جارىما ارنالعان تىلەكتەر، قۇتتىقتاۋلار
كەتىرمەگەن بەرەكەسىن داستارحاننىڭ،
تۋعان كۇنى قۇتتى بولسىن وت-اناسىنىڭ.
تاعى دا وسىنشاما ءومىر ءسۇرىپ،
قىزىعىن قىزىقتاي بەر جالعىزىڭنىڭ.
*** *** *** ***
تۋعان كۇنى قۇتتى بولسىن جولداسىمنىڭ
ون بەس جىل وتاسقان وت باسىمنىڭ
كىم بىلەد ەندى قانشا بولارىمدى
وزىڭە نەكە قيعان وتاعاسىنىڭ.
تىلەرىم زور دەنساۋلىق، ۇزاق ءومىر تاۋ حالقىنىڭ،
جاقسىلىعىن تىلەيمىن بۇل جالعاننىڭ،
اراداعى جالعىز بۇتاق، جالعىز ۇلىڭ،
كور سونىڭ جاپىراعىنىڭ جايقالعانىن!
*** *** *** ***
قۇرمەتتى وتاعاسى! ەردىڭ جاسى – 50-گە كەلگەن مەرەيلى ءساتىڭ قۇتتى بولسىن!
ءومىر كوشىن ءبىز بىرگە باستاپ ەدىك، قالىپسىڭ سەن دە 50 جاسقا كەلىپ، - ۇل-قىز تاربيەلەپ، جارىڭدى ايالاپ، اتا-اناڭدى قاستەرلەپ، اكەلىك، جۇبايلىق، پەرزەنتتىك پارىزىڭدى ادال اتقارىپ كەلەسىڭ. ءاردايىم شاڭىراعىمىزدىڭ تىرەگى، قامقورشىسى، وتباسىمىزدىڭ بەرىك دىڭگەگى بولدىڭ. تالاي اسۋلاردى تاباندىلىقپەن جەڭىپ، نەلەر قيىندىقتاردى قاجىرمەن جەڭدىك. «ەلۋ – تال ءتۇس» دەمەي مە؟ ەندەشە الداعى ومىردە دە تۋعانعا سىيلى، كەيىنگە ۇلگى بولا بەر. كۇن جاعىمىزدان كولەڭكە، جەل جاعىمىزعا پانا بولىپ جۇرە بەر! دەنساۋلىعىڭ كۇيلى-قۋاتتى، عۇمىرىڭ ۇزاعىنان، كورەر قۋانىشىڭ مولىنان بولسىن دەيمىن.
*** *** *** ***
بابىشەم-اۋ، سۇلۋ ەدىڭ، ويلى ەدىڭ،
نازىك تانگە جاراساتىن كويلەگىڭ.
كەرىس شىعىپ كەتپەسىن دەپ كەزدەيسوق،
كۇيەۋىڭە بايقاپ-بايقاپ سويلەدىڭ.
ءوتتى جىلدار، وتكەندەرى بىلىنبەي،
ولگەن ارمان قالا بەردى تىرىلمەي.
ءتىلىڭ شىقتى اقىرىنداپ سەنىڭ دە،
سەگىز ايلىق جاس بالانىڭ تىلىندەي.
كونەمىز عوي دەگەنىنە تاعدىردىڭ،
باقىتىڭدى قىزعاناتىن بار قۇربىڭ.
تۇمانبايدى جاقسى كورگەن جۇرەكتى،
قاي كوشەنىڭ بۇرىشىندا قالدىردىڭ؟!
مۇمكىن گۇلدەر ەگە المادىم جولىڭا،
ب ا ق جۇلدىزىن بەرە المادىم قولىڭا.
ايىڭ تۋسا العانىڭنىڭ ارقاسى،
كۇنىڭ شىقسا كوپسىنبەيمىن ونى دا.
قاتار تۇرىپ كەۋدە توستىق تاسقىنعا،
كەرەك ەتسەم، ءتىلىن تاپتىڭ تاستىڭ دا.
ەلۋ جىلداي بىرگە كەلە جاتىرمىز،
سەنىڭ بيىك اقىلىڭنىڭ استىندا.
*** *** *** ***
جارىڭنىڭ قاباعىنا مۇڭ تۇسىرمە،
باقىت بار ۋايىم جوق، شات پىشىندە.
جۇرەگىڭدە مەيىرىم، يمان بولسا،
قادىرلەيدى جار تۇگىل، جات كىسىڭ دە.
*** *** *** ***
الپەشتەيدى، ايالايدى ادال جار،
جار جىلۋى – جۇرەككە ءنار، سونى اڭعار.
ءوزىڭدى ءوزىڭ قۇرمەتتەگىڭ كەلسە ەگەر،
اياۋلىڭدى جۇرەكپەن ءسۇي، ادامدار.
*** *** *** ***
جۇرەر بىرەۋ جارىنىڭ، جانىن ۇقپاي،
جۇرەر بىرەۋ الپەشتەپ، ابىرجىتپاي.
ءوزىڭ ءسۇيىپ الدىڭ با،
ءومىر بويى،
ايەلىڭدى قادىرلە قالىڭدىقتاي.
*** *** *** ***
اسىل جار، اياۋلى جار، قۇداي قوسقان،
ءوزىڭسىز كوڭىلىمدى مۇنار باسقان.
ەگەر دە سەن بولماساڭ، كوكتە كۇن مەن،
كوگىمدە كۇلىمسىرەپ تۇرار ما اسپان؟!
