڭ جانارىڭدى،
تۇڭعيىقتاي مۇڭعا باتقان.
ساعىندىم سەنىڭ ءجان-انىڭدى،
تىڭداۋمەنەن اراي اتقان.
ساعىندىم سەنىڭ سوزدەرىڭدى،
جانىم، كۇنىم، ايىم دەگەن.
ساعىندىم سەنىڭ جىلۋىڭدى،
كوزدەرىمنەن نۇر ىزدەگەن.
ساعىندىم سەنىڭ كەلبەتىڭدى،
ءۇنسىز عانا جالبارىنعان.
سەندەي ادام جەر بەتىنەن
ىزدەپ تابۋ قايدا ماعان؟
ساعىندىرماي كەلشى جانىم،
كەزەيىكشى باقىت باعىن.
كوز الدىمدى ورتەپ باراد
جۇرەگىڭنەن اتقان جالىن.
*** *** *** ***
جۇرەگىمدەگى كوكتەم
وكسىپ جۇرەك ورتەيدى ءوز كەۋدەسىن،
ءقايتسىن ەندى تاعدىرىنان بەزگەن سوڭ.
ايتشى جانىم، نەگە كەتتىك قينالىپ؟
بالكىم بىزدەر جولىقتىق پا كەزدەيسوق.
جوق، باقىتىم، ولاي ەمەس، ءبىز باستا
عاشىقتار ەك تاڭ اتقانشا سىرلاسقان.
ەسسىز سۇيدىك ەش نارسەگە مويىماي،
ءبىزدى اياپ،جىلايتۇعىن مۇڭدى اسپان.
ال سەن مەنى ايالادىڭ، ايمالادىڭ،
سەن قاسىمدا جۇرگەن سوڭ قايعىرمادىم،
پاك سەزىمدى پانالاپ، قامسىناتىن.
سول كۇندەردى بىلەسىڭ بە ساعىنامىن.
كەشىر جانىم، جازىلمايتىن سىرقاتتىمىن،
سونى ويلاپ تاپپايمىن ءبىر ءسات تىنىم.
ءۇمىتسىز-اق ءومىر سۇرەم تەك سەن بولساڭ،
تەك سەن بولساڭ قاسىمدا باقىتتىمىن.
جاسىرمايمىن، كيىمىمنىڭ جاماۋى – سەن،
قۇمىراسى كوڭىلىمنىڭ – قۇمارىم سەن.
ونەرىڭە تاڭىم بار، قىزىعامىن،
قايتا تۋسام سەن بولىپ جارالۋشى ەم.
جارالسام عوي، ماعان عاشىق بولارىم حاق،
قامالار ەم سول جۇرەككە، ورىن سۇراپ.
جاڭا عانا ءومىر باستاپ، مەن سۇيگەن،
نەتكەن عاجاپ، باقىتتىسىڭ! ارمانىڭ شاق!
ارمانىڭ شاق! ماعان عانا جايعان قۇشاق!
ءبىراق بايقا كەتپەسىن قايعىڭا ۇقساپ.
تاياقتىڭ ءبىر ۇشىنا ب ا ق ىلىنسە،
ەكىنشىسى سول باقتاعى دەرتىڭ بولماق.
نە دەگەنمەن باقىت، ءسىرا، شەكتەلمەيدى،
ونى مۇڭسىز ەشكىم دە وتكەرمەيدى.
قايعى ارالاس شاتتىققا ماس جۇرەكتەردىڭ،
جاقۇت ىزدەپ جىر جازۋىن «كوكتەم» دەيدى.
*** *** *** ***
سۇيەم سەنى
سۇيەم سەنىڭ شىعاناقتاي كوزىڭدى،
سۇيەم سەنىڭ نۇرعا بىتكەن ءجۇزىڭدى،
سۇيەم سەنىڭ مىنەزىڭدى ءتوزىمدى،
توزىمىڭنەن ءۇزىپ سابىر بەرسەڭ عوي.
سۇيەم سەنىڭ ەزۋگە ماس ەرنىڭدى،
سۇيەم سەنىڭ جۇزدەن وتكىر ءتىسىڭدى،
سۇيەم سەنىڭ ىنتىقتىرار ءيىسىڭدى،
سول يىستىجەلدەي ەسىپ جۇرسەم عوي.
سۇيەم سەنىڭ شابىتىڭدى بۇرمەلى،
سۇيەم سەنىڭ تاماعىڭداعى مەڭدى،
سۇيەم سەنىڭ ەرەكشە جۇرەگىڭدى،
سول جۇرەككە تامىرىڭمەن جەتسەم عوي.
