گازدالعان سۋسىندار پايدالى ما؟
ادام اعزاسىنىڭ 60%-ىن سۋ قۇرايدى. بويداعى سۋ تەپە-تەڭدىكتى ساقتاۋ ءۇشىن ادام كۇندەلىكتى قاجەتتى مولشەردە سۋ ءىشىپ تۇرۋى كەرەك. كوفە، كوك ءشاي، گازدالعان سالقىن سۋسىندار، مينەرالدى سۋ ت.س.س سۋسىنداردىڭ نەگىزىن سۋ قۇرايدى. الايدا، سۋدان بولەك سۋسىنداردىڭ قۇرامىندا باسقا دا زاتتار كەزدەسەدى. سونىڭ ءبىرى — گاز. گازدالعان سۋسىندار ادام اعزاسىنا ءار ءتۇرلى اسەر بەرەدى.
ارتىق سالماق پەن ديابەت
ءار گازدالعان سۋسىندا قانت پەن قىشقىلدار كەزدەسەدى. بۇل ەلەمەنتتەر اسقازانعا قاتتى اسەر ەتەدى. گازدالعان سۋسىن ىشكەن ادامنىڭ تابەتى قاشادى ءارى ولار ءشولدى قاندىرمايدى. ال ءتاتتى-قىشقىلدى ەلەمەنتتەر اسقازانعا تۇسكەن بويدا مايعا اينالىپ، ارتىق سالماقتىڭ قوسىلۋى مەن قانت ديابەتى اۋرۋىنىڭ پايدا بولۋىنا ىقپال ەتەدى. قانت ديابەتىمەن اۋىراتىن جاندار گازدالعان سۋسىن ورنىنا مينەرالدى سۋ پايدالانعانى ءجون.
ءتىس كاريەسى
گازدالعان سۋسىندار ءتىس ءتۇسىنىڭ قارايۋى مەن كاريەس تۇسۋىنە جول بەرەدى. سۋسىن قۇرامىنداعى قىشقىلدى ەلەمەنتتەر ءتىس ەمالىن السىرەتەدى. سونداي-اق، ءتىس اۋرۋلارىنىڭ تۋۋىنا اسەر ەتەدى.
سۇيەكتەر
گازدالعان سۋسىن قۇرامىندا ليمون (ە330)، الما ت.ب جەمىس-جيدەكتەردىڭ قىشقىلى مەن ورتوفوسفور قىشقىلى (ە338) كەزدەسەدى. بۇل ەلەمەنتتەر سۇيەكتەگى كالسيي مولشەرىن ازايتادى. سول سەبەپتەن سۇيەك السىرەپ، سىنعىش كەلەدى.
اسقازان مەن ىشەك قۇرىلىسى
كەز كەلگەن گازدالعان سۋسىن قۇرامىندا كومىرقىشقىل گاز كەزدەسەدى. ول سۋسىننىڭ ۇزاق ساقتالۋىنا ىقپال ەتەدى. مۇنداي سۋسىندار اسقازان سەكرەسياسىنىڭ قابىنۋىنا، ىشەك ءسولىنىڭ پايدا بولۋىنا، سوزىلىپ، ىشەك اۋرۋلارىنىڭ پايدا بولۋىنا اسەر ەتەدى. گاستريت، ىشەك جاراسى جانە ت.ب. اسقازان اۋرۋىنا شالدىققان جاندار گازدالعان سۋسىن ورنىنا گازدالماعان مينەرالدى سۋ، كوك ءشاي ىشكەن ءجون.
اياعى اۋىر كەلىنشەكتەر مەن ءۇش جاسقا تولماعان بالالارعا گازدالعان سۋسىنداردى ىشۋگە بولمايدى. ۇشتەن اسقان بالالارعا بۇل سۋسىنداردى گازىن شىعارىپ بەرۋ كەرەك. گازدالعان سۋسىندار ورنىنا سۇتتەن جاسالعان كوكتەيل، جەمىس-جيدەك پەن كوكونىس شىرىن، گازدالماعان مينەرالدى سۋ پايدالانعان ابزال. جەمىس-جيدەك پەن كوكونىستەر شىرىن قۇرامىندا ءار ءتۇرلى دارۋمەندەر مەن ميكروەلەمەنتتەر كەزدەسەدى. بۇل شىرىندار بالالارعا دا، جۇكتى ايەلدەرگە دە، سوزىلمالى اۋرۋمەن اۋىراتىن جاندارعا دا وتە پايدالى.
ديەتولوگ ماماندار ەرەسەك ادامعا كۇندەلىكتى 3 ستاكان شىرىن، ال بالالارعا 1 ستاكان تاماق الدىندا 30-40 مينۋت بۇرىن ءىشۋ كەرەك دەسەدى. شىرىن اس قورىتۋ جۇيەسىن جاقسارتادى ەكەن.
كوپ مولشەردە پايدالانىلعان شىرىن بۇيرەككە، سونداي-اق، اياق-قولدىڭ سارسىپ ىسۋىنە اسەر ەتەدى. شىرىن قۇرامىنداعى كەيبىر ەلەمەنتتەردەن اللەرگيا پايدا بولۋى مۇمكىن. سوندىقتان دا، سۋسىن ساتىپ الماس بۇرىن شولمەك سىرتىنداعى زاتبەلگىنى مۇقيات وقىپ، قۇرامىنا ءمان بەرىڭىز.
You Might Also Like
-
جاسقانشاقتىقتان ايىعۋدىڭ جاقسى ءبىر جولى — كوپشىلىكپەن ارالاسۋ. جاسقانشاقتىق — بۇل ادام بويىنداعى جاعىمسىز قاسيەتتىڭ ءبىرى. جاسقانشاق مىنەزدى ادامداردىڭ ماقساتىنا جەتۋى سيرەك. ويتكەنى ولا...
-
پسيحيكالىق دەنساۋلىق ءبىزدىڭ ەموسيونالدى، پسيحولوگيالىق جانە الەۋمەتتىك ءال-اۋقاتىمىزدى بىلدىرەدى. بۇل ءبىزدىڭ ويلاۋىمىزعا، سەزىنۋىمىزگە جانە مىنەز-قۇلقىمىزعا، سونداي-اق سترەسستى جەڭۋ، شەشىم قابىلداۋ ...