جاراتقان ۇلدا بەردى، قىز دا بەردى،
تۇسىمە ەنە المايدى قىزدار ەندى.
ءوزىڭسىڭ ب ا ق جۇلدىزىم جارقىراعان،
تابامىن جۇرەگىڭنەن ىزگى الەمدى.
ۋىق قوستىڭ سەن مەنىڭ ۋىعىما،
جىلىنامىن جانىڭنىڭ جىلۋىنا.
جار بولعالى ءوزىڭدى ۇمىتقانسىڭ،
وبەكتەپ مەنىڭ ىستىق – سۋىعىما.
شاتتىعىن تىرشىلىكتىڭ تەڭ ءبولىسىپ،
اققۋداي ايالايسىڭ كولبەپ ۇشىپ.
قىلىعىڭ، ەركەلىگىڭ، نۇرلى ءجۇزىڭ،
سوناۋ ءبىر، العاش كورگەن، كەزدەن ىستىق.
اياۋلىم، جاۋلاپ العان ەر جۇرەگىڭ،
الپەشتەپ اناما ۇقساپ ەلجىرەدىڭ.
بار باقىتىم ءبىر مەنىڭ باسىمداعى
قاراشى، جانارىڭدا مولدىرەۋىن.
*** *** *** ***
ايەلدەرگە وسيەت
ايەلدەرگە
ايەل دوستار،
ەركەكتەردى جوندەپ كۇتىپ باعىڭدار،
ولارعا ىلعي جاعىنىڭدار، جاعىڭدار،
تولىپ جاتىر وكىنىشتىڭ سەبەبى،
ەركەك دەگەن وتە نازىك كەلەدى.
سۇلۋ كورسە، سۇلۋ كورسە، تەز بوسايدى بۋىنى،
اسەر ەتكىش وعان كۇننىڭ سۋىعى،
ەركەك دەگەن و باستان-اق شارشاۋىق،
قوزعاماڭدار جاتسا-داعى جاۋ شاۋىپ.
شەتتەرىنەن ۇمىتشاق تا جاڭعالاق،
ءسۇت ورنىنا سىرا اكەلەر اربالاپ،
ايتا بەرسەڭ ەركەكتەرگە وبال-اق،
سوندىقتان دا كۇتىڭدەرشى باعالاپ.
عالىم بۇگىن ءبارىن ىزدەپ تاۋىپتى،
ەركەكتەرگە ارتىق قيمىل كاۋىپتى.
ەركەكتەرگە شىلىم شەگۋ زياندى،
زياندى وعان كوپ يىسكەۋ دە قياردى.
زياندى وعان كوپ قيالعا باتۋ دا،
زياندى وعان ءجۇرۋ تۇگىل، جاتۋ دا،
جۇمىس ىستەپ، جالاقى دا الىڭدار،
بابىن تاۋىپ بالاسىن دا تابىڭدار.
اڭدا-ساندا دۇكەنگە ءبىر شىققاندا،
بىرەر جارتى ارتىق الا سالىڭدار.
مۇنىڭ ءبارى ەركەكتەرگە الىمدى،
سولار ءىشسىن، سولار كيسىن كيىمدى.
و، ايەلدەر، ەركەكتەردىڭ قادىرىنە جەتىڭدەر،
ۇلپىلدەتىپ، الپەشتەۋمەن وتىڭدەر.
*** *** *** ***
«كەرەگەنىڭ باسىندا ويماق تۇرار،
كەدەيشىلىك جىگىتكە قوي باقتىرار.
العان جارى جىگىتتىڭ جاقسى بولسا،
اتىن بايلاپ الدىندا ويناپ تۇرار» -
دەپ جىرلايدى بۇل قازاق ولەڭى،
قارا ولەڭى – اقساقال كورەگەنى.
جارعا تەڭەپ جاتادى ءۇيدىڭ وتىن،
جارعا تەڭەر توسەك پەن كەرەگەنى.
جارقىراتىپ جۇرەتىن ارمان-اراي،
جىرلار جازعان جار جايلى تولعاپ اباي!
جارى جاقسى جىگىتكە ب ا ق قاراعان،
شارۋاسى دوڭگەلەپ العا قاراي.
جارى جاقسى جىگىتتىڭ – اسپانى اشىق،
ءار كۇن وقىر قىزىقتى داستان اشىپ!
جاقسى جارى – جىگىتتىڭ بەرەكەسى،
كۇننەن كۇنگە كوبەيەر دوستارى اسىپ.
انا اتىن جۇرگەندەر جاساپ ۇران،
بۇل سوزىمە كەلتىرمەس اسا كۇمان!
باعى اشىلعان جىگىتكە قۇداي بەرگەن،
باعى اشىلۋ – جىگىتتىڭ قوساعىنان!
جارىڭ – جانىڭ،
جولداسىڭ – القالاسىڭ،
تويلاپ جاتىر سول بۇگىن ورتا جاسىن.
جاقسى جارى – جىگىتتىڭ التىن ءتاجى،
باسىڭداعى بازارىڭ تارقالماسىن!
*** *** *** ***
تۋعان كۇنى قۇتتى بولسىن وتباسىنىڭ
45 – دەگەن بۇل ومىردە جارتى عاسىر
ۇلىڭنىڭ قىزىعىن قىزىقتاي بەر
ءار ۋاقىتتا دومالاپ ورگە تاسىڭ.
You Might Also Like