سۇيەم سەنىڭ جوتاداي كەڭ كەۋدەڭدى،
سۇيەم سەنىڭ دىڭگەكتەي تىك جەلكەڭدى،
سۇيەم سەنىڭ شىڭداي بيىك ەڭسەڭدى،
سول ەڭسەڭنەن قۇلاپ جەرگە ولسەم عوي.
*** *** *** ***
باقىتىم
سەن كەي كەزدە اسپاندايسىڭ جەرگە تونگەن،
كىرشىكسىز سىز كەۋدەمە كومكەرىلگەن.
سەن كەي كەزدە قاتتى تاسسىڭ سىر بەرمەيتىن،
جىلىمايسىڭ، جىلاسام دا كەلىپ كوكتەن.
سەن كەي كەزدە بۇلاقتايسىڭ باستاۋى بار،
سىڭعىرلاعان نازىك ءۇندى انگە قۇمار.
سەن كەي كەزدە اققۋدايسىڭ ايدىنداعى،
ءجۇزىپ باياۋ، جۇرگەندەيسىڭ ىزدەپ سىڭار.
ءوزىڭ تۇگىل تانىمايمىن كەيدە ءوزىمدى،
سەنى كورىپ جۇرەك ت ىنىپ، ءتىلىم سىندى.
سۇيەم سەنى، مەيلى تاس بول، تاسجۇرەك بول،
سەندەي باقىت كورمەپپىن بۇرىن-سوڭدى.
*** *** *** ***
سۇيەمىن سەنى نەگە ەكەنىن بىلمەيمىن نەگە جانىم سەنى ىزدەيدى كۇنى-تۇن بولسام دەيمىن، ماڭگى سەنىڭ قاسىندا ءبىراق ءقازىر ارمانىمسىڭ تەك قانا....
*** *** *** ***
سەن مەنىڭ جالعىز جانىمسىڭ،
سەن جوقتا مۇشكىل ءحالىم شىن.
مۇڭ باسىپ تۇندەي تۇنەرسەم،
اعارىپ اتار تاڭىمسىڭ.
باسىما قونعان باعىمسىڭ،
كوڭىلىمنىڭ التىن تاعىسىڭ.
قاسىمدا ءدايىم جۇرسەڭ دە،
ارمانداي الىس ساعىمسىڭ.
اينالدىم قوڭىر كوزىڭنەن،
ايىرعان مەنى توزىمنەن.
جارىلسىن جۇرەك شاتتانىپ،
سۇيەمىن دەگەن سوزىڭنەن.
سوندايسىڭ، ساۋلەم، سوندايسىڭ،
جاعاسى بۇلعىڭ توندايسىڭ.
جارالىپ جاندى جىلاتپاي،
باسىما ب ا ق بوپ قونعايسىڭ.
تاعاستىز كۇتىپ-توسامىن،
جىرىما سەنى قوسامىن.
ءسوزىڭدى بەرسەي، بولايىن،
ءتاڭىرى قوسقان قوساعىڭ!
تەزىرەك، جانىم، جەتسەڭشى،
ساعىندىم.... ءولدىم...تەك سەنشى.
تولقىعان جۇرەك تىنشىسىن،
سەنىمنىڭ گۇلىن ەكسەڭشى.
*** *** *** ***
شىنايى ماحاببات كۇشىنىڭ قۇدىرەتتىلىگى سونداي – مىلقاۋعا ءتىل ءبىتىرىپ، سوقىرعا جانار بەرەدى، اۋرۋدى جازىپ، ءولىنى تىرىلتەدى.
ماحاببات – ۇلى جالعاندا ەڭ،
تەڭەسەر وعان كانە، كۇش!
ماحاببات – اسىل ارمان مەن
ورتەنۋ، جانۋ، ساعىنىش.
ماحاببات – قۋعا جات مەكەن،
قۇدىرەت ونىڭ اتى دا.
ماحاببات - عاجاپ اقبوكەن،
ايىرىلىپ قالساڭ قاپىدا.
*** *** *** ***
You Might Also Like
-
پرەزيدەنت قاسىم-جومارت توقايەۆ ءوز جولداۋىندا «ازاماتتىق قوعامعا قولداۋ كورسەتىپ، ونىڭ الەۋەتىن نىعايتا ءتۇسۋ كەرەك. سونداي-اق اسا ماڭىزدى جالپىمەملەكەتتىك مىندەتتەردى شەشۋ ءۇشىن تالقىلاۋ جۇمىستا...
